12 - ايدىڭ 30 - كۇنى دۇنيە جۇزىندەگى سالىنىپ جاتقان ەڭ ۇزىن جوعارى قارقىندى تاس جول تۋنەلى ــ G0711 جەلىسى ءۇرىمجى ــ لوپنۇر جوعارى قارقىندى تاس جولىنىڭ تيانشان جەڭىس تۋنەلى تۇتاس جەلى بويىنشا تۇتاستىرىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى حان لياڭ تۇسىرگەن
12 - ايدىڭ 30 - كۇنى دۇنيە جۇزىندەگى سالىنىپ بولعان ەڭ بيىك بەتون تاقتالى قۇم - شاعىل تاس توسپاسى ــ شينجياڭ داشىشيا سۋ يگىلىگى توراپ ينجەنەرياسى ۇلكەن توسپاسىنىڭ توبەسى ءساتتى بەتوندالدى.
□ سۋرەتتى ۋاڭ تو تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 30 ـ كۇنى ۇرىمجىدەن حابارلايدى. جاڭا جىل قارساڭىندا شينجياڭداعى بەلگى سيپاتتى ەكى كەلەلى ينجەنەريادان قۋانىشتى حابار تارادى: 12 ـ ايدىڭ 30 ـ كۇنى تۇستەن بۇرىن دۇنيە جۇزىندەگى سالىنىپ جاتقان ەڭ ۇزىن جوعارى قارقىندى تاس جول تۋنەلى ــ G0711 جەلىسىنىڭ ٴۇرىمجى ــ لوپنور جوعارى قارقىندى تاس جولىنىڭ تيانشان جەڭىس تۋنەلى تۇتاس جەلى بويىنشا تۇتاستىرىلدى، دۇنيە جۇزىندەگى سالىنىپ بولعان ەڭ بيىك بەتون تاقتالى قۇم ـ شاعىل تاس توسپاسى ــ شينجياڭ داشىشيا سۋ يگىلىگى توراپ ينجەنەرياسى ۇلكەن توسپاسىنىڭ توبەسى ٴساتتى بەتوندالدى. اۆتونوميالى رايون ۇرىمجىدە جانە ينجەنەريا جۇمىس باسىندا تۇتاستىرۋ، توبەسىن بەتونداۋ سالتىن ٴبىر ۋاقىتتا وتكىزىپ، نىسانداردى بارىنشا يگەرۋ، ٴىرى نىسانداردى يگەرۋ سەنىمىن، بەكىمىن پارمەندى ايگىلەپ، ٴتۇيىندى نىسانداردى ۇلگى ەتىپ، تۇتاس رايوندى جوعارىدان تومەنگە دەيىن نىسان قۇرىلىسىنىڭ ساپاسىن ٴوسىرىپ، ونىمدىلىگىن ارتتىرۋدى بار كۇشپەن ىلگەرىلەتىپ، جوعارى ساپالى دامۋعا اناعۇرلىم ويداعىداي تىرەك بولۋعا جۇمىلدىردى. اۆتونوميالى رايوندىق پارتكومنىڭ شۋجيى ما شيڭرۇي بەينەەكران تاسىلىمەن قيمىلعا قاتىناسىپ، تۋنەلدىڭ تۇتاستىرىلعاندىعىنا، ۇلكەن توسپا توبەسىنىڭ بەتوندالعاندىعىنا كۋا بولدى، ەكى ٴىرى نىساننىڭ شەشۋشى بۋىندا كەلەلى سەرپىلىستى جۇزەگە اسىرعاندىعىن قىزۋ قۇتتىقتادى.
سول كۇنگى قيمىلدا تاعى ساۋدالىق ۇشاق جىلدام جەلىسىنىڭ 135 ــ CCAR بولىگى بويىنشا قاتىناۋ تولىمدىلىعى كۋالىگىن تاراتۋ جانە ساۋدالىق ۇشاقتىڭ تۇڭعىش قاتىناۋ سالتى وتكىزىلدى. ما شيڭرۇي قاتارلىلاردىڭ كۋا بولۋىندا، جۇڭگو حالىقتىق اۆياتسيا حۋادۇڭ ٴوڭىرى باسقارۋ مەكەمەسى جۇڭگو ساۋدالىق ۇشاق جولاۋشىلارعا قىزمەت وتەۋ سەرىكتەستىگىنە جۇڭگو حالىقتىق اۆياتسياسىنىڭ 135 ــ CCAR بولىگى بويىنشا قاتىناۋ تولىمدىلىعى كۋالىگىن تاراتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ارناۋ ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ قاتىناستى. جۇڭگو ساۋدالىق ۇشاق سەرىكتەستىگىنىڭ باس جوراسى حى دۇڭفىڭ جانە جۇڭگو قاتىناس قۇرىلىسى توبىنىڭ باس جوراسى ۋاڭ تۇڭجوۋ، جۇڭگو ەنەرگيا قۇرىلىسى توبىنىڭ باس ديرەكتورى ني جىن جەكە ـ جەكە ارناۋ ٴسوز سويلەدى.
(جالعاسى 3 ـ بەتتە)
放大
