باس شۋجي شي جينپيڭ “جۇڭحۋا ۇلتى ورتاق تۇلعا تانىمىن بەرىك ورناتۋ ــ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىندەگى ٴتۇرلى قىزمەتتىڭ نەگىزگى جەلىسى” ەكەندىگىن باسا دارىپتەگەن. اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى مەن التاي ايماقتىق پارتكومنىڭ كەڭەيتىلگەن ٴماجىلىسى جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتۋ قىزمەتىن ارقاۋ ەتىپ جان ـ جاقتى ورنالاستىرۋ جاساپ، ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اشتى - تۇشتىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەلەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى التايدى اناعۇرلىم ويداعىداي قۇرۋدى ىلگەرىلەتۋدە ماڭىزدى مانگە يە. بۋىرشىن اۋدانى باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتىڭ نەگىزگى جەلىسىنە باستان - اياق ساباقتاستىرۋدان اۋىتقىماي، پارتيانىڭ ۇلت نازارياسى مەن ۇلت ساياساتىن بۇلجىتپاي دايەكتىلەندىرىپ، تياناقتاندىرىپ، ۇلتتار ىنتىماعى سىندى ٴار ۇلت حالقىنىڭ جان تامىرىن بەرىك قورعاۋ كەرەك.
ٴبىرىنشى، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، جۇڭحۋا ۇلتى ورتاق تۇلعا تانىمىن بەرىك ورناتۋعا ورنىقتى قوعامدىق ورتا ازىرلەۋ كەرەك. لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋدى ورنىقتىلىقتى قورعاۋ قىزمەتىن زاڭمەن باسقارۋدى ۇدايىلاندىرۋمەن ۇشتاستىرۋعا تاباندى بولىپ، زاڭمەن باسقارۋ وي جەلىسى مەن زاڭمەن باسقارۋ تاسىلىنەن سانالى تۇردە پايدالانىپ، حاۋىپ ـ قاتەردەن ساقتانىپ، قىلمىسقا سوققى بەرىپ، ماسەلەلەردى ٴبىر جاقتى ەتىپ، قايشىلىقتاردى شەشىپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ٴتيىمدى ىقپالداستىعىن جۇزەگە اسىرۋ كەرەك. اۋداندى زاڭمەن باسقارۋدى جاپپاي ىلگەرىلەتىپ، اكىمشىلىك زاڭ اتقارۋدا بىرلەسىپ دەلو ٴبىتىرۋدى باسقارۋ ورتالىعىن قۇرىپ، ۇكىمەت قىزمەتىندەگى ادۆوكاتتار قوسىنى قۇرىلىس قىزمەتىن تەرەڭدەتىپ، مەملەكەت دارەجەلى زاڭمەن باسقارىلاتىن ۇكىمەتتەن ۇلگى كورسەتەتىن اۋدان قۇرۋعا قۇلشىنۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتىپ، ساياسي، قوعام، يدەولوگيا، بولشەكتەۋشىلىككە قارسى تۇرۋ، ەكونوميكا قاتارلى 9 ٴىرى سالاداعى حاۋىپ ـ قاتەردەن ساقتانۋ قىزمەت مەحانيزمىن ورناتىپ، حاۋىپ ـ قاتەردى بايقاۋ، تۇجىرىمداۋ، ٴبىر جاقتى ەتۋ قاتارلى قىزمەتتەردى قاتاڭ، ەگجەي ـ تەگجەيلى تياناقتاندىرىپ، ۇكىمەت قارىزى، فينانس، قورا ـ جاي قاتارلى سالالارداعى اۋىر حاۋىپ ـ قاتەردەن قاتاڭ ساقتانۋ جانە ونى جويۋ قاجەت.
