(باسى 1 ـ بەتتە)
“شينجياڭدىق وقۋشىلاردىڭ دەنە ساپاسى توتەنشە كەرەمەت”! جاۋ ۋيميڭ: شينجياڭنىڭ قىسقا ارالىققا تەز سىرعاناۋ ناتيجەلەرى بۇرىن كەرەمەت بولعان، ٴبىراق دارىندىلاردى باۋلۋ جاعىندا كەم تۇستارى بار، ـ دەدى. ول كاسىپتىك جاتتىعۋ، جارىس ۇيىمداستىرۋ ارقىلى جاستار مەن ورەندەردەن قىسقا ارالىققا تەز سىرعاناۋ دارىندىلارىن باۋلىپ، كوپشىلىكپەن بىرگە شينجياڭ ىشىندەگى مۇز ٴۇستى سپورتىن دامىتۋدى ىلگەرىلەتۋدى ويلايدى.
وقىتۋدان سىرت، ول تالاي رەت باس بولىپ جارىس ۇيىمداستىردى. ٴبىراز ۋاقىتتىڭ الدىندا بۋىرشىن اۋدانىنداعى قىسقا ارالىققا تەز سىرعاناۋ الەۋمەتتىك ۇسىنىس ەتۋ جارىسىندا وقۋشىسى شى ۋانچي ەرەسەك ايەلدەر B گرۋپپاسى ٴۇش اينالما جارىسىنىڭ، 1000 مەترلىك جارىستىڭ قوس اعا جۇلدەگەرلىگىن ەنشىلەسە؛ ۋاڭ يۇڭلۇڭ ەرلەر B گرۋپپاسى ٴۇش اينالما جارىسىنىڭ كىشى جۇلدەگەرلىگىن، 1000 مەترلىك جارىستىڭ جۇلدەگەرلىگىن ەنشىلەدى.
“وقۋشىلار ومىرگە كوبىرەك ارالاساتىن بولسا، جارىستا جاسقانبايتىن بولادى”. جاۋ ۋيميڭنىڭ قاراۋىنشا، جارىس الاڭى تەك ونەر كورسەتۋ تۇعىرى عانا ەمەس، ونان دا ماڭىزدىسى، امالياتتان وتكىزۋ ساباقحاناسى. وقۋشىلار جارىستىڭ ٴار جۇمىس ورنى ٴتارتىبىن كورىپ جۇرسە، بولاشاقتا جارىستارعا قاتىناسا الماسا دا، تورەشى سياقتى سالاۋاتتارمەن دە قار ـ مۇز سالاسىندا ۇزدىكسىز ٴىز قالدىرا الادى.
2025 ـ جىلى جاۋ ۋيميڭنىڭ تۇڭعىش كەزەكتى وقۋشىلارى وقۋ ٴبىتىرىپ، كوبى دەنە تاربيە وقىتۋىمەن نەمەسە قار ـ مۇز سپورتى تاربيەسىمەن اينالىستى، اسىرەسە، ونى ماقتانىشقا بولەگەنى ٴبىر وقۋشىسىنىڭ چاڭشاداعى بەلگىلى كلۋبتىڭ كاسىپتىك دوڭگەلەكتى كونكي جاتتىقتىرۋشىسى بولعانى ەدى.
جاۋ ۋيميڭنىڭ مۇزدا تەز سىرعاناۋ جاتتىعۋىنا دەن قويۋىمەن ۇقسامايتىنى، 25 جاستاعى جۋ ۋانپىڭنىڭ شۋەيۋاننىڭ شاڭعى تەبۋ تۇرىندە ىشكەرىلەي ىزدەنۋى ەدى. ٴجۇزى قوڭىرقاي، كۇلگەندە كوزدەرى يمەكتەلىپ كورىنەتىن ول ساباقحانادا وقۋشىلارى ”ٴارى قۇرمەتتەيتىن، ٴارى يمەنەتىن“ قاتاڭ ۇستاز بولاتىن.
جۋ ۋانپىڭ حيلۇڭجياڭ ولكەسىنىڭ مۋدانجياڭ قالاسىنان كەلگەن، 2022 ـ جىلى مەكتەپكە قىزمەتكە قابىلدانعاننان كەيىن، سپورتتىق جاتتىعۋدىڭ (قار ـ مۇز باعىتىندا) كاسىپتىك وقىتۋ اۋىر مىندەتىن ارقالادى. جۋ ۋانپىڭ تەكسەرۋ ـ زەرتتەۋدەن كەيىن، ”كوپتەگەن وقۋشىنىڭ مەكتەپكە قابىلدانۋدان ىلگەرى شاڭعى ۇستاپ كورمەگەندىگىن“ بايقايدى.
