(باسى 1 ـ بەتتە)
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ قىزمەت تەكسەرۋدە بىرگە بولدى ٴارى اڭگىمە ماجىلىسىنە قاتىناستى.
3 ـ ايدىڭ 23 ـ كۇنى تۇستەن بۇرىن شي جينپيڭ شيۇڭ ـ ان جاڭا رايونىنا جەتكەننەن كەيىن، حىبەي ولكەلىك پارتكومنىڭ شۋجيى ني يۋەفىڭنىڭ، ولكە باستىعى ۋاڭ جىڭپۋدىڭ سەرىك بولۋىندا اۆتوكولىكپەن كىرىسۋ رايونى قۇرىلىسىنىڭ اياق الىسىن جول بويى تەكسەرىپ كوردى. جاڭا رايون قۇرىلىسىنىڭ تارتىپپەن ىلگەرىلەتىلىپ، جاندى دا جالىندى كورىنىس مەن مۇندالاپ تۇرعاندىعىن كورگەن ول مۇنى تۇراقتاندىردى.
وسىدان كەيىن شي جينپيڭ جۇڭگو حۋانىڭ توبى شەكتى سەرىكتەستىگىنە كەلىپ قىزمەت تەكسەردى. 2025 ـ جىلى 10 ـ ايدا حۋانىڭ توبىنىڭ باس شتابىنداعى جانە قاتىستى بالا سەرىكتەستىگىندەگى 1000نان استام قىزمەتكەر شيۇڭ ـ ان جاڭا رايونىنا كوشىپ كەلىپ، ىرگە تەپتى. شي جينپيڭ كاسىپورىننىڭ جۇمىس جۇرگىزۋىن باقىلاۋ ـ مەڭگەرۋ جانە شۇعىل جاعدايعا توتەپ بەرۋگە قولباسشىلىق ەتۋ ورتالىعىنا كىرىپ، كاسىپورىننىڭ كوشۋ، كاسىپ سالاسىن ورنالاستىرۋ، جاڭالىق اشا دامۋ سياقتى جاعدايلارى جونىندەگى تانىستىرۋدى تىڭداپ، كاسىپورىننىڭ ناقتى ۋاقىتتاعى اينالىم ساندى مالىمەتىن جانە الىس ارالىقتى كەسكىن كورىنىسىن تەكسەرىپ كوردى. ول بىلاي دەپ باسا دارىپتەدى: شيۇڭ ـ ان جاڭا رايونىنا كوشىپ كەلۋدى وراي ەتىپ، كاسىپورىنداعى كادرلار مەن جۇمىسشى ـ قىزمەتكەرلەردىڭ جاڭالىق اشۋ، شارۋاشىلىق قۇرۋ بەلسەندىلىگىن، ىرىقتىلىعىن تاسقىنداتىپ، جاڭاشا ەنەرگيا جۇيەسىن جەدەل قۇرۋعا، ەنەرگيادا قۋاتتى ەل قۇرۋعا تىڭ ۇلەس قوسۋ كەرەك.
سەرىكتەستىكتىڭ 1 ـ قاباتىنداعى ۇلكەن زالدا شي جينپيڭ شيۇڭ ـ ان جاڭا رايونىنا ىرگە تەپكەن جانە سالىنىپ جاتقان سەيىلتىلگەن ورىندارداعى كادرلاردىڭ، جۇمىسشى ـ قىزمەتكەرلەردىڭ ۋاكىلدەرىمەن شىنايى پىكىر اۋىستىرىپ، كوپشىلىكتىڭ قىزمەت، تۇرمىس جاعدايىن سۇراستىرىپ، كوپشىلىكتىڭ جاڭا رايوننىڭ قۇرىلىسى، دامۋى ٴۇشىن كورسەتكەن قۇلشىنىستارىن تۇراقتاندىرىپ، ولاردىڭ جاڭا رايوننىڭ قۇنارلى توپىراعىنا تامىر تارتىپ، اقىل ـ پاراساتتارىن بەلسەنە ارناۋىن ٴۇمىت ەتتى. ول بىلاي دەدى: كوپشىلىك شيۇڭ ـ اندىق بولعاندىعىن ماقتانىش سەزىنىپ، اتويلاپ الدا ٴجۇرىپ، ٴجىتى دە ورنىقتى قاداممەن ٴىس تىندىرىپ ناتيجە شىعارىپ، شيۇڭ ـ اننىڭ جارقىن بولاشاعىن بىرگە جاراتۋى كەرەك.
