گازەتىمىزدىڭ حابارى (ٴتىلشىمىز دۇڭ شىجۇي حابارلايدى). 12 - ايدىڭ 26 - كۇنى التاي قالالىق 1 - بالالار باقشاسى “مەرەكەلىك ويىن نومىرلەرىنە قاتىناسىپ، جاڭا جىلدى قارسى الايىق” نەگىزگى تاقىرىبىندا جاڭا جىلدى قارسى الۋ قيمىلىن وتكىزدى، بالالار قىزىقتى قيمىلداردان جۇڭحۋا ۇلتىنىڭ ٴداستۇرلى مادەنيەتىنىڭ وزگەشە كەرەمەتىن سەزىندى.
مەرەكەلىك ويىندار جۇڭحۋا ۇلتىنىڭ ٴداستۇرلى مادەنيەتىنىڭ ٴبىر بولەگى بولىپ، باي تاريحي جانە مادەنيەت ٴمانىن ارقالاپ وتىر. قيمىل كۇنى بالالار ارىستان ٴبيىن بيلەپ، حانفۋ كيىپ، بەل بارابان سوعىپ، وزەن جاعاسىن بويلاپ مەرەكەلىك ويىندار قويدى. مەرەكەلىك ويىن بارىسىندا ولار ٴداستۇرلى مادەنيەتتىڭ وزگەشە كەرەمەتىن سەزىندى.
“بۇتحانا جارمەنكەسىن” ارالاۋ بۋىنىندا الۋان رەڭدى شىراقتار جايناپ، جاڭا جىل لەبى ەستى. بيڭتاڭ حۋلۋ، جاسامپازدىق قۋاتىنا يە توسىن سي قورابى ويىنى، بۋى بۇرقىراعان ٴبىر شىنى ىستىق قانت سۋى، تارتىمدى كولەڭكەلى قۋىرشاق ويىنى، سونداي - اق ٴارقايسى كلاستىڭ ويىن ٴنومىرى بالالاردى تاڭ قالدىردى. بالالار بۇتحانا جارمەنكەسىن ارالاۋ بارىسىندا ويىننىڭ قىزىعىنان ٴلاززاتتانۋمەن بىرگە، جۇڭگونىڭ ٴداستۇرلى مادەنيەتىنىڭ شەكسىز كەرەمەتىن دە سەزىندى.
التاي قالالىق 1 ـ بالالار باقشاسى ۇلكەن كلاسىنداعى ما شۋران تەبىرەنە بىلاي دەدى: ٴداستۇرلى ەرەكشەلىككە يە “بۇتحانا جارمەنكەسى” دۋمانعا بولەندى، ٴبارىمىز وتە كوڭىلدى وينادىق، مۇنىڭ ىشىندە كامپيت سۋرەتى ماعان تەرەڭ اسەر قالدىردى.
التاي قالالىق 1 ـ بالالار باقشاسى پارتيا ياچەيكاسىنىڭ شۋجيى، بالالار باقشاسىنىڭ باستىعى ۋاڭ جيە بىلاي دەدى: «3 تە 6 جاس ارالىعىنداعى بالالاردىڭ ۇيرەنۋ جانە بالالار ىستەرىن دامىتۋ باعدارناماسى» بويىنشا، بالالاردى دالالىق قيمىلدارعا بەلسەنە قاتىناسىپ، كۇن نۇرىنان ٴنار الىپ، تازا اۋامەن تىنىستاپ، دەنە قۋاتىن كۇشەيتۋگە شابىتتاندىردىق.
放大