وقۋشىلاردىڭ ۇيرەنۋ ىنتاسىن قوزعاۋ ٴۇشىن، ول شۋەيۋاننىڭ تۇڭعىش شاڭعى كومانداسىن قۇردى. باستابىنداعى ون نەشە ادامنان قازىرگى 60 نەشە ادامى بار قوسىن بولعانعا دەيىن، جۋ ۋانپىڭ وقۋشىلاردىڭ قاسىندا بولىپ نولدەن باستاپ ۇيرەتتى.
2024 ـ جىلدىڭ باسىندا جۋ ۋانپىڭ كوماندانى باستاپ 10 ـ كەزەكتى مەملەكەتتىك داشۋە وقۋشىلارى شاڭعى باسەكەلى جارىسىنا (جالپى شەشۋشى جارىس) جانە 32 ـ كەزەكتى دۇنيە جۇزىلىك داشۋە وقۋشىلارى قىسقى سپورت جارىسىنىڭ تاۋ شاڭعى، جالعىز تاقتايمەن سىرعاناۋ تۇرلەرىنىڭ ىرىكتەۋ جارىسىنا قاتىناستى. جيلين ۋانكى سۇڭحۋاحۋ شاڭعى الاڭىندا وقۋشىلارى ٴبىر جولدا تاۋ شاڭعى، جالعىز تاقتايمەن سىرعاناۋ تۇرلەرىندە ەرلەر A گرۋپپاسىنىڭ ٴتورتىنشى ورنىنا يە بولدى، بۇل وقۋشىلاردىڭ تۇڭعىش رەت مەملەكەتتىك جارىستىڭ سيلىق مىنبەسىنە كوتەرىلۋى ەدى.
“وقۋشىلار سول ارادا جىلاپ جىبەردى”! جۋ ۋانپىڭ سول ٴبىر كورىنىستى كۇنى بۇگىن ۇمىتقان ەمەس. سول رەتكى مەملەكەتتىك داشۋە وقۋشىلارى قىسقى سپورت جارىسىنىڭ ساڭلاقتار باسەكەسىنە جۇزدەن جۇيرىك، مىڭنان تۇلپار قاتىناسقان ەدى، باستابىندا ول وقۋشىلارىن باستاپ بارىپ كوز اياسىن كەڭەيتۋدى عانا ويلاعان بولاتىن، ويلاماعان جەردەن توسىن قۋانىشقا يە بولدى.
مەملەكەتتىك جارىستى باستان كەشىرۋ وقۋشىلاردى جىلدام ەسەيتتى. داشۋە 3 ـ جىلدىعىنىڭ وقۋشىسى سىمبات جەڭىس بۇگىنگى كۇندە شينجياڭ جىبەك جولى تاۋلى ٴوڭىر دەمالىس رايونىندا كاسىپتىك شاڭعى جاتتىقتىرۋشىسى بولىپ ٴجۇر، بىلتىر جىل باسىندا عانا مەملەكەتتىك قوعامدىق دەنە تاربيە جەتەكشىسى تولىمدىلىق كۋالىگىن الدى.
”ٴبىزدىڭ ٴۇي التايدا، كىشكەنتايىمنان شاڭعى تەبۋدى جاقسى كورەمىن، مۇعالىمنىڭ ارمانىما جەتۋىمە كومەكتەسكەندىگىنە راقىمەت ايتامىن“. 21 جاستاعى وسى بويجەتكەننىڭ پراكتيكا كەزىندەگى ايلىق كىرىسى 8000 يۋاننان اسادى، وسى قارلى ماۋسىم اياقتاعان سوڭ، ول وڭتۇستىككە بارىپ تولقىن جالداۋدى ۇيرەنىپ، ٴتىپتى دە كوپ سپورت شەبەرلىگىن ۇيرەنبەكشى ەكەن.
4 جىلدىڭ الدىندا ەركىن شاڭعى تەبۋ مەملەكەتتىك كومانداسىنان بوساعان سپورتشى ۋاڭ يىنچى ٴوز ٴومىرىنىڭ شينجياڭمەن بايلانىسارىن ويلاپ تا كورمەگەن ەدى. بۇگىنگى كۇندە 28 جاستاعى ول التايدا باس قۇراپ، كاسىپ اشىپ قانا قويماي، 1600دەن استام وقۋشىنىڭ ”باس باسقارۋشىسى“ بولىپ وتىر.
ۋاڭ يىنچى جيلين ولكەسىنىڭ تۇڭحۋا قالاسىنان كەلگەن، حاربين دەنە تاربيە شۋەيۋانىنان وقۋ ٴبىتىرىپ، التاي كاسىپتىك تەحنولوگيا شۋەيۋانى قار ـ مۇز شۋەيۋانىنىڭ سپورتتىق جاتتىقتىرۋداعى كاسىپتىك وقىتۋشىسى، سونداي ـ اق قار ـ مۇز شۋەيۋانى وقۋشىلار ٴبولىمىنىڭ باستىعى مىندەتىن ارقالاپ، وقۋشىلاردىڭ اقاۋسىز ەسەيىپ ـ ەرجەتۋىندەگى قورعاۋشىسى بولدى.
