شينحۋا اگەنتتىگىنىڭ 3 ـ ايدىڭ 23 ـ كۇنى بەيجيڭنەن بەرگەن حابارى. 3 ـ ايدىڭ 23 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ تۇڭلۇنعا تەلەگرامما جولداپ، ونىڭ لاوستىڭ مەملەكەت ٴتوراعاسى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو ــ لاوس ەكى ەل تاعدىرلاس سوتسياليستىك دوس كورشى ەلدەر، ەكى جاق باستان ـ اياق توننىڭ ىشكى باۋىنداي بولىپ، ٴبىر ـ بىرىنە قارايلاسىپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى باتىل قولداپ، “جولداستىق ٴارى باۋىرلاستىق” تەرەڭ دوستىق سۇيىسپەنشىلىكتى ايگىلەدى. 2026 ـ جىل جۇڭگو مەن لاوستىڭ ديپلوماتيالىق قارىم ـ قاتىناس ورناتقاندىعىنىڭ 65 جىلدىعى جانە “جۇڭگو ــ لاوس دوستىق جىلى”، ەكى جاق جەلىلەس قۇتتىقتاۋ قيمىلدارىن وتكىزىپ، ەكى ەل حالقىنىڭ دوستىعىن نىعايتۋعا تىڭ قوزعاۋشى كۇش قوسادى.
شي جينپيڭ بىلاي دەپ باسا دارىپتەدى: بيىل ــ جۇڭگونىڭ “15 ـ بەسجىلدىعىنىڭ” جانە لاوستىڭ “10 ـ بەسجىلدىعىنىڭ” باستاما جىلى، ەكى ەل دە (جالعاسى 2 ـ بەتتە)
(باسى 1 ـ بەتتە) دامۋ مەن گۇلدەنۋدىڭ شەشۋشى كەزەڭىندە تۇر، ەكى جاق ٴوزارا پايدا جەتكىزىپ سەلبەستىك جاساۋدا اناعۇرلىم كەڭ بولاشاقتى قارسى الدى. مەن جۇڭگو ــ لاوس ەكى پارتياسى، ەكى ەل قارىم ـ قاتىناسىنىڭ دامۋىنا ايرىقشا ٴمان بەرەمىن، باس شۋجي، مەملەكەت ٴتوراعاسى تۇڭلۇنمەن بىرگە قۇلشىنىپ، ەكى ەلدىڭ جالپى بەتتىك ستراتەگيالىق سەلبەستىگىنىڭ جاڭا جوباسىن كەسكىندەپ، جۇڭگو ــ لاوس تاعدىرلاس ورتاق تۇلعاسى قۇرىلىسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى، ٴوڭىردىڭ بەيبىتشىلىگى مەن دامۋىنا اناعۇرلىم كوپ تيىمدىلىك جەتكىزۋدى قالايمىن.
سول كۇنى مەملەكەتتىك كەڭەستىڭ زۇڭليى لي چياڭ تەلەگرامما جولداپ، سۇڭسايدىڭ لاوس ۇكىمەتىنىڭ زۇڭليى بولىپ تاعى دا سايلانعاندىعىن قۇتتىقتادى، ەكى جاقتىڭ ٴارقايسى تاراۋلارىنىڭ، وڭىرلەرىنىڭ اۋىس ـ كۇيىستى، سەلبەستىكتى كۇشەيتىپ، جۇڭگو ــ لاوس تاعدىرلاس ورتاق تۇلعاسى قۇرىلىسىندا اناعۇرلىم كوپ سۇبەلى جەتىستىككە قول جەتكىزۋدى ىلگەرىلەتۋگە بىرگە جەتەكشىلىك ەتۋدى قالايتىندىعىن ٴبىلدىردى.
(«شينجياڭ گازەتىنەن» الىندى)
放大
