ما شيڭرۇي، ەركىن تۇنياز ٴۇرىمجى قالاسى شيحوۋ كوشەسىندەگى اۆتونوميالى رايوننىڭ شوعىرلى قىزمەت جۇرگىزۋ اۋماعى سياقتى جەرلەرگە بارىپ تەكسەرۋ ـ زەرتتەۋ جۇرگىزدى

　　1 - ايدىڭ 13 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ءۇرىمجى قالاسى تيانشان رايونى شيحوۋ كوشەسىندەگى اۆتونوميالى رايوننىڭ شوعىرلى قىزمەت جۇرگىزۋ اۋماعىنداعى ءارقايسى ورىندار مەن اۆتونوميالى رايوندىق ەكونوميكالىق ىستەستىك قىزمەت وتەۋ ورتالىعىنا بارىپ تەكسەرۋ - زەرتتەۋ جۇرگىزدى. سۋرەتتە:　　　　ما شيڭرۇي، ەركىن تۇنياز شيحوۋ كوشەسىندەگى اۆتونوميالى رايوننىڭ شوعىرلى قىزمەت جۇرگىزۋ اۋماعىنىڭ پايدالانۋعا بەرىلۋ جاعدايىن ەگجەي - تەگجەيلى ۇعىسۋدا. 

　　□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 13 ـ كۇنى ۇرىمجىدەن حابارلايدى. 1 ـ ايدىڭ 13 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز ٴۇرىمجى قالاسى تيانشان رايونى شيحوۋ كوشەسىندەگى اۆتونوميالى رايوننىڭ شوعىرلى قىزمەت جۇرگىزۋ اۋماعىنداعى ٴارقايسى ورىن مەن اۆتونوميالى رايوندىق ەكونوميكالىق ىستەستىك قىزمەت وتەۋ ورتالىعىنا بارىپ تەكسەرۋ ـ زەرتتەۋ جۇرگىزدى.

　　تاياۋ جىلداردان بەرى، اۆتونوميالى رايوندىق پارتكوم ٴبىر تۇتاس جوسپارلاپ، ورنالاستىرۋ جاساپ، ٴبىر ٴبولىم مەملەكەت مەنشىگىندەگى مال ـ مۇلىكتى ٴونىمدى جانداندىرۋدى، شوعىرلى، ۇنەمدى پايدالانۋدى ىلگەرىلەتتى. شينجياڭ داشۋەسى وڭتۇستىك مەكتەپ رايونىنىڭ بۇرىنعى ورنى قۇرىلىس سالىنىپ جاڭالاندى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) تۇتاس كوشىپ كىرۋى جانە پايدالانۋى جۇزەگە اسىرىلدى. ٴۇرىمجى قالاسى تيانشان رايونى شيحوۋ كوشەسىندەگى پارتيا مەكتەبىنىڭ بۇرىنعى مەكتەپ رايونى جاڭالانىپ، جوندەلىپ، ٴبىر ٴبولىم اۆتونوميالى رايونداعى ورىنداردىڭ جانە ورتالىقتىڭ شينجياڭدا تۇراتىن ورىندارىنىڭ شوعىرلى قىزمەت جۇرگىزۋىنە پارمەندى قامتاماسىزدىق ازىرلەندى. وسىنىڭ الدىندا ما شيڭرۇي وسى قىزمەت جونىندە كوپ رەت سول جەردىڭ وزىندە تەكسەرۋ ـ زەرتتەۋ جۇرگىزىپ، ىشكەرىلەي جوسپار جاساپ، نىساندى جەدەل اتقارۋدى ىلگەرىلەتۋدى اقىلداسقان ەدى. شيحوۋ كوشەسى شوعىرلى قىزمەت جۇرگىزۋ اۋماعىنىڭ قۇرىلىس نىسانى 2024 ـ جىلى 5 ـ ايدىڭ سوڭىندا جۇمىس باستاعان، 74 مىڭ شارشى مەتر كولەمدەگى ٴۇي رەتتەلىپ ورنالاستىرىلدى. بىلتىر 12 ـ ايدىڭ سوڭىنان بۇرىن اۆتونوميالى رايوندىق پارتكوم بىرلىكساپ ٴبولىمى، اۆتونوميالى رايوندىق پارتكوم شتات كەڭسەسى، اۆتونوميالى رايوندىق پارتكوم ارميا مەن حالىق توعىسپالى دامۋ كەڭسەسى جانە اۆتونوميالى رايوندىق مەملەكەت قورعانىسى جونىنەن اتتانىسقا كەلتىرۋ كەڭسەسى، اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق سيفرلاندىرا دامىتۋ مەكەمەسى، مەملەكەتتىك ساناق مەكەمەسى شينجياڭ تەكسەرۋ باس اترەتى تۇگەلدەي ٴساتتى كوشىپ كىردى، قازىر ٴتۇرلى قىزمەتتەر ٴتارتىپتى ورىستەتىلۋدە.