“قار ـ مۇز ماماندىعىنىڭ حاۋىپ ـ قاتەرى بار، وقۋشىلاردىڭ حاۋىپسىزدىگى ماڭداي الدى ٴىرى ٴىس”. ۋاڭ يىنچى ۇنەمى نەگىزگى تاقىرىپتىق كلاس جيىنى، وقۋشىلار جاتاعىن ارالاۋ سياقتى ورايدان پايدالانىپ وقۋشىلارعا قايتا ـ قايتا حاۋىپسىزدىك بىلىمدەرىن جالپىلاستىردى.
وقۋشىلار توڭىرەكتىڭ ٴتورت بۇرىشىنان كەلگەن، جانۇيالارىنان الىستا ٴجۇر، ولاردىڭ دەنساۋلىق اقاۋسىزدىعى ونى ٴسات سايىن الاڭداتادى.
تۇرمىستىق قيىنشىلىق، وقۋداعى ىلەسە الماۋ، ٴتۇن ىشىندە تۇتقيىل اۋىرىپ قالۋ _ مەيلى قاي ۋاقىتتا بولسىن، ۋاڭ يىنچى ۇنەمى دەر كەزىندە پايدا بولا كەتەدى. كلاستاعى ٴبىر وقۋشى بەت ـ بەدەلى تۇسۋدەن الاڭداپ وتباسىنىڭ ەكونوميكالىق جاعدايىن جاسىرادى، ول وقۋشىنىڭ اتا ـ اناسىنان، قىستاق كوميتەتىنەن جاعدايدى ۇعىسىپ، وقۋشىسىنا ٴساتتى تۇردە وقۋعا كومەك قاراجاتىن الۋعا ٴوتىنىش بەرىپ، وقۋشىسىن مۇڭ ـ مۇقتاجدان تۇبەگەيلى ارىلتادى.
باستابىنداعى 500 وقۋشىدان بۇگىنگى كۇندەگى 1600دەن استام وقۋشىعا دەيىن؛ ماماندىق جاعىنداعى اقتاڭداقتان ناقتى جاتتىعۋ بازاسىن كەمدەلدەندىرۋگە، وقۋشى قاينارى ساپاسىن جوعارىلاتۋعا دەيىن، ۋاڭ يىنچى قار ـ مۇز شۋەيۋانىنىڭ ٴوسىپ ـ جەتىلۋىنە كۋا بولدى.
2025 ـ جىلى 12 ـ ايدىڭ 23 ـ كۇنى التاي ايماعىنىڭ تۇڭعىش كەزەكتى ”داشۋە وقۋشىلارىنىڭ قار ـ مۇز مەرەكەسى جانە كاسىپتىك اشىق ۇستاۋ كۇنى“ قيمىلى التاي كاسىپتىك تەحنولوگيا شۋەيۋانىندا باستالدى، قاردا فۋتبول تەبۋ، قار ـ مۇز ويما جارىسى، قۇرلىقتىق كەرلينگ سياقتى ەرەكشەلىككە يە قيمىلدار كەزەگىمەن جۇرگىزىلىپ، باي مازمۇندى كاسىپتىك جەتىستىكتەر كورسەتىلىپ، قوعامنىڭ ٴار سالاسى قار ـ مۇز كاسىبىنىڭ وزگەشە باۋرامدىلىعىن تىكە سەزىندى.
“شينجياڭنىڭ قار ـ مۇز كاسىپ سالاسىنىڭ بولاشاعىنان ٴۇمىت كۇتۋگە بولادى، ٴتىپتى دە كوپ مۇراتتاس سەرىكتەردىڭ بىزگە قوسىلۋىن قارسى الامىز”! ـ دەدى ۋاڭ يىنچى ىستىق ىقىلاستى ۇسىنىس قويىپ.
ساناققا نەگىزدەلگەندە، التاي كاسىپتىك تەحنولوگيا شۋەيۋانى قار ـ مۇز شۋەيۋانىنداعى كاسىپتىك وقىتۋشىلاردىڭ جارتىسىنان استامى شينجياڭنىڭ سىرتىنان كەلىپتى، ولار وقۋشىلارىنىڭ جاستىق كوكتەمدەگى ارمانىنا قورعاۋشى بولىپ قانا قويماي، ونان دا ماڭىزدىسى، شينجياڭنىڭ قار ـ مۇز كاسىپ سالاسىنىڭ دامۋىنا قورعاۋشى بولا ٴبىلدى. وسىناۋ قۇتتى مەكەندە ٴتىپتى دە كوپ جاستار تاباندىلىعى مەن قىزۋ سۇيىسپەنشىلىكتەرى ارقىلى شينجياڭنىڭ قار ـ مۇز كاسىپ سالاسىنا تاسقىنداعان قوزعاۋشى كۇش قوسۋدا.
(«شينجياڭ گازەتىنەن» الىندى)
放大
