(باسى 1 ـ بەتتە)ٴبىر جاعىنان قۇرىپ، ٴبىر-بىرلەپ ىلگەرىلەتىپ، 14 مىڭ شارشى مەتردەن استام باقىلاۋ ـ باسقارۋ ورنىن بىرگە قۇرىپ، 40 ميلليون 700 مىڭ يۋان قارجى قوسىپ 50 توننا سۋ ورگانيزمىن تەكسەرۋ، ۋاقىتشا ساقتاۋ قاجەتىن قاناعاتتاندىردى.
ەڭبەگىڭ قاتتى بولسا، تاتقانىڭ ٴتاتتى بولادى. 8 - ايدىڭ 19 - كۇنى جەمەنەي شەكاراسىنان كىرگەن سۋ ورگانيزمىن باقىلاۋ - باسقارۋ ورنى كەدەن باس مەكەمەسىنىڭ نىسان تۇرعىزىپ تەكسەرىپ بەكىتۋىنە يە بولدى؛ 10 - ايدىڭ 10 - كۇنى كەدەن باس مەكەمەسىنىڭ بەكىتۋىنەن ٴوتىپ، شينجياڭداعى قۇرلىقتىق وتكەلىنىڭ ىشىندە تۇڭعىش بەكىتىلگەن سۋ ورگانيزمىن بەلگىلەنگەن باقىلاۋ - باسقارۋ ورنى بولىپ، شينجياڭنىڭ، ٴتىپتى، باتىس سولتۇستىكتەگى 5 ولكەنىڭ قۇرلىقتىق وتكەلى ارقىلى شەكارادان كىرگەن سۋ ورگانيزمدەرىن تاسىمالداۋداعى بوستىقتى تولتىردى؛ 10 ـ ايدىڭ 30 - كۇنى سولتۇستىك مۇزدى مۇحيتتان اكەلىنگەن ٴتىرى قىسقىش پاتشاسى يمپورت ەتىلدى. نىسان تۇرعىزۋدان تەكسەرىپ بەكىتۋگە، قۇرىلۋدان يمپورت ەتۋگە دەيىن نەٴبارى 7 اي ۋاقىت جۇمسالدى.
ٴتىرى قىسقىش پاتشاسى تەڭىز سۋىنان ايرىلعاننان كەيىن ٴومىر ٴسۇرۋ ۋاقىتى ٴبىرشاما قىسقا بولىپ، شىعىن كوپ بولادى. كەدەننەن ٴوتۋ ۋاقىتىن زور دارەجەدە قىسقارتىپ، مەملەكەت قاقپاسىنىڭ بيولوگيالىق حاۋىپسىزدىگىن قامتاماسىزداندىرىپ، كاسىپورىنداردىڭ وزىندىك قۇنىن تومەندەتۋ ٴۇشىن، جەمەنەي كەدەنى مەن جەمەنەي شەكارا سەلبەستىك رايونى (اۋىل شارۋاشىلىق سىناق رايونى) الدىڭعى مەزگىلدە 7 ادامدى جيلين ولكەسىنىڭ حۇنچۇن قالاسىندا 5 كۇندىك ۇيرەنۋگە جىبەرىپ، شەكارادان كىرگەن ازىقتىق سۋ ورگانيزمىن باقىلاۋ - باسقارۋ، تەكسەرىپ قويا بەرۋ، تەكسەرۋ، باجى الۋ قاتارلى كەدەننەن ٴوتۋ بارىسىن مۇقيات ۇيرەندى جانە ناق مايداندا جۇمىس ىستەدى. سونىمەن، جەمەنەي كەدەنىنىڭ سۋ ورگانيزمىن تەكسەرۋ قابىلەتىن جاپپاي جوعارىلاتىپ، ىركىلىسسىز وتەتىن بولدى. تۇڭعىش توپتاعى ٴتىرى قىسقىش پاتشاسىن كەدەننەن وتكىزۋ بارىسىندا جەمەنەي كەدەنى كاسىپورىننىڭ يمپورت جوسپارىن الدىن الا ۇعىسىپ، كەدەننەن ٴوتۋدى قامتاماسىزداندىرۋ، شۇعىل جاعدايعا توتەپ بەرۋ قىزمەتى ارناۋلى گرۋپپاسىن قۇرىپ، كەدەننەن ٴوتۋ بارىسىن جاپپاي رەتتەپ، جاعدايعا قاراي كەدەننەن وتكىزۋ جوباسىن جاساپ، ٴارقايسى بۋىننىڭ ۇشتاسۋىن، قارىم - قاتىناسىن كۇشەيتىپ، كاسىپورىنداردىڭ كەدەننەن ٴوتۋ دايىندىعىن ويداعىداي ىستەۋىنە جەتەكشىلىك ەتىپ، قىسقىش پاتشاسىن ”شەكارادان كىرىسىمەن تەكسەرۋ، الدىمەن تەكسەرۋ، الدىمەن قويا بەرۋ“ سىندى جاسىل ارنا ارقىلى كەدەننەن وتۋگە كەپىلدىك ەتتى.
