عىلىم ـ تەحنولوگيادا قۋاتتى رايون قۇرىلىسىن جەدەل ىلگەرىلەتىپ، سوتسياليستىك وسىزاماندانعان شينجياڭ قۇرۋعا عىلىم ـ تەحنولوگيالىق تىرەك ازىرلەۋ كەرەك

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 23 ـ كۇنى ۇرىمجىدەن حابارلايدى. اۆتونوميالى رايوندىق پارتكوم عىلىم ـ تەحنولوگيا كوميتەتى 3 ـ ايدىڭ 23 ـ كۇنى ٴماجىلىس اشىپ، باس شۋجي شي جينپيڭنىڭ عىلىم ـ تەحنولوگيادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىك عىلىم ـ تەحنولوگيا قىزمەتى ٴماجىلىسىنىڭ ورنالاستىرۋلارىن، تالاپتارىن تياناقتاندىرىپ، اۆتونوميالى رايوننىڭ عىلىم ـ تەحنولوگيادا جاڭالىق اشۋ ٴتۇيىندى قىزمەتتەرىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم عىلىم ـ تەحنولوگيا كوميتەتىنىڭ مەڭگەرۋشىسى چىن شياۋجياڭ ٴماجىلىستى باسقاردى ٴارى ٴسوز سويلەدى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.

　　(جالعاسى 2 ـ بەتتە)

　　(باسى 1 ـ بەتتە)

　　ٴماجىلىس اۆتونوميالى رايوندىق پارتكوم عىلىم ـ تەحنولوگيا كوميتەتىنىڭ 2026 ـ جىلعى قىزمەت ماڭىزدى تۇيىندەرىن جانە “15 ـ بەسجىلدىقتاعى” اۆتونوميالى رايوننىڭ ٴتۇيىندى عىلىم ـ تەحنولوگيا نىساندارىنىڭ جالپى تۇلعالىق ورنالاستىرىلۋىنا، اۆتونوميالى رايوننىڭ عىلمي ساندى مالىمەت جۇيەسى قۇرىلىسىنا، اۆتونوميالى رايوننىڭ عىلىم ـ تەحنولوگيا جەتىستىكتەرىن كادەگە جاراتۋ رەفورماسىنا قاتىستى جوبالاردى اقىلداسىپ قارادى، شينجياڭ تاجىريبەحانا قۇرىلىسىنىڭ اياق الىسى جاعدايى جونىندەگى مالىمەتتى تىڭدادى.

　　ٴماجىلىس مىنالاردى باسا دارىپتەدى: جەر ـ جەر، تاراۋلار باس شۋجي شي جينپيڭنىڭ عىلىم ـ تەحنولوگيادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ستراتەگيالىق ورنالاستىرۋىن مۇقيات دايەكتىلەندىرىپ، تياناقتاندىرىپ، جاڭا داۋىردەگى عىلىم ـ تەحنولوگيا ىستەرىن دامىتۋدا “سەگىزگە تاباندى بولۋ” قىمباتتى تاجىريبەسىن جانە عىلىم ـ تەحنولوگيادا قۋاتتى ەل قۇرىلىسىنداعى “بەس ۇلكەن مىندەتتى” دالمە ـ ٴدال يگەرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، پارتيا ورتالىق كوميتەتى شينجياڭعا بەلگىلەگەن “بەس ۇلكەن ستراتەگيالىق ورىندى” كوزدەپ، جاڭا كەزەكتى عىلىم ـ تەحنولوگيا توڭكەرىسى جانە كاسىپ سالاسى وزگەرىسى ورايىن مىقتى يگەرىپ، عىلىم ـ تەحنولوگيادا قۋاتتى رايون قۇرىلىسىن جەدەل ىلگەرىلەتىپ، اۆتونوميالى رايوننىڭ “15 ـ بەسجىلدىقتاعى” عىلىم ـ تەحنولوگيادا جاڭالىق اشۋ جوباسىن ويداعىداي جاساپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، بەتالىس پەن قامال الۋ ٴتۇيىنىن ٴدال تاڭداپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، شينجياڭ وڭىرلىك عىلىم ـ تەحنولوگيادا جاڭالىق اشۋ ورتالىعىن كۇش سالا قۇرىپ، عىلىم ـ تەحنولوگيادا جاڭالىق اشۋ قابىلەتىن ۇزدىكسىز جوعارىلاتىپ، سوتسياليستىك وسىزاماندانعان شينجياڭ قۇرۋعا عىلىم ـ تەحنولوگيالىق تىرەك ازىرلەۋى كەرەك.

