جەر - جەردەن كەلگەن ساياحاتشىلاردى قارسى الۋعا ساقاداي سايمىز

　　گازەتىمىزدىڭ حابارى (ٴتىلشىمىز گۇزال ابدىرەشيت، ۇسىنىس ەتىلگەن ٴتىلشى جارقىن اراپا ۇلى حابارلايدى). 5 - ايدا «مەنىڭ التايىم» تەلە فيلمىنىڭ دابىرالى قويىلۋىنا بايلانىستى، بۋىرشىن اۋدانىنىڭ وزگەشە تابيعات كورىنىسى مەن تەرەڭ تاريحي مادەنيەت استارى شينجياڭنىڭ ءىشى - سىرتىنان كەلگەن ساياحاتشىلاردى ەرىكسىز باۋرادى، بۋىرشىن اۋدانىنداعى ءارقايسى كورىنىس رايوندارى ساياحات نەگىزدىك قۇرىلعىلار قۇرىلىسىن ۇزدىكسىز كەمەلدەندىرىپ، ەگجەي - تەگجەيلى، جان - جاقتىلى قىزمەت وتەپ، ساياحاتتىڭ قاۋىرت مەزگىلىن قارسى الۋعا ويداعىداي دايىندالدى.

　　6 - ايدىڭ 3 - كۇنى بەيجيڭدىك ساياحاتشى چىن كىلى مەن جاڭ گاۋلۇن بۋىرشىن اۋدانى قاناس كورىنىس رايونىندا شىرىن اي ساپارىن باستادى، ولار جول بويى كوركەم كورىنىستەردەن ءلاززاتتانىپ، كورىنىس رايونى قىزمەتكەرلەرىنىڭ جان - جاقتىلى تانىستىرۋى مەن ىقىلاستى قىزمەت وتەۋىنەن يگىلىكتەندى. 

　　بەيجيڭدىك ساياحاتشى چىن كىلى بىلاي دەدى: قاناستىڭ كورىنىسى ايرىقشا كوركەم ەكەن. نەگىزدىك قۇرىلعىلارى كەمەلدى، ارالىق اۆتوكولىكتەر وتە قولايلى، كەيىن دە وسى اراعا كەلىپ باسقا ماۋسىمداردىڭ كوركەم كورىنىسىن تاماشالايمىز.

　　قوم قىستاعىندا كونە اعاش ۇيلەر قاز - قاتار ءتىزىلىپ، بيىك شىڭدار اسپانمەن بوي تالاسقان، ساياحاتشىلار بۇل ارادا سەيىل - سەرۋەن قۇرىپ، ۇلى تابيعاتپەن جاناسىپ، كورىنىستى تاماشالاپ، اۋىل تىنىسىن، باياۋ تۇرمىس ريتىمىن سەزىندى. جانعا جايلى حالىقتىق قونالقىلار ولاردىڭ تاپتىرماس تالعامىنا اينالدى.

　　جىجياڭدىق ساياحاتشى جوۋ حانىم بىلاي دەدى: بۇل ارانىڭ جاتىن ورتاسى ايرىقشا جاقسى، تازا ءارى رەتتى ەكەن. حالىقتىق قونالقىنىڭ قوجايىنى ىستىق ىقىلاستى قىزمەت وتەپ، جاتىن ورنىمىزدى ورنالاستىرۋمەن بىرگە، جەمىس - جيدەك ازىرلەپ بەرىپ، كوڭىل اشۋ قيمىلدارىن دا ورنالاستىردى، بۇل جەردە جۇرگەندە ءوز ۇيىمىزدە جۇرگەندەي سەزىندىك.

　　كورىنىس رايونىنىڭ ورتاسىن ونان ارى ساپالىلاندىرىپ، كورىنىس رايون وبرازى دارەجەسىن جوعارىلاتىپ، ساياحاتتىڭ قاۋىرت مەزگىلىنە توتەپ بەرۋ ءۇشىن، قاناس كورىنىس رايونىنىڭ اۆتوكولىك توقتاتۋ الاڭى، اۆتوكولىك اۋىستىرۋ ورتالىعى، ساياحاتشىلاردى قابىلداۋ - جونەلتۋ ورنى قاتارلى ساياحاتقا قىزمەت وتەۋ ورىندارىنىڭ ساپاسىن ۇزدىكسىز جوعارىلاتىپ، مەيىرلى قىزمەت وتەۋدى كورىنىس تۇيىندەرىنىڭ ءارقايسى بۋىندارىنا ءسىڭىردى.

