گازەتىمىزدىڭ حابارى (ءتىلشىمىز جاڭ تاۋ، ەرىكتى ءتىلشى فىڭ جىرۇڭ حابارلايدى). 11 ـ ايدىڭ 9 - كۇنى ايماقتىق شۇنفىڭ سۋيۇن جەدەل جولداما جيناۋ - جونەلتۋ ورتالىعىنىڭ جاۋاپتىسى شوۋ گۋاڭگۋاڭ تىلشىگە: قازىر ءار كۇنى 16 مىڭنان استام جولداما تاپسىرىپ الامىز. جەتكىزۋدىڭ قاۋىرت مەزگىلىنە سايكەسۋ ءۇشىن، قىزمەتكەرلەردىڭ سانىن كوبەيتىپ قالماستان، جەدەل جولدامانى تاسىمالداۋ جيىلىگىن كۇنىنە 2 رەتكە كوبەيتىپ، بارلىق پوچتا جولداماسىنىڭ حاۋىپسىز، جوعارى ءونىمدى جەتكىزىلۋىنە شىنايى كەپىلدىك ەتتىك، -دەدى.
سول كۇنى ايماقتىق شۇنفىڭ سۋيۇن جەدەل جولداما جيناۋ ـ جونەلتۋ ورتالىعىندا ءتىلشى قىزمەتكەرلەردىڭ ءاربىر پوچتا جولداماسىن قاربالاس، ءتارتىپتى، جوعارى ءونىمدى ءبىرجاقتى ەتىپ جاتقاندىعىن، تيەۋ - ءتۇسىرۋ، ەكىلىكتى جايمالاۋ، تۇرگە بولۋدەن قوراپتاۋعا دەيىن ءاربىر بۋىننىڭ تىعىز ۇشتاسقاندىعىن كوردى.
”قوس 11 دىڭ“كەلۋىنە ىلەسە، ايماقتاعى پوچتا جەدەل جەتكىزۋ سالاسى ىركىلىسسىزدىككە، حاۋىپسىزدىككە، ورنىقتىلىققا كەپىلدىك ەتۋ قىزمەتىن بار كۇشپەن ويداعىداي ىستەپ، قاۋىرت مەزگىلدەگى قىزمەت وتەۋدى قامتاماسىزداندىرۋ ۇلگىسىن قولدانا باستادى. قازىر ايماعىمىزدا ايماق دارەجەلى پوچتا جەدەل جولداماسىن ءبىرجاقتى ەتەتىن 3 ورتالىق بار. جەتكىزۋدىڭ قاۋىرت مەزگىلىندە پوچتا جولداماسىنىڭ جوعارى قارقىندى اينالىمىنا كەپىلدىك ەتۋ ءۇشىن، ءارقايسى ورتالىققا جيىنى 47 قىزمەتكەر ورنالاستىرىلدى، پوچتا جولداما نەگىزگى جەلىسىنىڭ تاسىمال جيىلىگىنە كۇنىنە 6 اۆتوكولىك (رەت) ارتتىرىلدى. بۇدان تىس، جەدەل جەتكىزۋ مولشەرىنىڭ قاۋىرت ارتۋىنا قاراتا، جولدامانى ءبىرجاقتى ەتۋ ورنىن 1200 شارشى مەتر كەڭەيتىپ، ەڭ جوعارى بولعاندا كۇندىك ءبىرجاقتى ەتۋ قابىلەتىن 50 مىڭ داناعا جەتكىزىپ، بارلىق پوچتا جولداماسىنىڭ وتكەرمەلەنۋ بارىسىندا تيتتەي دە اعاتتىق بولماۋعا كەپىلدىك ەتتى.
التاي قالاسىنىڭ ءارقايسى جەدەل جولداما توراپ تۇيىنىندە جەدەل جەتكىزۋشىلەر قاربالاستىققا ءتۇستى. يۋانتۇڭ جەدەل جولداماسىنىڭ جەتكىزۋشىسى حى يانلياڭ قىزمەتكە شىعىپ كوپ وتپەي وتباسىنا بارىپ جولداما الۋ ەسكەرتۋىنەن ەكەۋىن تاپسىرىپ الدى، ول قوراپتاۋ بۇيىمدارىن الا سالا قاريداردىڭ وتباسىنا جولدامانى الۋعا باردى. يۋانتۇڭ جەدەل جولداماسىنىڭ جاۋاپتىسى ليۋ جۇنلي تىلشىگە: جاقىننان بەرى ءبىز كۇنىنە 100 نەشە جولداما جونەلتۋ تاپسىرىسىن الامىز، وتباسىنا بارىپ جولداما الاتىن 3 قىزمەتكەردى كوبەيتكەنمەن ءالى جەتىسە الماي جاتىرمىز، ـ دەدى.
