گازەتىمىزدىڭ حابارى (ٴتىلشىمىز گۇزال ابدىرەشيت، ەرىكتى ٴتىلشى فۋ حاۋدۇڭ حابارلايدى). 11 - ايدىڭ 6 - كۇنى التاي قالاسىنىڭ مانجياڭكى ازىق - تۇلىك شەكتى جاۋاپكەرشىلىك سەرىكتەستىگىندە سەرىكتەستىكتىڭ باس ديرەكتورى يۋان حايلۇڭ مەن تەحنيكتەر سەحتاعى اۆتوماتتى قۋىرۋ ماشيناسىنىڭ ٴتۇرلى پارامەترىن تەڭشەپ، ٴاربىر شەكىلدەۋىك ٴدانىن اۆتوماتتى قۋىرۋ ماشيناسىنان وتكىزگەننەن كەيىن جەتكىزگىش ارقىلى دوربالاۋ سەحىنا جەتكىزىپ، دوربالاپ جاشىككە سالدى.
ــ قازىر باقشا رايونىندا ٴبىر كەمەلدى قۋىرۋ ٴوندىرىس جەلىسى، 2 دەربەس دوربالاۋ جەلىسى بار. كۇندىك ٴوندىرۋ مولشەرى 4 تە 5 توننا بولىپ، 9 ـ ايدىڭ باسىنان قازىرگە دەيىن 40 توننا اينالاسىندا ٴوندىرىلىپ، ونىمدەرى شينجياڭنىڭ جەر ـ جەرىنە جونەلتىلدى، ـ دەدى يۋان حايلۇڭ.
قوراپتاۋ سەحىندا جۇمىسشىلاردىڭ كەيبىرەۋى ٴوندىرىس جەلىسىندە دوربالاۋمەن اينالىسسا، كەيبىرەۋى قوراپتاۋ جاعدايىن تەكسەرىپ، كەيبىرەۋى وڭدەلگەن ونىمدەردى قوراپتاپ، ٴبولىس بويىنشا سەلبەسىپ، سايكەسىپ جۇمىس ىستەدى. شىرىكشي اۋىلى قيعانقۇدىق الەۋمەتتىك اۋماعىنان كەلگەن، وسى ارادا 2 اي جۇمىس ىستەگەن ما جۇنلان سولاردىڭ ٴبىرى. جاقىن ماڭنان جۇمىس ىستەگەنىنە رازى بولعان ول بىلاي دەدى: ۇيدەن سەرىكتەستىككە 5 مينۋتتا جەتەمىن، ايلىق كىرىسىم 4500 يۋان، وسىعان ٴدان ريزامىن.
شىرىكشي اۋىلى قيعانقۇدىق الەۋمەتتىك اۋماعى پارتيا ياچەيكاسىنىڭ شۋجيى شۇي گۋاڭۋي بىلاي دەدى: كاسىپورىننىڭ قيعانقۇدىققا ىرگە تەبۋى الەۋمەتتىك اۋماق تۇرعىندارىنىڭ كىرىسىن ارتتىرۋدا بەلگىلى رول اتقارىپ قالماستان، ونىڭ ۇستىنە، كاسىپورىن جۇمىسشىنى الەۋمەتتىك اۋماقتان قابىلداپ، ٴونىم شيكىزاتىن الەۋمەتتىك اۋماقتان الدى.
ۇعىسۋعا قاراعاندا، 9 - ايدىڭ 1 - كۇنى سەرىكتەستىك وندىرىسكە قوسىلعاننان بەرى، توڭىرەكتەن 150 توننا شەكىلدەۋىك شيكىزاتىن ساتىپ الىپ، قازىرگە دەيىن 156 گرام، 500 گرام، 1000 گرام قاتارلى بىرنەشە ٴتۇرلى ۇقساماعان ولشەمدەگى اۋەلگى دامدەگى شەكىلدەۋىكتى شىعارعان. بيىل سەرىكتەستىك قيعانقۇدىق الەۋمەتتىك اۋماعىنان 10 تۇراقتى جۇمىسشى قابىلدادى. جۇمىسشى ىستەتۋدىڭ قاۋىرت مەزگىلىندە 5 تە 10 جەرگىلىكتى تۇرعىندى ۋاقىتشا جۇمىس ورنىنا ىستەتتى.
اۋىل ـ قىستاقتى گۇلدەندىرۋدە، ٴسوز جوق، كاسىپ سالاسىن گۇلدەندىرۋ كەرەك. كاسىپ سالاسىن گۇلدەندىرۋ ساپالى، ەرەكشە ەكولوگيالىق ونىمدەردىڭ ساپاسىن جاقسارتىپ، ونىمدىلىگىن ارتتىرۋدان جانە ايگىلى ماركا جاراتۋدان ايرىلا المايدى. التاي قالاسىنىڭ مانجياڭكى ازىق ـ تۇلىك شەكتى سەرىكتەستىگى تىكەلەي شەكىلدەۋىك ەككەن اۋىلدا زاۆود قۇرىپ، تاسىمالدىڭ وزىندىك قۇنىن تومەندەتۋمەن بىرگە، جەرگىلىكتى تۇرعىنداردىڭ كىرىسىن ارتتىرىپ جانە كاسىپ سالاسىنىڭ دامۋىن جەبەپ، ەكى الىپ بيگە شىقتى.
ــ بيىل قىستا ٴبىز جەلىدە ساتىپ الۋ مەحانيزمىن اناعۇرلىم كەمەلدەندىرىپ، جەرگىلىكتى شەكىلدەۋىكتى بۇكىل ەلدىڭ جەر ـ جەرىنە جەتكىزۋگە قۇلشىنامىز، ـ دەدى يۋان حايلۇڭ.
放大