　　تانىستىرۋعا قاراعاندا، بيىل قاناس كورىنىس رايونىن باسقارۋ كوميتەتى　　　　   24 ساعاتتىق ساياحاتقا اقىل - كەڭەس بەرۋ، ارىز - شاعىم قابىلداۋ “4001110906” ٴنومىرلى قىزمەت وتەۋ ىستىق لەنياسىن اشىپ، ساياحاتشىلاردىڭ تالاپ ـ تىلەكتەرىن دەر كەزىندە قابىلدادى ءارى سايكەستى قىزمەت وتەپ، اقىل - كەڭەس بەردى؛ اقىسىز جۇك ساقتاۋ ورنىنان جەتەۋىن قوسىپ، ءاربىر ساياحاتشىنىڭ كورىنىس رايونىندا ەمىن ـ ەركىن ساياحاتتاۋىنا مۇمكىندىك جاراتتى.

　　قاناس كورىنىس رايونى ساياحاتتى دامىتۋعا قىزمەت وتەۋ ورتالىعىنىڭ ورىنباسار مەڭگەرۋشىسى ۋاڭ پىڭ بىلاي دەدى: بيىل ءبىز 12 ميلليون يۋان قارجى قوسىپ، زەردەلى كورىنىس رايونى قۇرىلىس نىسانىن قۇرىپ، ساياحاتشىلارعا ەگجەي ـ تەگجەيلى قىزمەت وتەۋدى جوسپارلاپ وتىرمىز. سونىمەن بىرگە، كورىنىس رايونى تۇتاس جىل بويى ۋاقىتقا ءبولىپ الدىن الا كەلىسۋدى جولعا قويدى، ساياحاتشىلار يۋانشيڭ تورىنان نەمەسە قاناس ءۇنحات الەۋمەتتىك نومىرىنەن 3 كۇن بۇرىن الدىن الا كەلىسىپ بەلەت ساتىپ الۋى كەرەك.

　　بۋىرشىن اۋدانىندا شىسايحىعا ورنالاسقان حالىقتىق قونالقىنىڭ قاراپايىم دا بايىرعى ۇلگىدەگى قۇرىلىس ۇلگىسى كوپتەگەن ساياحاتشىلاردى وسى ارادا ايالداپ، جايلى دا باياۋ تۇرمىس ريتىمىن سەزىنۋگە باۋرادى.حالىقتىق قونالقىنىڭ جاۋاپتىسى جاۋ گۋاڭگو بىلاي دەدى: «مەنىڭ التايىم» تەلە فيلمىنىڭ دابىرالى قويىلۋىنا ىلەسە، ساياحاتشىلار بارعان سايىن مولايىپ، قونالقىمىزدىڭ قاريدار سانى دا ارتا ءتۇستى، ءبىز ۇزدىكسىز قۇلشىنىپ، ساياحاتشىلارعا ساپالى قىزمەت وتەپ، ولاردىڭ جايلى تۇنەپ، كوڭىلدى ويناپ قايتۋىنا مۇمكىندىك جاسايمىز.

　　“ساپالى ساياحاتتىق قىزمەت وتەۋدى” ىلگەرىلەتىپ، ساياحاتشىلارعا وزگەشە ساياحاتتى سەزىندىرۋ ءۇشىن، بۋىرشىن اۋدانى ساياحاتقا قاتىستى كاسىپتەردىڭ قىزمەت وتەۋ ساپاسىن جوعارىلاتۋعا باسا ءمان بەرىپ، ساياساتتىڭ بىرىككەن كۇشىن كۇشەيتۋ، بازار ءتارتىبىن ارناعا ءتۇسىرۋ، ساياحاتتىڭ جايلىلىق دارەجەسىن جوعارىلاتۋ، ساياحات بازارىنىڭ ورتاسى مەن تۇتىنۋ ورتاسىن جاقسارتۋ جاعىنا كۇش سالدى. اس - سۋ، جاتىن ورىن، ءجۇرىس - تۇرىس، ساياحاتتاۋ، ساتىپ الۋ، كوڭىل اشۋدى ءبىر تۇلعالاندىرعان ساياحات كاسىپ تىزبەگىن ۇزدىكسىز كەمەلدەندىرۋ ءارى تۇرلىشە بازارعا، تۇرلىشە قاۋىمعا، تۇرلىشە ماۋسىمعا ۇيلەسەتىن نەگىزگى تاقىرىپتىق ونىمدەر مەن ەرەكشەلىككە يە جول جەلىسىن باعىتتامالى تۇردە العا قويۋ ارقىلى ساياحاتشىلاردىڭ قۋانا كەلىپ، رازى بولىپ قايتۋىنا مۇمكىندىك جاراتتى.