قىسقىش پاتشاسىنىڭ ٴتىرى كۇيدە بولۋىنا كەپىلدىك ەتۋ ٴۇشىن، قىسقىش پاتشاسىن يمپورت ەتەتىن سىرتقى ساۋدا كاسىپورىندارى 30 ميلليون يۋان قارجى قوسىپ، ارناۋلى تاسىمال تيەۋىش قورابىنا تاپسىرىس بەردى ٴارى اۆتوكولىككە بىردەن كاسىپتىك تەكسەرۋ قىزمەتكەرىن ورنالاستىرىپ، جول بويىنداعى تاسىمال تەمپەراتۋراسى مەن تۇز دارەجەسىن ولشەۋ جانە تىزگىندەۋ قىزمەتىن ويداعىداي ىستەپ، قىسقىش پاتشاسىنىڭ ٴتىرى جانە جاس كۇيىن ساقتاۋىن قامتاماسىزداندىردى.
وسى رەت قىسقىش پاتشاسىن يمپورت ەتۋ جەمەنەي وتكەلىنىڭ قاتتى بولشەك قۇرىلعىلارى مەن باقىلاۋ ـ باسقارۋ قابىلەتىن سىننان وتكىزۋ عانا ەمەس، شينجياڭنىڭ، ٴتىپتى، بۇكىل ەلدىڭ سۋ ونىمدەرى بازارىنا دەگەن ٴبىر رەتكى ماڭىزدى تولىقتاۋ بولىپ تابىلادى. ايتا كەتۋگە تاتيتىنى، جەمەنەي اۋدانى تاعى ”ٴبىر وتكەل ارقىلى ٴتورت ەلدى تۇتاستىرۋ“ سىندى وڭىرلىك ابزالدىلىعىن تولىق ساۋلەلەندىرىپ، ابزالدىلىق ارقىلى كاسىپ سالاسىن شوعىرلاندىرىپ، حالىقارالىق توڭازىتىلعان سۋ ونىمدەرى تىزبەگىن اشىپ، جەمىس ـ جيدەك، كوكونىس، سيىر، قوي ەتى جانە تەڭىز ونىمدەرى قاتارلىلاردى يمپورت ـ ەكسپورت ەتتى. جىل باسىنان بەرى، قازاقستان قاتارلى ەلدەن يمپورت ەتىلگەن كوكسەركە، تابان بالىق، شورتان قاتارلى توڭازىتىلعان سۋ ونىمدەرى جەمەنەي وتكەلى ارقىلى جۇڭگو بازارىنا كىردى. الدىڭعى 3 توقساندا جەمەنەي وتكەلىنەن 710 توننا توڭازىتىلعان سۋ ونىمدەرىن يمپورت ەتتى.
جەمەنەي شەكارا ەكونوميكالىق سەلبەستىك رايونى ەكونوميكانى دامىتۋ مەكەمەسىنىڭ باستىعى ليۋ شۋە تىلشىگە: وسى رەت قىسقىش پاتشاسىن ٴساتتى يمپورت ەتىپ، جەمەنەي وتكەلىنىڭ سۋ ونىمدەرى ساۋداسىنا تىڭ ومىرشەڭدىك كۇش قوستىق. جەمەنەي اۋىل شارۋاشىلىعىندا سىرتقا ەسىك اشۋ سەلبەستىك سىناق رايونى شەكارادان كىرگەن ازىقتىق سۋ ورگانيزمىن باقىلاۋ ـ باسقارۋ ورنىن بەلگىلەۋ ساياساتىنان ۇزدىكسىز ويداعىداي پايدالانىپ، سۋ ونىمدەرىن يمپورت ەتۋ تەبىنىن ارتتىرىپ، كاسىپ تىزبەگىن ۇزارتىپ، كوپ جاقتى، 2 جاقتى اۋىل شارۋاشىلىق سالاسىنداعى حالىقارالىق اۋىس ـ كۇيىس پەن سەلبەستىكتى ۇزدىكسىز كەڭەيتەدى. سىناق رايونىن ەلىمىزدىڭ اۋىل شارۋاشىلىعىن اشىق دامىتۋدىڭ جەتەكشى رايونى، اۋىل شارۋاشىلىق عىلىم ـ تەحنيكاسىندا جاڭالىق اشۋدا الدىمەن جولعا قويىلاتىن رايون، اۋىل شارۋاشىلىعىندا تيپىن وزگەرتىپ دامىتۋداعى ۇلگى رايونى، اۋىل ـ قىستاق كاسىپ سالاسىن توعىسپالى دامىتۋدان ۇلگى كورسەتۋ رايونى ەتىپ قۇرىپ شىعۋعا قۇلشىنىپ، ”ٴبىر بەلدەۋ، ٴبىر جول“ اۋىل شارۋاشىلىعىنىڭ حالىقارالىق سەلبەستىگىنەن ۇلگى كورسەتۋ ۇلگىسى نىساناسىنا قاراي ارشىندى قادام تاستايدى، ـ دەدى.
放大