بەيجيڭ قالاسى كومەكتەسىپ سالعان بەيجيڭ قالالىق 4 ـ ورتا مەكتەپتىڭ شيۇڭ ـ ان مەكتەپ اۋماعى 2023 ـ جىلى 8 ـ ايدا پايدالانۋعا بەرىلدى، قازىر 380 نەشە وقۋشى بار. وقىتۋ عيماراتىندا وقۋشىلار ساباق وقىپ جاتىر ەدى. شي جينپيڭ ورتالاۋ مەكتەپ 1 ـ جىلدىق 2 ـ كلاس ساباقحاناسىنا كىرىپ، وقىتۋشى ـ وقۋشىلارمەن پىكىر اۋىستىرىپ، وقىتۋ جاعدايىن ۇعىستى. ول بەيجيڭ قالالىق 4 ـ ورتا مەكتەپتىڭ وقىتۋ جۇرگىزۋدەگى جاقسى تاجىريبەلەرىن، جاقسى ادىستەرىن الا كەلىپ، بالالاردىڭ دەنساۋلىعىن جانە پسيحيكالىق اقاۋسىزدىعىن دەن قويا، سۇيىسپەنشىلىكپەن قورعاپ، بالالاردىڭ جان ـ جاقتىلى جەتىلۋىن جەبەۋدى ٴۇمىت ەتتى.
مەكتەپ اسحاناسىندا شي جينپيڭ تاماقتانۋ ورتاسى، تاماق تۇرلەرى سياقتىلاردى تەكسەرىپ كورىپ، ٴسوزسىز، وقۋشىلاردىڭ تاماقتانۋىنىڭ حاۋىپسىز جانە ٴنارلى بولۋىنا شىنايى كەپىلدىك ەتۋدى تاپسىردى. مەكتەپتەن اتتاناردا وقىتۋشى ـ وقۋشىلار باس شۋجيگە تەگىس سالەمدەستى، شي جينپيڭ بالالاردى باقىتتى قادىرلەي ەكپىندەي ىلگەرىلەپ، بەلسەنە العا ۇمتىلىپ، شيۇڭ ـ ان جاڭا رايونىمەن بىرگە ەسەيىپ ـ ەرجەتىپ، جۇڭگو ۇلگىسىندەگى وسىزامانداندىرۋمەن بىرگە دامۋعا جىگەرلەندىردى.
3 ـ ايدىڭ 23 ـ كۇنى تۇستەن كەيىن شي جينپيڭ شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشتى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، حىبەي ولكەلىك پارتكومنىڭ شۋجيى ني يۋەفىڭ، شيۇڭ ـ ان جاڭا رايونى پارتيا قىزمەتى كوميتەتىنىڭ شۋجيى جاڭ گوحۋا ىلگەرىندى ـ كەيىندى ٴسوز سويلەدى. بەيجيڭ قالاسىنداعى، تيانجين قالاسىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار جازباشا ٴسوز تاپسىردى.
كوپشىلىكتىڭ ٴسوزىن تىڭداعان سوڭ، شي جينپيڭ ماڭىزدى ٴسوز سويلەدى. ول بىلاي دەپ باسا دارىپتەدى: پارتيا ورتالىق كوميتەتىنىڭ پارمەندى باسشىلىعىندا، ٴار جاقتىڭ بىرگە قۇلشىنۋىندا، شيۇڭ ـ ان جاڭا رايونىنىڭ قۇرىلىسى مەن دامۋىندا كەلەلى كەزەڭدىك جەتىستىكتەرگە قول جەتكىزىلدى. اماليات پارتيا ورتالىق كوميتەتىنىڭ شيۇڭ ـ ان جاڭا رايونىن قۇرۋ جونىندەگى شەشىمىنىڭ بۇكىلدەي دۇرىس ەكەندىگىن، ٴار جاقتاعى قىزمەتتىڭ تىڭعىلىقتى، ٴونىمدى جۇرگىزىلگەندىگىن تولىق دالەلدەدى.
شي جينپيڭ بىلاي دەپ اتاپ كورسەتتى: شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋدە، ٴسوز جوق، جاڭا رايوننىڭ فۋنكتسيالىق ورنىنا تاباندى بولىپ، بەيجيڭنىڭ بەياستانالىق فۋنكتسيالارىن سەيىلتۋدى جانە قابىلداۋدى اناعۇرلىم پارمەندى دە ٴتارتىپتى ىلگەرىلەتۋ كەرەك. ورتالىققا قاراستى كاسىپورىنداردىڭ، جوعارى مەكتەپتەردىڭ، شيپاحانالاردىڭ سەيىلتۋ نىسانى قۇرىلىسىن بەلسەندى، ورنىقتى دا ۇيلەسىمدى، توپقا ٴبولىپ ىلگەرىلەتىپ، فينانس قۇرىلىمدارىن، عىلمي زەرتتەۋ ورىندارىن، ٴىسورىندارىن سەيىلتۋدى تارتىپپەن ىلگەرىلەتىپ، سەيىلتىلگەن ورىنداردىڭ اناعۇرلىم ويداعىداي دامۋىن قولداۋ كەرەك. سەيىلتۋ نىساندارىنا، قىزمەتكەرلەرىنە باعىتتالعان ساياساتتىق قامتاماسىزداندىرۋدى جانە ولارعا قىزمەت وتەۋدى كۇشەيتىپ، سەيىلتۋ نىساندارىن جاڭا رايوننىڭ جانە توڭىرەگىندەگى وڭىرلەردىڭ دامۋىنا ىقپال ەتۋگە، جەبەۋگە باستاۋ، قولداۋ كورسەتۋ كەرەك.
