گازەتىمىزدىڭ حابارى (ٴتىلشىمىز ٴالينا ايدىن قىزى، پراكتيكانت ٴتىلشى ليۋ حۋان حابارلايدى). 6 - ايدىڭ 3 -كۇنى ايماقتىق سۋ يگىلىگى مەكەمەسى باس بولىپ ۇيىمداستىرعان، قابا اۋداندىق سۋ يگىلىگى مەكەمەسى سەلبەسكەن ايماقتىڭ نەگىزگى ساتى وزەن ـ كولدەرىن قورعاۋ، باقىلاۋ ـ باسقارۋ قابىلەتىن جوعارىلاتۋ كۋرسى اشىلدى.
وسى رەتكى كۋرس 2 كۇنگە جالعاسىپ، نازاريالىق ساباق ٴوتۋ مەن ناق مايداندا تەكسەرۋدى ۇشتاستىرۋ ٴتاسىلى قولدانىلدى. ساباقتا شينجياڭعا باعىتتامالى كومەكتەسەتىن ولكەلەردىڭ وزەن ـ كول باستىعى ٴتۇزىمىنىڭ وزىق تاجىريبەلەرى، اۆتونوميالى رايوننىڭ وزەن ـ كول باستىعى ٴتۇزىمى قىزمەتىنىڭ ناقتى ىستەرى، باقىت جاراتۋ وزەن ـ كول قۇرىلىسى، سۋ ىستەرى اكىمشىلىك زاڭ اتقارۋ ساياساتتارى مەن زاڭ ـ ەرەجەلەرىن ٴتۇسىندىرۋ، سۋ بايلىعىن باسقارۋ قاتارلى مازمۇندار توڭىرەگىندە ورىستەتىپ، كۋرسانتتاردىڭ ۇيرەنۋ بارىسىندا تۇسىنۋىنە، ٴتۇسىنۋ بارىسىندا وي جۇگىرتۋىنە، وي جۇگىرتۋ بارىسىندا امالياتتا ايگىلەۋىنە كومەكتەسىپ، ايماقتىڭ وزەن ـ كولدەردى قورعاۋ، باقىلاۋ ـ باسقارۋ ساپاسى مەن دەڭگەيىن كۇش سالا جوعارىلاتىپ، وزەن ـ كول باستىعى ٴتۇزىمى قىزمەتىن شىنايى ىلگەرىلەتىپ جانە ويداعىداي ىستەپ، جاڭا كەزەڭدەگى التاي سۋ يگىلىگىنىڭ جوعارى ساپالى دامۋىنا اناعۇرلىم ويداعىداي تىڭ ۇلەس قوسۋدى ماقسات ەتتى.
ــ قابىلەت داعدارىسىنىڭ حاۋىپ ـ قاتەر سەزىمىن، ساباق تولىقتاپ، قابىلەتتى كۇشەيتۋدىڭ كوكەي تەستىلىك سەزىمىن قاي ـ قاشان دا ساقتاپ، قىزمەت ورنىمدى ەڭ جاقسى “جاتتىعۋ الاڭى” ەتىپ، “ۇيرەنۋ” وي جەلىسىن، ۇعىنۋدى، سەزىنۋدى، تابىستى قىزمەتتىڭ ٴىس جۇزىندىگىمەن بايلانىستىرىپ، قابىلەت جاعىنداعى ولقىلىقتاردى، ٴبىلىم جاعىنداعى ولقىلىقتاردى، قابىلەت جاعىنداعى جەتەرسىزدىكتەردى جەدەل تولىقتاپ، جاڭا وي، جاڭا يدەيا، جاڭا ٴادىس ارقىلى وزەن باستىعى ٴتۇزىمىنىڭ كاسىپتىك قابىلەت دەڭگەيىن جوعارىلاتامىن، -دەدى بۋىرشىن اۋداندىق وزەن - كول باستىعى ٴتۇزىمى كەڭسەسىنىڭ كادرى گۇلنۇر گىميڭبەك قىزى.
اۋدانداردىڭ (قالانىڭ) وزەن - كول باستىعى ٴتۇزىمى كەڭسەلەرىنىڭ جاۋاپتى باسشىلارى مەن كاسىپتىك تىرەكتىلەرى، اۋىلداردىڭ (قالاشىق) وزەن - كول باستىعى ٴتۇزىمىنىڭ جاۋاپتى باسشىلارى مەن ارناۋلى كادرلارى، سونداي - اق بيڭتۋان 10 - شى بەيتۇن قالالىق سۋ يگىلىگى مەكەمەسى مەن قاتىستى تۋان - الاڭداردىڭ جاۋاپتى وزەن - كول باستىعى ٴتۇزىمىنىڭ قىزمەتكەرلەرى كۋرسكە قاتىناستى.
放大