　　تەكسەرۋ ـ زەرتتەۋ بارىسىندا　　　　　　 ما شيڭرۇي، ەركىن تۇنياز شوعىرلى قىزمەت جۇرگىزۋ اۋماعىنا كەلىپ، ٴارقايسى ورىندى ٴبىر ـ بىردەن ارالاپ، قىزمەت جۇرگىزۋ ورتاسىن تەكسەرىپ كورىپ، كادرلارعا، جۇمىسشى ـ قىزمەتشىلەرگە امانداستى ٴارى اسحانا، سپورت الاڭ ـ سارايى، تۇرمىستىق قىزمەت وتەۋ الاڭىنا بارىپ، كادرلاردىڭ تاماقتانۋى جانە قىزمەت وتەۋ، قامتاماسىز ەتۋ سياقتى جاعدايلاردى ىشكەرىلەي ۇعىستى. ما شيڭرۇي بىلاي دەپ اتاپ كورسەتتى: شيحوۋ كوشەسى شوعىرلى قىزمەت جۇرگىزۋ اۋماعىن ٴونىمدى جانداندىرۋ، ٴساتتى پايدالانۋ _ اۆتونوميالى رايوندىق پارتكومنىڭ يدەيانى ازات ەتىپ، شىندىقتى ٴىس جۇزىنەن ىزدەپ، بايلىقتى ساپالىلاندىرىپ ورنالاستىرۋدى ىلگەرىلەتىپ، مەملەكەت مەنشىگىندەگى مال ـ مۇلىكتەن شوعىرلى، ۇنەمدى پايدالانۋ ونىمدىلىگىن جوعارىلاتىپ، اكىمشىلىك اينالىمنىڭ ونىمدىلىگىن جوعارىلاتۋداعى ناقتى شاراسى بولىپ، بەلسەندى ونىمدىلىككە قول جەتكىزدى. سايكەستى قۇرىلعىلاردى كەمەلدەندىرۋ، دارەجەسىن جوعارىلاتۋ قىزمەتىن ۇزدىكسىز ىلگەرىلەتىپ، شوعىرلاندىرۋ باسىمدىعىن اناعۇرلىم ويداعىداي ساۋلەلەندىرىپ، سايكەسە قىزمەت جۇرگىزۋدى ىلگەرىلەتىپ، ينفورماتسيالاندىرۋ قۇرىلىسىن كۇشەيتىپ، ۇكىمەتتىك قىزمەت وتەۋدى ساپالىلاندىرىپ، ٴتۇرلى قىزمەت ونىمدىلىگىن جوعارىلاتىپ، جوعارى ٴونىمدى ۇكىمەتتى جەدەل تۇلعالاۋ كەرەك. ٴارقايسى ورىن وسىنى وراي ەتىپ، نازاردى اۆتونوميالى رايوننىڭ وزەكتى قىزمەتىنە شوعىرلاندىرىپ، رەفورما جاساۋدى، جاڭالىق اشۋدى تەرەڭدەتىپ، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، ٴتۇرلى ٴتۇيىندى مىندەتتەردى تىڭعىلىقتى ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىندا ۇزدىكسىز جاڭا بەينە ايگىلەۋدى قايراتتانا ىلگەرىلەتۋ كەرەك. اۆتونوميالى رايوندىق ەكونوميكالىق ىستەستىك قىزمەت وتەۋ ورتالىعىندا ما شيڭرۇي قاتىستى قىزمەت مالىمەتىن تىڭداپ، بىلاي دەپ باسا دارىپتەدى: رەفورمانى ونان ارى تەرەڭدەتىپ، ٴتۇزىلىس ـ مەحانيزمدى كەمەلدەندىرىپ، قىزمەت وتەۋ، قامتاماسىز ەتۋ قابىلەت دەڭگەيىن جوعارىلاتىپ، اۆتونوميالى رايون قىزمەتىنىڭ كەلەلى جاعدايىنا قىزمەت وتەۋگە جاڭا ۇلەس قوسۋ كەرەك.

　　چىن ۋيجۇن، ەلزات احمەتجان، قادەن كابەن تەكسەرۋ ـ زەرتتەۋگە قاتىناستى.

　　(«شينجياڭ گازەتىنەن» الىندى)