شي جينپيڭ بىلاي دەپ باسا دارىپتەدى: شيۇڭ ـ ان جاڭا رايونىنىڭ جالپىلىق كوتەرىمدىلىك قۋاتىن ۇزدىكسىز جوعارىلاتۋدا، ٴسوز جوق، جۇيەلى جوسپارلاپ، جوعارى ساپالى قۇرۋ مەن جوعارى ٴونىمدى باسقارۋدى ٴبىر تۇلعالى ويداعىداي يگەرۋ كەرەك. ريتىم مەن ۋاقىت ٴتارتىبىن عىلمي يگەرىپ، كۇشتى شوعىرلاندىرا وتىرىپ كىرىسۋ رايونى، باستاما رايونى سياقتىلاردىڭ قۇرىلىسىن ىلگەرىلەتىپ، “شيۇڭ ـ ان ساپاسىن” قۇلشىنا جارىققا شىعارۋ كەرەك. پارتيا قۇرىلىسى ارقىلى جاڭا رايوندى باسقارۋعا جەتەكشىلىك ەتۋگە تاباندى بولىپ، الەۋمەتتىك قىزمەت وتەۋ جۇيەسىن كەمەلدەندىرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، بولاشاققا بەت العان زەردەلى قالا باسقارۋ ۇلگىسى جونىندە بەلسەنە ىزدەنىس جاساپ، اسپانى اشىق، جەرى جاسىل، سۋى تۇنىق كورىكتى شيۇڭ ـ ان قۇرۋ كەرەك.
شي جينپيڭ مىنالاردى اتاپ كورسەتتى: شيۇڭ ـ ان جاڭا رايونى رەفورما جاساۋدى، جاڭالىق اشۋدى قوزعاۋشى كۇش ەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتىپ، جاڭا رايوننىڭ ٴىس جۇزىندىگىنە ۇيلەسەتىن وسىزاماندانعان كاسىپ سالاسى جۇيەسىن جەتىلدىرۋى كەرەك. شيۇڭ ـ ان جۇڭگۋانسۇن عىلىم ـ تەحنولوگيا باقشاسىن جوعارى دەڭگەيدە قۇرىپ، اناعۇرلىم كوپ عىلىم ـ تەحنولوگيالىق جاڭالىق اشۋ جەتىستىكتەرىنىڭ كادەگە جاراپ تياناقتانۋىن ىلگەرىلەتۋ كەرەك. جاڭادان گۇلدەنگەن كاسىپ سالالارى مەن بولاشاق كاسىپ سالالارىنىڭ شوعىرلى دامۋىن ىلگەرىلەتىپ، وندىرىستىك قىزمەت وتەۋ كاسىبىن بەلسەنە دامىتىپ، ٴداستۇرلى كاسىپ سالالارىن جاڭالاۋعا، دارەجەسىن جوعارىلاتۋعا قولداۋ كورسەتۋ كەرەك. جۇرەكتىلىكپەن ىزدەنىس جاساپ، الدىمەن اتقارىپ، الدىمەن سىناق ەتىپ، عىلىم ـ تەحنولوگيا، فينانس سياقتى سالالاردا جاڭالىق اشۋ ساياساتتارىنىڭ الدىمەن تياناقتانۋىن ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا تۇلعالاۋ كەرەك.
شي جينپيڭ بىلاي دەپ باسا دارىپتەدى: پارتيانىڭ باسشىلىعىن جانە پارتيا قۇرىلىسىن كۇشەيتىپ، دۇرىس ناتيجە كوزقاراسىن بەرىك ورناتىپ، ىشكەرىلەي امالياتتا ايگىلەپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. قاتىستى جاقتار جالپى جاعداي تانىمىن، جاۋاپكەرشىلىك تانىمىن كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ٴىس جۇزىندىك ارەكەتپەن ويداعىداي تياناقتاندىرىپ، شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىنا قولداۋ كورسەتۋى كەرەك. شيۇڭ ـ ان جاڭا رايونىنداعى قالىڭ كادرلار جاۋاپكەرشىلىكتى باتىلدىقپەن ارقالاپ، تياناقتاندىرۋدى بىلەك سىبانا يگەرىپ، قۇلشىنا پارتيا مەن حالىققا تولىمدى جاۋاپ قايتارۋى كەرەك.