　　بۋىرشىن اۋداندىق مادەنيەت ـ دەنە تاربيە، راديو - تەلەۆيزيا جانە ساياحات مەكەمەسى ساياحات ءبولىمىنىڭ كادرى حۋ يانجۇي بىلاي دەدى: ءبىز 4 ۇلكەن جەلىلەس 15 ءتۇرلى مادەنيەت ـ دەنە تاربيە، ساياحات تۇتىنۋدى جەبەۋ قيمىلىن وتكىزۋدى جوسپارلاپ وتىرمىز.

　　قازىر ءار ايدىڭ 7 -، 17 -، 27 - كۇندەرىندە شاعىن كىتاپ وقۋ جينالىسىن اشۋ، ءار ايدىڭ 9 -، 19 -، 29 - كۇندەرىندە شاعىن جارىس وتكىزۋ، ءار كۇنى كەشتە شاعىن تەاترحانا قاتارلى كوڭىل اشۋ قيمىلىن ورىستەتتىك. الداعى جەردە ءبىز  100 كۇندىك الاڭ مادەنيەت قيمىلىن، “شينجياڭدى مادەنيەتپەن نارلەندىرۋ كوكتەم جاڭبىرى ينجەنەرياسى” سياقتى جەلىلەس مادەنيەت قيمىلدارىن وتكىزەمىز. سونىمەن بىرگە، “مەنىڭ التايىم” جايلاۋى　　3 كۇندىك، 5 كۇندىك ساياحاتى، “مەنىڭ التايىم” تۇتاس وڭىرلىك 7 كۇندىك ساياحاتى، بۋىرشىن اۋدانىن ءبىر كۇن ۆەلوسيپەدپەن ارالاۋ ساياحاتى قاتارلى  7 قىزعىندى ساياحات جەلىسىن جوسپارلاپ، ساياحاتشىلاردىڭ كوپ ءتۇرلى قاجەتىن قامدايمىز. جاڭادان سالىنعان كىتاپحانا، مۇراجاي، مادەنيەت سارايى جىل سوڭىنان بۇرىن پايدالانۋعا بەرىلەدى، ءبىز ونى وزگەشە باۋراۋ قۋاتىنا يە مادەنيەت -ساياحاتىنداعى، ءسوزسىز، بارىپ قايتاتىن جەرگە اينالدىرىپ، بۋىرشىن اۋدانىنىڭ مادەنيەت جۇمساق كۇشىن ونان ارى جوعارىلاتىپ، شينجياڭنىڭ ءىشى - سىرتىنان كەلگەن ساياحاتشىلارعا بۋىرشىن اۋدانى تاريحي مادەنيەتىن تۇسىنەتىن ۋنيۆەرسال تەرەزەلىك رەتىندە اشۋدى ويلاستىرىپ وتىرمىز.

　　ۇعىسۋعا قاراعاندا، بيىل 5 - ايدا بۋىرشىن اۋدانى جيىنى 289 مىڭ  700  ساياحاتشى (رەت) قابىلداپ، سايكەس مەزگىلدەگىدەن %40.06 ارتتىرسا، ساياحات جالپىلىق كىرىسى ءبىر ميلليارد 593 ميلليون يۋان بولىپ، سايكەس مەزگىلدەگىدەن %39.08 ارتتىرعان. قاناس كورىنىس رايونى جيىنى ءبىر ميلليون 54 مىڭ ساياحاتشى (رەت) قابىلداپ، سايكەس مەزگىلدەگىدەن %43.41 ارتتىرسا، ساياحات جالپىلىق كىرىسى　　   613 ميلليون يۋان بولىپ، سايكەس مەزگىلدەگىدەن %43.41 ارتتىرعان.