ەكىنشى، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى بەرىك زاتتىق كەپىلمەن قامداۋ كەرەك. جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوننىڭ “8 ٴىرى كاسىپ شوعىرى سالاسى” مەن ايماقتىڭ 5 ٴىرى كاسىپ سالاسى قۇرىلىسىمەن جاپپاي توعىسىپ، تازا ەنەرگيا جانە وسىزامانعى ساياحات سىندى 2 ٴىرى ابزال كاسىپ سالاسىن، وسىزامانعى اۋىل شارۋاشىلىعى جانە جاسىل كەن كاسىبى سىندى 2 ٴىرى كومەسكى كۇشتى اشۋ كاسىبىن جەتەكشى ەتكەن وسىزاماندانعان كاسىپ جۇيەسىن ىلگەرىلەتىپ، “ەكى وزەك، ٴۇش رايون” سىندى جوعارى ساپالى دامۋ جاعدايىن قالىپتاستىرۋ كەرەك. تازا ەنەرگيانى ۇزارتۋ تىزبەگىن، تولىقتاۋ تىزبەگىن، كۇشەيتۋ تىزبەگىن ارقاۋ ەتىپ، سۋ ەلەكترى، جەل ەلەكترى، فوتو ۆولت ەنەرگيا ساقتاۋ ٴبىر تۇلعالاندىرۋ 10 ميلليون كيلوۆاتتىق تازا ەنەرگيا بازاسىن كۇش سالا قۇرۋ؛
“ٴبىر كول، ەكى وزەن، ٴبىر ٴوڭىر، 7 رايون” ساياحاتىن دامىتۋ وي جەلىسىنە نازاردى شوعىرلاندىرىپ، زەردەلى كورىنىس رايونى قۇرىلىسىن جەدەل ورىنداپ، جىكبەلەڭ ٴوڭىرىنىڭ نەگىزدىك قۇرىلعى قۇرىلىسىن جاپپاي ىلگەرىلەتىپ، قاناس كورىنىس رايونىن دۇنيە جۇزىلىك ساياحات كورىنىس رايونى ەتىپ قۇرىپ شىعۋعا قۇلشىنىپ، قوم ــ جىكبەلەڭ دۇنيە جۇزىلىك قار شاڭعى دەمالىس رايونى ەتىپ قۇرىپ شىعۋعا كۇش سالۋ كەرەك. جايما ەكونوميكاسىن، كەشكى بازار ەكونوميكاسىن، ارتقى ساندىق ەكونوميكاسىن بەلسەنە دامىتىپ، اۋىل شارۋاشىلىق قوسىمشا ونىمدەرىنىڭ كورىنىس رايوندارىنا كىرۋىن ىلگەرىلەتىپ، كوپ ٴتۇرلى شارانى قاتار قولدانىپ، ەگىنشى ـ مالشىلاردىڭ كىرىس كىرگىزۋدەگى ىرىقتىلىعىن تاسقىنداتۋ كەرەك. حالىق تۇرمىسىنا قاتىستى ناقتى ىستەردى تياناقتاندىرۋدى ۇزدىكسىز مىقتى يگەرىپ، اۋىل ـ قىستاق سۋ، ەلەكتر، جول، گاز، پوچتا قاتارلى نەگىزدىك قۇرىلعىلاردى ونان ارى كەمەلدەندىرىپ، قامتاماسىزداندىرۋ سيپاتتى مايعا بەرىلەتىن تۇرعىن ٴۇي، اۋىل شارۋاشىلىق ۇيلەرىنىڭ سىلكىنىسكە توتەپ بەرۋ، اپاتتان ساقتانۋ، وزەن اڭعارىنداعى مالشىلاردى كوشىرۋ قاتارلى حالىق تۇرمىسى ينجەنەريالارىن جەدەل ىلگەرىلەتىپ، ەمدەۋ، قوعامدىق قامتاماسىزداندىرۋ قاتارلى الەۋمەتتىك قىزمەت وتەۋ دەڭگەيىن جوعارىلاتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەسىن شەشۋ كەرەك. كوك اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، سۋ ۇنەمدەۋ، سۋ ساقتاۋ، سۋ جەتكىزۋ، سۋ كوبەيتۋ قىزمەتىن ٴبىر تۇتاس ويداعىداي ىستەپ، ەكولوگياسى تاماشا، كورىكتى مەكەندى بىرگە قۇرۋ كەرەك.
