گازەتىمىزدىڭ حابارى (ٴتىلشىمىز دۇڭ شىجۇي حابارلايدى). 11 - ايدىڭ 8 - كۇنى تۇستەن كەيىن 7 ـ كەزەكتى جۇڭگو حالىقارالىق يمپورت كورمەسىندە جۇڭگو باۋ ـ ۋ بولات ـ تەمىر توبى شەكتى سەرىكتەستىگى (تومەندە قىسقارتىلىپ جۇڭگو باۋ ـ ۋ دەلىنەدى) حالىقارالىق ساتىپ الۋعا شوعىرلى قول قويۋ سالتىن وتكىزىپ، الەمدىك سەلبەستىكتى اناعۇرلىم تەرەڭدەتىپ، جاسىل، تومەن كومىرتەكتى دامۋدى ىلگەرىلەتۋدىڭ تەڭ يگىلىككە كەنەلۋ قۋاتتاماسىن جاريالادى. مۇنىڭ ىشىندە باۋ ـ ۋ توبى 1 - تامىز بولات - تەمىر شەكتى سەرىكتەستىگى (تومەندە قىسقارتىلىپ «باۋ - ۋ 1 - تامىز سەرىكتەستىگى» دەلىنەدى) مڭگۋ ەنەرگيا شەكتى سەرىكتەستىگىمەن (تومەندە قىسقارتىلىپ «مڭگۋ ەنەرگيا سەرىكتەستىگى» دەلىنەدى) ساتىپ الۋ كەلىسىمىنە قول قويۋ سالتىن وتكىزدى.
وسى كەزەكتى يمپورت كورمەسىندە جۇڭگو باۋ - ۋ توبى “جاڭا ەنەرگياعا قاراي ويىسىپ، جاسىل بولاشاققا بەت الايىق” نەگىزگى تاقىرىبىنداعى جاڭا ساپالى وندىرگىش كۇشتەردى جەدەل جەتىلدىرۋدى، دامىتۋدى جانە جاسىل، تومەن كومىرتەكتى تيپتە بۇرىلىس جاساۋدى ىلگەرىلەتۋدى ارقاۋ ەتىپ، جوعارى ولشەمدەگى ساتىپ الۋ كەلىسىمىنە قول قويۋ جانە سايكەستى قيمىلداردى وتكىزدى.
باۋ - ۋ 1 - تامىز بولات - تەمىر شەكتى سەرىكتەستىگى 2012 - جىلدان باستاپ مڭگۋ ەنەرگيا سەرىكتەستىگىنەن كوكس كومىرىن رەسمي يمپورت ەتىپ، ساتىپ الۋ مولشەرى جىل سايىن ارتتى. 2023 ـ جىلى مڭگۋ ەنەرگياسىنىڭ شينجياڭداعى بولىمشەسى مىڭكى ەنەرگيا سەرىكتەستىگى باۋ - ۋ 1 ـ تامىز بولات ـ تەمىر شەكتى سەرىكتەستىگىنىڭ 2022 ـ جىلعى ستراتەگيالىق سەلبەستىك سەرىگى قاتارىنا ەنگىزىلدى. 2024 - جىلى وتكىزىلگەن جۇڭگو باۋ - ۋ ءۇرىمجى باس سەرىكتەستىگىنىڭ قامداۋشى ساۋداگەرلەر جينالىسىندا، شينجياڭ مىڭكى ەنەرگيا سەرىكتەستىگى “باۋ - ۋ 1 - تامىز بولات - تەمىر شەكتى سەرىكتەستىگىنىڭ 2023 - جىلعى ستراتەگيالىق سەلبەستىك قامداۋشى ساۋداگەرى” اتاعىن الدى.
مڭگۋ ەنەرگيا سەرىكتەستىگى تۇتاس تىزبەكتەگى حالىقارالىق كوكس كومىرىمەن قامداۋشى سەرىكتەستىك، نەگىزىنەن موڭعۇليانىڭ باتىس بولەگىندەگى كەن بايلىعىن اشۋمەن شۇعىلدانادى، حوشۇت كومىر كەنىنىڭ كوكس كومىرىن اشادى ٴارى جۇڭگوعا ەكسپورت ەتەدى، كومىردى جۋىپ مانەرلەگەننەن كەيىن جۇڭگو بازارىن قامدايدى. قازىر جىلدىق ٴوندىرىس قۋاتى 8 ميلليون توننا، تايكەشكەن وتكەلىندە كومىر سۇرىپتاۋ زاۆودىن قۇردى.
بيىل 1 - ايدان 10 - ايعا دەيىن مڭگۋ ەنەرگيا سەرىكتەستىگى كوكس كومىرىنىڭ كەدەننەن وتكىزۋ مولشەرى 2 ميلليون 620 مىڭ تونناعا جەتىپ، سەرىكتەستىك تاريحىنداعى ەڭ جوعارى دەڭگەيدى جاراتتى؛ 2024 ـ جىلى 11 - ايدىڭ 8 -كۇنىنە دەيىن مڭگۋ ەنەرگيا سەرىكتەستىگىنىڭ باۋ - ۋ 1 - تامىز بولات - تەمىر سەرىكتەستىگىنە ٴبىر جىلدا جونەلتكەن سۇرىپتالعان كومىر مولشەرى ٴبىر ميلليون توننادان استى.
放大