11 - ايدىڭ 9 - كۇنى التاي قالاسىنداعى جيڭدۇڭ جەدەل جەتكىزۋ جاۋاپتىسى جوۋ ۋىنجياڭ تيەۋشىلەردىڭ ۇلكەن جولداما تۇسىرۋىنە نۇسقاۋشىلىق ەتتى. ول تىلشىگە: ”قوس “11 كەزىندە جيڭدۇڭ ساۋدا بازارىنىڭ تيىمدىلىك جاساۋ تەبىنى ءبىرشاما كۇشتى بولدى، كوپتەگەن تۇتىنۋشى ۇناتقان تاۋارىن الدىن الا ساتىپ الدى. اسىرەسە، وتباسى ەلەكتر جابدىعىن تاسۋ بارىسىندا ەرەكشە ابايلاۋ كەرەك. بۇدان تىس، اۋىل - قىستاق تۇتىنۋشىلارىنىڭ زات ساتىپ الۋعا بولعان قاجەتسىنۋى كوپ، ارناۋلى اۆتوكولىك شىعارىپ جەتكىزىپ بەرۋىمىز كەرەك، ـ دەدى.
التاي قالاسى ءابيتان پوچتا بولىمشەسىنىڭ قىزمەتكەرى شۇي لي پوچتا جولداماسىن رەتتەدى. ول تىلشىگە: قازىر ءار كۇنى 1000 نەشە پوچتا جولداماسىن تاپسىرىپ الامىز، بۇل سان بۇرىنعىعا قاراعاندا كورنەكتى ارتتى. وسى بىرنەشە كۇندە ءبىز تيجارات ۋاقىتىن ۇزارتتىق ءارى جەتكىزۋ رەت سانىن كوبەيتتىك. بىرىنشىدەن، قاريداردىڭ جولداما جولداۋىنا قولايلىلىق جاسادىق. ەكىنشىدەن، بارلىق پوچتا جولداماسىن دەركەزىندە شارۋالاردىڭ قولىنا جەتكىزۋگە شىنايى كەپىلدىك ەتتىك، ـ دەدى.
جاقىننان بەرى، ايماعىمىزدا اۋا تەمپەراتۋراسى تومەندەپ، قار جاۋدى. ءبىراق، بۇل پوچتا جەدەل جەتكىزۋ كاسىپورىندارىنىڭ قىزمەت وتەۋ ساپاسىنا ىقپال جاساعان جوق. قوم ـ قاناس قاتارلى كورىنىس رايونىندا ساياحاتتاۋعا، قار شاڭعى تەبۋگە كەلگەن ساياحاتشىلاردىڭ اياعى ۇزىلمەدى. پوچتا جەدەل جەتكىزۋ كاسىپورىندارى قىسقى جەتكىزۋ جانە قامتاماسىزداندىرۋ قىزمەتىن كۇشەيتىپ، ساياحاتشىلارعا قاقاعان ايازدا پوچتا جەدەل جەتكىزۋ قىزمەت وتەۋىنىڭ مەيىرىمدىلىگىن سەزىندىردى. جەدەل جولداما جەتكىزۋشى جاعىپار تىلشىگە: كوپشىلىك بۇكىل ەلدىڭ جەر ـ جەرىنەن التايعا كەلدى، ءبىز، ءسوزجوق، ولارعا ويداعىداي قىزمەت وتەۋىمىز كەرەك، ـ دەدى.
ساندى مالىمەتتە كورسەتىلۋىنشە، بيىل 1 - ايدان 9 - ايعا دەيىن ايماقتىڭ جەدەل جەتكىزۋ قىزمەت مولشەرى 2 ميلليون 388 مىڭ 300 داناعا جەتىپ، سايكەس مەزگىلدەگىدەن %51.43، جەتكىزۋ مولشەرى 17 ميلليون 138 مىڭ 700 داناعا جەتىپ، سايكەس مەزگىلدەگىدەن %15.04 ارتقان. قازىر ايماقتىڭ ءار كۇنگى پوچتا جولداماسىن جەتكىزۋ مولشەرى 100 مىڭ داناعا تاياعان.
放大