ٴۇشىنشى، جۇڭحۋا ۇلتى ورتاق رۋحاني مەكەن قۇرىلىسىن جاپپاي ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا بەرىك رۋحاني جانە مادەنيەت نەگىزىن قالاۋ كەرەك. سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، وركەنيەتتى ورىن قۇرۋ، ازاماتتاردىڭ ٴمورال قۇرىلىسى، ٴداۋىر جاڭا ادامدارىن جەتىلدىرۋ ينجەنەرياسىن ىشكەرىلەي اتقارىپ، قوم قىستاعى، قۇرجىرا قىستاعى، كورىكتى وزەن الەۋمەتتىك اۋماعى سىندى 3 جاڭا داۋىردەگى وركەنيەتتى امالياتتا ايگىلەۋ پۋنكتىنىڭ اۆتونوميالى رايوندىق ۇلگى كورسەتۋ ٴتۇيىنىن قۇرۋ كەرەك. قىزىل گەندى جالعاستىرۋ ينجەنەرياسىن ىشكەرىلەي جۇرگىزىپ، ۇلى پارتيا قۇرۋ رۋحىنا مۇراگەرلىك ەتىپ جانە ونى ساۋلەلەندىرىپ، ۇلتتىق رۋح پەن ٴداۋىر رۋحىن بارىنشا ساۋلەلەندىرىپ، جۇڭگو ــ سوۆەت وداعى سۋ تاسىمالى ەسكەرتكىش سارايىنىڭ ەسكى جۇرتىن قورعاۋدى، پايدالانۋدى كۇشەيتىپ، جۇڭگو ـ سوۆەت وداعى سۋ تاسىمالى تاريحي مادەنيەت كوشەسىن قۇرىپ، قىزىلجار گەولوگيالىق مادەنيەت قىستاعى مەن قاناس قىستاعى، ەلامان قىستاعى، (جالعاسى 4 ـ بەتتە)
(باس 2 ـ بەتتە) قاتاي قىستاعىنىڭ ٴداستۇرلى قىستاعىنا بەلسەنە ٴوتىنىش بەرىپ، جاقسى اڭگىمە ايتىپ، مادەنيەت ارقىلى ادام تاربيەلەۋ، تاريح ارقىلى ادام تاربيەلەۋ كەرەك. جۇڭحۋا مادەنيەتىن كۇش سالا ساۋلەلەندىرىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ ينجەنەرياسىن اتقارىپ، جۇڭحۋا مادەنيەت ەلەمەنتتەرى مەن نەگىزدىك سيپاتتى بەلگىلەردىڭ الەۋمەتتىك مادەنيەت قۇرىلىمدارىنا، نەگىزگى ساتى مادەنيەت شەبىنە، ساياحات كورىنىس رايوندارىنا جەتكىزۋىن ىلگەرىلەتۋ كەرەك. “ٴۇش ساراي، ٴبىر ورتالىق” قاتارلى ساياسيلىعى كۇشتى، مازمۇنى باي، ماعىناسى تەرەڭ، قابىلداۋ دەڭگەيى جوعارى ينجەنەريا نىساندارىن ويداعىداي، جاندى قۇرىپ، مادەنيەت ـ ساياحات ونىمدەرىمەن قامداۋدى، ٴار ۇلتتىڭ تاڭداۋلى مادەنيەتىن اشۋدى، تۋىندى جاراتۋدى جانە تاراتۋدى كۇشەيتۋ كەرەك.
ٴتورتىنشى، وقۋ ـ اعارتۋ ساپاسىن جوعارىلاتۋ ارەكەتىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن بەرىك ورناتۋعا نەگىزگى شەپ ازىرلەۋ كەرەك. نەگىزدىك وقۋ - اعارتۋ قۇرىلىسىنا قوسىلىم تەبىنىن ارتتىرىپ، وقىتۋشىلار بايلىعىن ورنالاستىرۋدى ساپالىلاندىرىپ، مەملەكەتتىك اۋدان وڭىرىندە مىندەتتى وقۋ - اعارتۋدى ساپالى، تەڭگەرمەلى دامىتاتىن اۋدان قۇرۋ كەرەك. جاس وسپىرىمدەردىڭ “نەگىز قالاۋ” ينجەنەرياسىن ىشكەرىلەي ىلگەرىلەتىپ، مەكتەپتەردىڭ يدەيا ـ ساياسي ساباعى قۇرىلىسىن كۇشەيتىپ، مەكتەپتەردىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى “ساپانى جوعارىلاتىپ، ونىمدىلىكتى ارتتىرۋ” ارەكەتىن تياناقتاندىرىپ، مەكتەپتەردىڭ “دوستاسىپ، بىرگە قۇرۋ”، “قول ۇستاسۋ” بىرلەسكەن دوستىعى، “نازارىمداعى ۇلى وتان” ۇگىت ـ لەكسياسى قاتارلى قيمىلداردى ورىستەتىپ، ارالاس مەكتەپ، ارالاس كلاس، ارالاس جاتاق قۇرۋدى ىلگەرىلەتىپ، ٴار ۇلت وقۋشىلارىنىڭ بىرگە تۇرۋ، بىرگە ۇيرەنۋ بارىسىندا جۇڭحۋا ۇلتى ورتاق تۇلعا تانىمىن بەرىك ورناتۋىنا مۇمكىندىك جاساۋ كەرەك.
