(باسى 1 ـ بەتتە)
ەركىن تۇنياز مىنالاردى ٴبىلدىردى: شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتتى. اسىرەسە، نىسان قۇرىلىستارىن ەكونوميكالىق قىزمەتتىڭ نەگىزگى تۇتقاسى ەتۋگە تاباندى بولىپ، ٴونىمدى قارجى قوسۋدى ٴۇرتىس كەڭەيتىپ، نەگىزدى كۇشەيتەتىن، قۇرىلىمدى رەتتەيتىن، قوزعالىس قۋاتىن ارتتىراتىن، ۇزاق بولاشاققا پايدالى، حالىق تۇرمىسىنا ٴتيىمدى ٴبىر توپ كەلەلى نىساندى جوسپارلاپ، ىلگەرىلەتىپ، كەلەلى ونىمدىلىككە قول جەتكىزدى. كەزەكتە تيانشان الابىندا كاسىپ سالاسى قارىشتاپ دامىىپ، شارۋاشىلىق ـ ساۋدا ورتاسى كۇن سايىن جاقسارىپ، ىشكە، سىرتقا ەسىك اشۋ تەبىنى كۇشەيىپ، شينجياڭعا قارجى قوسۋدىڭ ٴدال ٴساتى كەلىپ، بولاشاعى نۇرلى بولدى. مەملەكەتتىڭ مينيسترلىكتەرىنىڭ، كوميتەتتەرىنىڭ جانە ورتالىق كاسىپورىندارىنىڭ شينجياڭنىڭ دامۋىن بۇرىنعىداي قولداپ، قارجى قوسۋ تەبىنىن ٴۇرتىس ارتتىرىپ، شينجياڭداعى نىسانداردىڭ قۇرىلىس اياق الىسىن تەزدەتىپ، ٴساتتى ىسكە قوسىلۋىنا شىنايى كەپىلدىك ەتىپ، رولىن تەزىرەك ساۋلەلەندىرۋىن ٴۇمىت ەتەمىز. ٴبىز بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن ۇزدىكسىز قالىپتاستىرىپ، ەڭ زور شىنايى نيەتپەن، ەڭ ساپالى قىزمەت وتەۋمەن كاسىپورىنداردىڭ دامۋىنا پارمەندى قامتاماسىزدىق ازىرلەيمىز.
ٴۇرىمجى ــ لوپنۇر جوعارى قارقىندى تاس جولى تيانشاندى ەندەي وتەتىن، وڭتۇستىك ـ سولتۇستىك شينجياڭدى تۇتاستىراتىن قاتىناس كۇرە تامىرى بولىپ، ۇرىمجىدەن كورلاعا دەيىنگى كولىك قاتىناۋ ۋاقىتى 7 ساعاتتان 3 ساعاتقا قىسقارادى. تيانشان جەڭىس تۋنەلىنىڭ ۇزىندىعى 22.13 كيلومەتر، وسى نىساننىڭ مەڭگەرۋ سيپاتتى ينجەنەرياسى. قۇرىلىسشىلار 16 وپىرىلمالى بەلدەۋ جانە تاۋ جىنىسىنىڭ جارىلۋى، سۋ اتىلۋ سياقتى كەلەلى تەحنولوگيالىق قيىن ماسەلەلەردەن قامال الىپ، ەل ٴىشى جانە دۇنيە ٴجۇزى رەكوردىن كوپ رەت جاڭالادى. “ٴۇرىمجى ــ لوپنۇر جوعارى قارقىندى تاس جول نىسانى مەملەكەتتىڭ تاس جول تورىن كەمەلدەندىرۋ، وڭتۇستىك شينجياڭ ٴوڭىرىنىڭ ەكونوميكاسىنىڭ، قوعامىنىڭ دامۋىن جەبەۋ جانە حالىق تۇرمىسىن جاقسارتۋ، ‘شينجياڭ ىشىندە شەڭبەر قالىپتاستىرۋ، شينجياڭعا كىرىپ ـ شىعۋدى تەزدەتۋدى’ ىلگەرىلەتۋ جونىنەن ماڭىزدى مانگە يە”. ۋاڭ تۇڭجوۋ مىنالاردى ٴبىلدىردى: جۇڭگو قاتىناس توبى شينجياڭنىڭ قاتىناس، قالا، سۋ يگىلىگى، ەكولوگيالىق قورشاعان ورتانى قورعاۋ سياقتى سالالارىمەن سەلبەستىكتى ٴۇرتىس تەرەڭدەتىپ، شينجياڭنىڭ جوعارى ساپالى دامۋىنا قىزمەت وتەيدى.
