شوفەرلارعا:
2025 ـ جىلى 6 ـ ايدىڭ 30 ـ كۇنىنەن باستاپ، التاي ــ قوم تاس جولىندا قوس باعىتتا اۆتوكولىك رەسمي قاتىنادى، قاتىستى ىستەردى تومەندەگىدەي حابارلاندىرامىز:
2025 ـ جىلى 6 ـ ايدىڭ 30 ـ كۇنىنەن 10 ـ ايدىڭ 15 ـ كۇنىنە دەيىن، التاي ــ قوم تاس جولىندا ۇزىندىعى 12 مەترگە تولمايتىن جولاۋشىلار اۆتوكولىگى قوس باعىتتا قاتىنايدى. 2025 ـ جىلى 10 ـ ايدىڭ 16 ـ كۇنىنەن كەلەسى جىلى 5 ـ ايدىڭ 14 ـ كۇنىنە دەيىن، التاي ــ قوم تاس جولىندا قىستىق دوڭگەلەك ورناتىلعان 7 ورىندىقتان تومەن ءتورت دوڭگەلەگى تارتاتىن شاعىن جولاۋشىلار اۆتوكولىگى شەكتى مەرزىمدە قوس باعىتتا قاتىنايدى.
1. اۆتوكولىك جۇرگىزگەندە حاۋىپسىزدىككە كوڭىل ءبولۋ كەرەك. التاي ــ قوم تاس جولىندا شۇعىل اينالما جول، اۆتوكولىك كوپ، كورىنىسى كوركەم، جولى ۇزاق، جالپى ۇزىندىعى 209.45 كيلومەتر، جولاۋشىلار اۆتوكولىگىن جۇرگىزەتىن شوفەر مەن ءوزى اۆتوكولىك جۇرگىزىپ ساياحاتتاۋشىلار التاي ــ قوم تاس جولىنا كىرۋدەن بۇرىن اۆتوكولىككە ماي، توك تولتىرىپ الۋى قاجەت ءارى اۆتوكولىك جاعدايىن تەكسەرىپ، دەمالىستىڭ جەتكىلىكتى بولۋىنا كەپىلدىك ەتۋى كەرەك. شوفەرلار التاي ــ قوم تاس جولىنا كىرەر ـ شىعار اۋزىنداعى قىزمەتكەرلەردىڭ حاۋىپسىزدىكتى ەسكەرتۋ قىزمەتىنە سانالى سايكەسىپ، قاتىناس زاڭ ـ ەرەجەسىنە بويسۇنىپ، قارسى كەلە جاتقان اۆتوكولىككە نازار اۋدارىپ، جىلدامدىقتى ولشەمنەن اسىرماۋ، اۆتوكولىكتەردەن قاراتالاسىپ وزباۋ، نازارىن باسقا جاققا اۋدارماۋ، قالجىراپ اۆتوكولىك جۇرگىزبەۋ، قاتىناس ساقشىلارىنىڭ جەتەكشىلىگىنە بويسۇنۋى كەرەك. ۇزىندىعى 9 مەتردەن اساتىن جولاۋشى تاسىمالدايتىن اۆتوكولىككە قوعام حاۋىپسىزدىگىنىڭ قاتىناس ساقشىلارى قارقىنىن تەجەپ، جول باستايدى، توسىن وقيعاعا تاپ بولعاندا دەركەزىندە 110 ساقشىعا مالىمدەۋ تەلەفونىنا تەلەفون جالعاڭىز. سۇركەيلى اۋا رايى مەن جاراتىلىستىق اپات تۋىلىپ جاتسا، قاتىناس باسقارۋ تاراۋلارى جولدى ۋاقىتتىق باسقارۋ ـ مەڭگەرۋ شاراسىن اتقارادى، ناقتى ينفورماتسيالار التاي ايماقتىق توعىسپالى مەديا ورتالىعىنا قاراستى شۋەدۋدۋ كليەنتى، التاي ارالىقسىز ءۇنحات الەۋمەتتىك ءنومىرى (阿勒泰零距离微信公众号) سياقتى تەكشەلەردە، التاي قاتىناس ساقشىسى ءۇنحات الەۋمەتتىك نومىرىندە جاريالانادى.
2. كوڭىل بولەتىن ىستەر: التاي ــ قوم تاس جولى 2 ـ دارەجەلى كوتەرىمدىلىك ولشەمى جەڭىل تۇرپاتتى تاس جول رەتىندە جوبالانعان، اۆتوكولىك رەسمي قاتىناعان كەزدە جالپى سالماعى 41 توننادان اساتىن اۋىر تۇرپاتتى جۇك اۆتوموبيلىنىڭ قاتىناۋىنا قاتاڭ تيىم سالىنادى. جۋىق مەزگىلدە قاتىناۋ حاۋىپسىزدىگىنىڭ قاجەتىنە ساي، التاي ــ قوم تاس جولىن باسقارۋ ـ مەڭگەرۋ جوباسى دەركەزىندە رەتتەلەدى، بۇل ىسكە ايرىقشا نازار اۋدارىڭىزدار.
التاي ايماقتىق قوعام حاۋىپسىزدىگى مەكەمەسى
التاي ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى
التاي ايماقتىق قاتىناس ـ تاسىمال مەكەمەسى
2025 ـ جىلى 6 ـ ايدىڭ 29 ـ كۇنى
放大