بەسىنشى، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋعا ٴوزارا كىرىگۋ، توعىسۋ تەكشەسىن ازىرلەۋ كەرەك. ادامدى وزەك ەتكەن جاڭاشا قالا - قالاشىقتانۋ قۇرىلىسىن ىلگەرىلەتىپ، بۋىرشىندى ايماقتىڭ وڭىرلىك قوسالقى ورتالىعى رەتىندە تۇراقتاندىرىپ، زەردەلى قالا قۇرىلىسىن جەدەل ىلگەرىلەتىپ، كونە شاعىن رايونداردى جاڭالاۋ، وتكەرمەلى ءۇي بازارىن جانداندىرۋ، حالىقتىق قونالقىنى جالپىلاستىرۋ، قىزىل قوجالىق قۇرۋ، الەۋمەتتىك اۋماق اسحانا قۇرىلىسى، قارتتاردى كۇتىمدەۋ، تاربيەلەۋگە قىزمەت وتەۋ قاتارلى قىزمەتتەردى مىقتى يگەرىپ، قالا - قالاشىقتارداعى قامتاماسىزداندىرۋ سيپاتتى بەيقۇت ٴۇي ينجەنەرياسى بويىنشا ٴار ۇلتتى ٴوزارا كىرىكپەلى ۇلەستىرىپ، تۇرلىشە تيپتەگى ٴوزارا كىرىكپەلى ۇلگى كورسەتەتىن شاعىن رايوندار مەن قىستاق ـ قالاشىقتاردى جوسپارلى، توپقا ٴبولىپ قۇرىپ، ٴار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحولوگيا قاتارلى جاقتاردا جان ـ جاقتى كىرىگۋىن بىرتىندەپ جۇزەگە اسىرۋىن ىلگەرىلەتۋ كەرەك. “ۇلتتار ىنتىماعىنىڭ بەرەكەلى شاڭىراعى” جانە ۇلتتار ىنتىماعى بىرلەسكەن دوستىق قيمىلىن تىڭعىلىقتى ورىستەتىپ، ۇلتتار ىنتىماعى العا باسارلىعىنداعى وزات ورىن قۇرۋ بويىنشا “ون ءبىردى جەتكىزۋ” قيمىلىن ۇزدىكسىز تەرەڭدەتىپ، ۇلتتار ىنتىماعى العا باسارلىعىنداعى ٴبىر توپ ۇلگىلى تيپتەردى جاڭادان تاڭداپ، ۇلتتار ىنتىماعى العا باسارلىعى بويىنشا “جاقسى تۇرعىن”، “جاقسى قىستاق تۇرعىنى”، “جاقسى وتباسى”، “جاقسى كورشى” قاتارلى وزات ورىن قۇرۋ شاعىن قيمىلدارىن كەڭىنەن ورىستەتۋ كەرەك. ساياحاتتىڭ ارالاسۋىن، ىشتەسۋىن، توعىسۋىن جەبەۋدەگى ماڭىزدى رولىن ساۋلەلەندىرۋ كەرەك. ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ جوسپارىن ىشكەرىلەي اتقارىپ، ساياحات قالا جوباسى، كورىنىس رايونى قۇرىلىسى، ەرەكشە حالىقتىق قونالقى، ٴتۇسىندىرۋ، سەزىنۋ بارىسىندا جۇڭحۋا ۇلتى ورتاق تۇلعا تانىمىن ايگىلەپ، مۇراجاي، مادەنيەت سارايى، ساياحات كورىنىس رايونىن ايگىلەۋ جانە ٴتۇسىندىرۋ قىزمەتىن ارناعا ٴتۇسىرۋ جانە كەمەلدەندىرۋ كەرەك.
放大
