گازەتىمىزدىڭ حابارى (ٴتىلشىمىز ٴالينا ايدىن قىزى، ەرىكتى ءتىلشى ۇلپان ورالبەك قىزى حابارلايدى). جۋىردا، التاي قالالىق اكىمشىلىك قىزمەت وتەۋ ورتالىعىنداعى قالالىق ەمدەۋدى قامتاماسىزداندىرۋ مەكەمەسىنىڭ قىزمەتكەرلەرى ٴتۇرلى ٴىرى قوناق ساراي، قوناقجاي جاۋاپتىلارىنا ەمدەۋدى قامتاماسىزداندىرۋدا باسقا جەردە ەسەپ جابۋ ۇگىت كارتوچكاسىن تاراتتى.
بۇل كارتوچكانىڭ جوبالانۋى كوركەم، مازمۇنى انىق بولىپ، ەمدەۋدى قامتاماسىزداندىرۋدا باسقا جەردە ەسەپ جابۋدىڭ قولدانىلۋ كولەمى، ٴبىتىرۋ ٴتارتىبى، قاجەتتى ماتەريالى قاتارلى ماڭىزدى ينفورماتسيالاردى قامتىدى، قوناق ساراي، قوناقجاي قاتارلىلار قىزمەت وتەۋ بارىسىندا ساياحاتشىلاردىڭ جەرگىلىكتى ورىندا ەمدەۋدى قامتاماسىزداندىرۋ ساياساتىن، ەمدەۋدى قامتاماسىزداندىرۋدا ولكە اتتاپ ەسەپ جابۋ قاتارلى مازمۇنداردى تۇسىنۋىنە مۇمكىندىك جاسادى.
التاي يۇيحۋايۋان قوناق سارايىنىڭ ديرەكتورى لۇڭ يانپيڭ بىلاي دەدى: وسى ۇگىت كارتوچكالارىن ٴارقايسى قوناق بولمەسىنە قويىپ، ٴاربىر قوناقتىڭ وسى ماڭىزدى ينفورماتسيانى تۇسىنۋىنە كەپىلدىك ەتىپ، ولاردىڭ التايدا تۇرعان كەزىندە جان - جاقتى قامقورلىقتى سەزىنۋىنە مۇمكىندىك جاسايمىز.
بيىل التاي قالاسى نازاردى ەمدەۋدى قامتاماسىزداندىرۋعا قىزمەت وتەۋدەگى قيىن، بوگەتتى ماسەلەلەرگە شوعىرلاندىرىپ، ەمدەۋدى قامتاماسىزداندىرۋدا ولكە اتتاپ ناۋقاس كورسەتكەن جەردە تىكەلەي ەسەپ جابۋدى بار كۇشپەن ىلگەرىلەتىپ، ساياحاتشىلاردىڭ باسقا جەردە ناۋقاس كورسەتۋدە ەستەلىككە الدىرۋدى جەلىدە بىتىرۋىنە كومەكتەسىپ، “ينفورماتسيا ارقىلى جۇمىس جۇرگىزىپ، ساياحاتشىلاردى سابىلتپاۋدى” جۇزەگە اسىردى. قازىرگە دەيىن 39 مىڭ ادام جەلىدەگى ارنا ارقىلى شيپاگەرگە كورىنۋگە تىزىمگە الدىردى. مۇندا، ولكە ىشىندە 35 مىڭ 300 ادام (رەت)، ولكە سىرتىندا 3700 ادام (رەت) بولعان. التاي قالاسىنان ولكە اتتاپ باسقا جەردە شيپاگەرگە كورىنىپ تىكەلەي ەسەپ جاپقان ادام 22 مىڭ 293 ادام (رەت) بولىپ، سايكەس مەزگىلدەگىدەن 5221 ادام (رەت)، %30.58 ارتقان، ناۋقاس ٴوزى تولەي تۇراتىن قاراجات 2 ميلليون 644 يۋان ازايعان.
التاي قالالىق ەمدەۋدى قامتاماسىزداندىرۋعا قىزمەت وتەۋ ورتالىعىنىڭ مەڭگەرۋشىسى كۇڭ ىرۋي بىلاي دەدى: ٴبىز بۇدان بىلاي قىزمەت جۇيەسى مەن ٴتارتىبىن ۇزدىكسىز ساپالىلاندىرىپ، وسى ٴبىر قامتاماسىزداندىرۋ شاراسىنىڭ ورنىقتى، جوعارى ٴونىمدى جۇرىلۋىنە كەپىلدىك ەتىپ، باسقا جەردە ناۋقاس كورسەتۋ ساياساتىنىڭ تۇتاس قالادا جالپىلاسۋىنا، التايعا كەلگەن ساياحاتشىلاردىڭ الاڭسىز بولۋىنا مۇمكىندىك جاراتامىز.
放大
