گازەتىمىزدىڭ حابارى (ەرىكتى ٴتىلشى بالقيا باقىتبەك قىزى حابارلايدى). جۋىقتا، التاي ايماقتىق، قالالىق ەكى دارەجەلى ەسىرتكىگە تيىم سالۋ كەڭسەسى جۇڭگو پوچتا توبى شەكتى سەرىكتەستىگىنىڭ التاي ايماقتىق بولىمشە سەرىكتەستىگىمەن، ايماقتىق مادەنيەت سارايىمەن بىرلەسىپ، التاي قالاسىنىڭ ۋبايلي سالت - سانا كوشەسىندەگى پوچتا مەكەمەسىندە ەسىرتكىگە تيىم سالۋ نەگىزگى تاقىرىپتىق اشىق حات قاعازىن جاريالاۋ سالتىن جانە “3 - ماۋسىم” حۋمىندا اپيىن ورتەۋدى ەسكە الۋ كۇنى ۇگىت قيمىلىن وتكىزدى.
ۇگىت قىزمەتكەرلەرى ەسىرتكىگە تيىم سالۋ بىلىمدەرى تەكشەسىن قۇرۋ، زەردەلى ٴتىل كورمە تاقتاسىن قويۋ قاتارلى ٴتاسىل ارقىلى ارلى - بەرلى وتكەن بۇقاراعا جۇڭگونىڭ ەسىرتكىگە تيىم سالۋ تاريحىن، قايتكەندە ەسىرتكى تەكتەس وسىمدىكتەردى جانە جاڭا تۇردەگى نەرۆتىك اكتيۆ زاتتاردى پارىقتاۋ قاتارلى بىلىمدەردى ٴتۇسىندىردى؛ ەسىرتكىگە تيىم سالۋ نەگىزگى تاقىرىپتىق اشىق حات قاعازىن تاراتۋ ارقىلى بۇقارانىڭ كوڭىلىندەگى ٴسوزىن جازىپ، اشىق حات قاعازىن جولداۋىنا جەتەكشىلىك ەتىپ، سول ارقىلى “اقاۋسىز ٴومىر، جاسىل، ەسىرتكىسىز” قۇرۋ ۇستانىمىن بۇقارانىڭ كوكەيىنە تەرەڭ ۇيالاتىپ، ارەكەتتە ايگىلەۋىنە مۇمكىندىك جاسادى.
ۇعىسۋعا قاراعاندا، ايماقتىق، قالالىق ەكى دارەجەلى ەسىرتكىگە تيىم سالۋ كەڭسەسى جۇڭگو پوچتا مەكەمەسى توبى شەكتى سەرىكتەستىگىنىڭ التاي ايماقتىق بولىمشە سەرىكتەستىگىمەن بىرلەسىپ جاساپ تاراتقان “ەسىرتكىگە تيىم سالۋ اشىق حات قاعازى” بۇكىل شينجياڭ بويىنشا تۇڭعىش رەت تاراتىلعان ەسىرتكىگە تيىم سالۋ تاقىرىبىنداعى اشىق حات قاعازى ەكەن. تۇڭعىش توپتاعى اشىق حات قاعازىنان 5000 پارشا بار بولىپ، بۇل اشىق حات قاعازى ەسىرتكىگە تيىم سالۋ فاكتورلارىمەن توعىسقان. سونىمەن بىرگە، التاي ايماعىنداعى كوپتەگەن كورىنىس وڭىرلەرىن، كورىنىس تۇيىندەرىن قامتىپ، “جالپى حالىقتىق ەسىرتكىگە تيىم سالۋعا بارلىعىمىز بىرگە ات سالىسايىق”نەگىزگى تاقىرىبىن كورنەكتىلەندىرىپ، بەلگىلى قولدانىلمالى قۇنعا جانە ەستەلىك مانىنە يە ەكەن.
放大