داشىشيا سۋ يگىلىگى تورابى ينجەنەرياسى ــ مەملەكەتتىك كەڭەس تۇراقتاندىرعان “14 ـ بەسجىلدىقتاعى” 172 كەلەلى سۋ ۇنەمدەۋ، سۋمەن قامداۋ ينجەنەرياسىنىڭ ٴبىرى، 2019 ـ جىلى 11 ـ ايدا جالپى بەتتىك قۇرىلىس باستاپ، توسپانىڭ توبەسىن بەتونداۋ نىساناسىن 8 اي بۇرىن جۇزەگە اسىرىپ، وسى تۇردەگى ينجەنەريا قۇرىلىسى اياق الىسىندا تىڭ رەكورد جاراتتى. ينجەنەريا سالىنىپ بولعاننان كەيىن، سۋارۋ، تاسقىننان ساقتانۋ جانە ەلەكتر تاراتۋ سىندى جالپىلىق ونىمدىلىگىن ساۋلەلەندىرىپ، وڭتۇستىك شينجياڭ ٴوڭىرىنىڭ باياندى دامۋىندا سۋ بايلىعىن تىزگىندەۋ ماسەلەسىن شەشۋگە كۇش ۇستەيدى. “داشىشيا سۋ قويماسى ۇلكەن توسپاسى توبەسىنىڭ بەتوندالىپ بولۋى ەلىمىزدىڭ ٴۇستىرتتى، سۋىق، تەڭىز دەڭگەيىنەن بيىك وڭىردە دۇنيە جۇزىندەگى بىرەگەي سۋ ەلەكتر ينجەنەرياسىن سالۋىنا جاڭا ەسكەرتكىش ورناتتى”. ني جىن مىنالاردى ٴبىلدىردى: جۇڭگو ەنەرگيا قۇرىلىسى توبى نازاردى شينجياڭنىڭ “ون ٴىرى كاسىپ سالاسى شوعىرىنا” شوعىرلاندىرىپ، جەتەكشىلىگى كۇشتى، ۇزاق بولاشاققا پايدالى ٴبىر توپ كەلەلى نىساندى دەن قويا جوسپارلاپ اتقارىپ، شينجياڭنىڭ ەرەكشە، باسىمدىققا يە وسىزاماندانعان كاسىپ سالاسى جۇيەسىن ورناتۋىنا اناعۇرلىم زور كۇش قوسادى.
تاياۋ جىلداردان بەرى، جۇڭگو ساۋدالىق ۇشاق سەرىكتەستىگى ەلىمىز وندىرگەن حالىقتىق ۇشاقتاردى شينجياڭعا كىرگىزىپ ىسكە قوسۋدى بەلسەنە ىلگەرىلەتىپ، C909 جۇك ۇشاعىنىڭ بۇكىل الەمدە تۇڭعىش قاتىناۋى، جولاۋشىلار ۇشاعىنىڭ ورتا ازيادا تۇڭعىش قاتىناۋى جانە بيىك ۇستىرتتە تۇڭعىش قاتىناۋى سياقتى كەلەلى ىلگەرىلەۋشىلىكتى جۇزەگە اسىردى. وسى رەت جۇڭگو ساۋدالىق ۇشاق جولاۋشىلارعا قىزمەت وتەۋ سەرىكتەستىگىنىڭ قاتىناۋ تولىمدىلىعى كۋالىگىن الۋى اتاۋلى سەرىكتەستىكتىڭ جولاۋشىلار ورىن سانى 30دان اسپايتىن، ونىڭ ۇستىنە ەڭ ۇلكەن ساۋدالىق كوتەرىمدىلىگى 3400 كيلوگرامنان اسپايتىن كوپ موتورلى ۇشاقتان پايدالانىپ جولاۋشى تاسۋ ساۋدالىق ۇشۋىن مەرزىمسىز ورىستەتەتىندىگىن اڭعارتادى. سول كۇنى جۇڭگو ساۋدالىق ۇشاق جولاۋشىلارعا قىزمەت وتەۋ سەرىكتەستىگى C909 تۋىندامالى ۇشاعىنان پايدالانىپ ۇرىمجىدەن اقسۋعا دەيىنگى تۇڭعىش ساۋدالىق ۇشۋدى ورىندادى.
حى دۇڭفىڭ ارناۋ سوزىندە مىنالاردى ٴبىلدىردى: C909 شينجياڭعا كىرىپ قاتىناعان ٴبىر جىلدان استام ۋاقىتتان بەرى، جۇڭگو ساۋدالىق ۇشاق سەرىكتەستىگى شينجياڭ حالىقتىق اۆياتسياسىنىڭ “ىركىلىسسىز بولۋ، قامتىمدى بولۋ، اشىق بولۋ” سىندى سۇرانىسىنا بەلسەنە ۇيلەسىپ، ەلىمىز وندىرگەن تارماق جەلى ۇشاعى C909دىڭ “ۇستىرتكە شىعۋ، ورتا ازيادا ۇشۋ، جاپپاي قامتۋ” نىساناسىن جۇزەگە اسىردى. جۇڭگو ساۋدالىق ۇشاق سەرىكتەستىگى جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋ ساياسي جاۋاپكەرشىلىگىن مىقتاپ ارقالاپ، “ۇشاقتىڭ شينجياڭعا كىرۋىن، تەحنولوگيانىڭ شينجياڭعا كىرۋىن، كاسىپ سالاسىنىڭ شينجياڭعا كىرۋىن” تىڭعىلىقتى ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ دامۋىنا كۇش قوسادى.
چىن ۋيجۇن قيمىلدى باسقاردى. قادەن كابەن جانە اۆتونوميالى رايوندىق ساياسي كەڭەستىڭ قاتىستى باسشىلارى، جۇڭگو حالىقتىق اۆياتسيا باسقارۋ مەكەمەسىندەگى جانە جۇڭگو ساۋدالىق ۇشاق سەرىكتەستىگىندەگى، جۇڭگو قاتىناس توبىنداعى، جۇڭگو ەنەرگيا قۇرىلىسى توبىنداعى قاتىستى جولداستار، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى جاۋاپتى جولداستار ۇرىمجىدە قيمىلعا قاتىناستى. اۆتونوميالى رايوندىق ۇكىمەتتىڭ قاتىستى باسشىلارى جانە قاتىستى ورىندارداعى جولداستار، ينجەنەريا قۇرىلىسشىلارىنىڭ ۋاكىلدەرى، ت.ب تيانشان جەڭىس تۋنەلىندە جانە داشىشيا سۋ يگىلىگى تورابى ينجەنەريا ۇلكەن توسپاسىنىڭ جۇمىس باسىندا قيمىلعا قاتىناستى.
شينجياڭ گازەتىنەن الىندى
放大
