گازەتىمىزدىڭ حابارى (ٴتىلشىمىز جاڭ فۋشين، پراكتيكانت ٴتىلشى باۋ حۇڭيۇي حابارلايدى). 12 - ايدىڭ 27 - كۇنى “قارلى مەكەندەگى جاس ەرىكتىلەردىڭ جاڭا جىلدى قۋانىشپەن قارسى الۋىن” نەگىزگى تاقىرىپ ەتكەن التايداعى جوعارى مەكتەپ وقۋشىلارى باتىس بولىك جوسپارى ەرىكتىلەرىنىڭ تارتىمدى ادەبيەت -كوركەمونەر كونسەرتى التاي قالاسىنىڭ مادەنيەت قيمىل ورتالىعىندا وتكىزىلدى.
بۇل رەتكى قيمىلدى كوممۋنيستىك جاستار وداعى التاي ايماقتىق كوميتەتى، جيلين ولكەلىك شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ التاي قالالىق بولىمشە شتابى، كوممۋنيستىك جاستار وداعى التاي قالالىق كوميتەتى بىرلەسىپ ۇيىمداستىرىپ وتكىزدى، ايماقتىڭ، قالانىڭ ٴارقايسى تاراۋلارىنان (مەكەمەلەردەن) كەلگەن جوعارى مەكتەپ وقۋشىلارى باتىس بولىك جوسپارى ەرىكتىلەرى ٴبىر جەرگە باس قوسىپ، كورەرمەندەردى تاماشا ونەر سالتاناتىنان ٴلاززاتتاندىردى.
ساحنادا ەرىكتىلەر ٴوز ونەرىن كورسەتتى. «تابيعات سۇلۋلىعى. ۇلتتىق ٴبي اۋەنى»، «التىنتاۋدا بيگە باسايىق»، «بىرگە ٴبي بيلەيىك» قاتارلى تارتىمدى نومىرلەر ارت -ارتىنان قويىلىپ، وزگەشە ۇلتتىق مادەنيەتتىڭ تارتىمدىلعىن ايگىلەۋمەن بىرگە، ٴار ۇلت بۇقاراسىنىڭ ىنتىماقتاسا ەكپىندەي ىلگەرىلەگەن رۋحاني بەت - بەينەسىن دە بەينەلەدى. «التىنتاۋعا ماداق»، «بالالىق شاق» اتتى ۇلاسپالى اندەر، «تۇنگى اسپانداعى ەڭ جارىق جۇلدىز» اتتى حور قاتارلى نومىرلەر ەرىكتىلەردىڭ التايعا دەگەن سۇيىسپەنشىلىگىن، سونداي - اق نەگىزگى ساتىعا تامىر تارتىپ، بۇقاراعا قىزمەت وتەيتىن ەرىكتىلەر رۋحىن اسقاقتاتا شىرقادى. كارتون فيلمگە دىبىس بەرۋ ونەرى، «شەتەل ٴدارى رەتسەبى»، «سەنىڭ بەينەڭ» اتتى كومەديا كورەرمەندەردىڭ قىزۋ قارسى الۋىنا يە بولدى.
حۋنان ولكەسى شاۋياڭ قالاسىنان كەلگەن جوعارى مەكتەپ وقۋشىلارى باتىس بولىك جوسپارى ەرىكتىسى گو يۇيلۇڭ بىلاي دەدى: بۇگىنگى ادەبيەت - كوركومونەر كونسەرتى ەرەكشە تارتىمدى بولدى. قىزمەتتەن سىرتقى ۋاقىتىمىزدا كوڭىلىمىزدى كوتەرىپ، كوپشىلىكپەن باس قوسىپ، اپتا سوڭىن كوڭىلدى وتكىزدىك.
放大