　　ٴماجىلىس مىنالاردى باسا دارىپتەدى: ٴتۇيىندى عىلىم ـ تەحنولوگيا نىساندارىن ىشكەرىلەي جوسپارلاپ، اتقارىپ، عىلىم ـ تەحنولوگيادا جاڭالىق اشۋ بايلىعى مەن كۇشىن ٴبىر تۇتاس جوسپارلاپ، عىلىم ـ تەحنولوگيادا جاڭالىق اشۋ سەلبەستىك مەحانيزمىن كەمەلدەندىرىپ، نازاردى وسىزاماندانعان كاسىپ سالاسى جۇيەسىن ورناتۋ، جاساندى زەردەنى دامىتۋ، حالىقتىڭ قۇت ـ ىرىسىن ارتتىرۋ سياقتى سالالارعا شوعىرلاندىرىپ، جەتەكشىلىك سيپاتى كۇشتى، ٴونىمدى، باياندى كەلەلى نىسانداردى باعىتتامالى تۇردە ورنالاستىرىپ، اتقارىپ، جوعارى ساپالى دامۋعا قۋاتتى قوزعالىس قۋاتىن ۇستەۋ كەرەك. عىلمي ساندى مالىمەت جۇيەسى قۇرىلىسىن كۇش سالا ىلگەرىلەتىپ، جوبا جاساۋدى كۇشەيتىپ، جوعارى ساپالى عىلمي ساندى مالىمەت جيناعىن قۇرىپ، ەرەكشەلىككە، باسىمدىققا يە سالالارداعى عىلمي ساندى مالىمەت قامباسىن قۇرىپ، عىلمي ساندى مالىمەتتەردى شىعارۋ، جيناقتاۋ جانە ودان اشىق، بىرگە يگىلىكتەنۋدى ىلگەرىلەتىپ، ساندى مالىمەت حاۋىپسىزدىگىن باقىلاۋ ـ باسقارۋدى، قورعاۋدى كۇشەيتىپ، عىلمي ساندى مالىمەت بايلىعىنىڭ جاڭالىق اشۋ باسىمدىعىنا ۇزدىكسىز اينالۋىن ىلگەرىلەتۋ كەرەك. عىلىم ـ تەحنولوگيا جەتىستىكتەرىن كادەگە جاراتۋ رەفورماسىن تەرەڭدەتىپ، ساياسات ـ شارالاردى اقاۋسىزداندىرىپ، كەمەلدەندىرىپ، عىلىم ـ تەحنولوگيا جەتىستىكتەرىن كادەگە جاراتۋ مەحانيزمىن كۇش سالا كەمەلدەندىرىپ، سىناق ٴتۇيىنى بولعان جوعارى مەكتەپتەر، عىلمي زەرتتەۋ ورىندارى سياقتىلاردىڭ نەگىزگى تۇلعالىق رولىن ساۋلەلەندىرىپ، رەفورمانى تۇيىندە سىناق ەتۋ مىندەتىنىڭ تياناقتانىپ ونىمدىلىك كورسەتۋىن ورنىقتى ىلگەرىلەتىپ، عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنىڭ عىلىم ـ تەحنولوگيالىق جەتىستىكتەردى كادەگە جاراتۋ بەلسەندىلىگىن ۇزدىكسىز قاۋلاتىپ، اناعۇرلىم كوپ عىلىم ـ تەحنولوگيا جەتىستىكتەرىنىڭ رەال وندىرگىش كۇشكە اينالۋىن ىلگەرىلەتۋ كەرەك. جوعارى قابىلەت دارەجەسى دەڭگەيىندەگى جاڭالىق اشۋ تۇعىرى قۇرىلىسىن ىلگەرىلەتىپ، تاجىريبەحانا اينالىم مەحانيزمىن جانە ساياسات قامتاماسىزدىعىن اقاۋسىزداندىرىپ، جاڭالىق اشۋدى قولداۋدى باعدار ەتكەن باعالاۋ جۇيەسىن ورناتىپ، تاجىريبەحانانىڭ نەگىزگى قامال الۋ بەتالىسىن ٴدال كوزدەۋىن ىلگەرىلەتىپ، ٴتۇيىندى سالالارداعى شەشۋشى، وزەكتى تەحنولوگيالاردان قامال الۋدى جەدەلدەتىپ، جوعارى ساپالى دامۋعا تىرەك بولۋ، مەملەكەتتىڭ كەلەلى عىلىم ـ تەحنولوگيا ستراتەگياسىنا قىزمەت وتەۋ قابىلەتىن ۇزدىكسىز جوعارىلاتۋ كەرەك.

　　جاڭ يىڭچۇن، قادەن كابەن، ۋاڭ لين، قايسار ابدۇكەرىم، اۆتونوميالى رايوندىق پارتكوم عىلىم ـ تەحنولوگيا كوميتەتىنىڭ مۇشەلەرى جانە مۇشە ورىنداردىڭ جاۋاپتىلارى ماجىلىسكە قاتىناستى.

　　(«شينجياڭ گازەتىنەن» الىندى)