لي چياڭ سوزىندە مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، “مىڭ جىلدىق ۇلى جوسپار” ستراتەگيالىق تاباندىلىعىن ساقتاۋمەن بىرگە، ۋاقىتپەن جارىساتىن ارىنمەن شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ كەرەك. بەيجيڭنىڭ بەياستانالىق فۋنكتسيالارىن سەيىلتۋدى قابىلداۋ جاعىندا تىڭ ىلگەرىلەۋشىلىكتەرگە ۇمتىلىپ، سەيىلتۋدىڭ قوزعاۋشى كۇشى مەن قابىلداۋدىڭ تارتۋ كۇشىن ارتتىرۋ كەرەك. قالانىڭ مازمۇنىن بايىتۋ، قالانىڭ يقۋاتىن جوعارىلاتۋ جاعىندا تىڭ سەرپىلىسكە ۇمتىلىپ، الەۋمەتتىك قىزمەت وتەۋدى جەدەل كەمەلدەندىرىپ، بىرەگەي كاسىپ سالاسى ەكولوگياسىن قالىپتاستىرىپ، جاڭا ٴداۋىردىڭ جاڭالىق اشۋ بيىگىن تۇلعالاۋ كەرەك. بەيجيڭ ــ تيانجين ــ حىبەيدىڭ سايكەستى دامۋىن جەبەۋ جاعىندا تىڭ ىسكەرلىك كورسەتۋگە ۇمتىلىپ، ٴار جاقتىڭ باسىمدىعىن شوعىرلاندىرىپ، رەفورما ىزدەنىسىن كۇشەيتىپ، ٴوڭىردىڭ جەتەكشىلىك ەتۋ، جەتەكتەۋ رولىن ساۋلەلەندىرۋ كەرەك.
ديڭ شۋەشياڭ سوزىندە مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورايدى مىقتى يگەرىپ، قولايلى ساتتەن پايدالانىپ العا ۇمتىلىپ، شيۇڭ ـ ان جاڭا رايونىنىڭ دامۋعا جاڭالىق اشۋ ارقىلى دەم بەرۋ ستراتەگياسىن جاپپاي تياناقتاندىرۋىن ىلگەرىلەتىپ، وڭىرلىك سايكەستى جاڭالىق اشۋ تورىمەن تەرەڭدەي توعىسىپ، بەيجيڭ (بەيجيڭ ــ تيانجين ــ حىبەي) حالىقارالىق عىلىم ـ تەحنولوگيادا جاڭالىق اشۋ ورتالىعىنىڭ ماڭىزدى تىرەك ٴتۇيىنىن بەلسەنە تۇلعالاۋ؛ جوعارى مەكتەپتەردىڭ، عىلمي زەرتتەۋ ورىندارىنىڭ شوعىرلانۋ ارتىقشىلىعىن ساۋلەلەندىرىپ، ٴوندىرىس، وقىتۋ، زەرتتەۋدى توعىستىرىپ جاڭالىق اشۋدى جەبەپ، وقۋ ـ اعارتۋ، عىلىم ـ تەحنولوگيا، دارىندىلاردىڭ ٴبىر تۇلعالى دامۋىن جوعارى دەڭگەيدە ىلگەرىلەتۋ كەرەك؛ بىرەگەي جاڭالىق اشۋ ەكولوگياسىن دەن قويا جەتىلدىرىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەدەل دامىتىپ، شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىنىڭ تىڭ ساتىعا كوتەرىلۋىن ىلگەرىلەتۋ كەرەك.
حى ليفىڭ قاتارلىلار قىزمەت تەكسەرۋدە بىرگە بولدى ٴارى اڭگىمە ماجىلىسىنە قاتىناستى، يىن لي، چىن مين ـ ىر، ۋ جىڭلۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، بەيجيڭ قالاسىنداعى، تيانجين قالاسىنداعى، حىبەي ولكەسىندەگى، شيۇڭ ـ ان جاڭا رايونىنداعى، قاتىستى كاسىپورىندارداعى جاۋاپتى جولداستار، ت.ب اڭگىمە ماجىلىسىنە قاتىناستى.
(«شينجياڭ گازەتىنەن» الىندى)
放大
