(باسى 1 ـ بەتتە) ٴوزارا ۇلگى الىپ، بىرگە العا باسىپ، حالىقارالىق ادامدىق ۇقىق ىستەرىنە ۇلەس قوسۋدى قالايدى.
يسپانيا كوممۋنيستىك پارتياسىنىڭ ٴتوراعاسى سەنتەللا دامۋ ۇقىعى جانە كەدەيلىكتى جويۋ، زاڭمەن باسقارىلاتىن مەملەكەت قۇرىلىسى سياقتى جاقتاردان ٴتوراعا شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى ماڭىزدى بايىمداۋلارىنىڭ جۇڭگوشا سوتسياليزمنىڭ ساياسي امالياتىمەن قالاي توعىسقانىن بايىمدادى.
يسپانيا جۇڭگونى تانۋ ساباقحاناسى قور قوعامىنىڭ ورىنباسار ٴتوراعاسى مونتولو بىلاي دەپ قارادى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» سىرتتىڭ جۇڭگونىڭ ادامدىق ۇقىق ماسەلەسى جونىندەگى كوپتەگەن سىڭار جاقتى كوزقاراسى مەن قاتە تۇسىنىگىن تالقاندادى، ول جۇڭگونىڭ ادامدىق ۇقىق كوزقاراسىن تۇسىنۋدەگى ماڭىزدى تەرەزە. وقىرماندار وسى شىعارما ارقىلى جۇڭگونىڭ ادامدىق ۇقىق سالاسىنداعى ۇستانىمى مەن امالياتىنا بايىپتى، قاتاڭ پوزيتسيامەن ىشكەرىلەي تالداۋ جاساي الادى جانە ول جونىندە ىزدەنىس جاساي الادى.
جۇڭگو ــ ەۆروپا جاڭا جىبەك جولى زەرتتەۋ ورتالىعىنىڭ القاسى بەرسا بىلاي دەدى: مەيلى جەكە ادامنىڭ باقىتى بولسىن، الدە قوعامدىق توپتاردىڭ، ٴتىپتى، تۇتاس مەملەكەت حالقىنىڭ قۇت ـ ىرىسى بولسىن، بارلىعى مەملەكەتتىڭ ستراتەگيالىق دامۋىمەن تىعىز بايلانىستى. «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەرىنىڭ» باسپادان شىعىپ تاراتىلۋى حالىقارالىق قوعامنىڭ ٴتوراعا شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى ماڭىزدى بايىمداۋلارىن ىشكەرىلەي ۇيرەنۋىندەگى ورايعا اينالىپ، ەۆروپا ەلدەرىنىڭ جۇڭگومەن اۋىس ـ كۇيىسىن جانە سەلبەستىگىن ىلگەرىلەتىپ، تۇسىنىكتى ارتتىرىپ، ٴوزارا سەنىمدىلىكتى تەرەڭدەتىپ، ٴوزارا قۇرمەت ەتۋ مەن دوستىق بارىس ـ كەلىستى جەبەيدى.
يسپانيا ماركسيزمدى زەرتتەۋ قور قوعامىنىڭ مەڭگەرۋشىسى سانچەس مىنانى ٴبىلدىردى: جۇڭگونىڭ وتكەن نەشە ون جىلدا باسقان دامۋ جولى، سونداي ـ اق 21 ـ عاسىرداعى الەمدىك جاعدايدا كۇن سايىن كورنەكتىلەنگەن ىقپالى حالىقارالىق قوعامنىڭ ىشكەرىلەي زەرتتەۋىنە جانە مۇقيات وي جۇگىرتۋىنە تاتيدى. ول بىلاي دەپ قارادى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەرىنىڭ» باسپادان شىعۋى جۇڭگو مەن ەۆروپانىڭ ادامدىق ۇقىق سالاسىنداعى اۋىس ـ كۇيىسىنە، سەلبەستىگىنە جاڭا تۇعىر ازىرلەدى.
يسپانيالىق جاس اۋدارماشى براۆو بىلاي دەدى: ٴبىر ادام جۇڭگونى شىنايى تۇسىنسە، ونىڭ تاريحىنىڭ ۇزاق، قوعامدىق ٴتۇزىمىنىڭ باتىسقا مۇلدە ۇقسامايتىن مەملەكەت ەكەنىن بايقايدى. جۇڭگو وزىنە ۇيلەسەتىن جولدى، ٴوز حالقىنا ۇيلەسەتىن جولدى تاپتى. ول بىلاي دەدى: جۇڭگونىڭ تاريحي ارتقى كورىنىسىن، ناقتى مەملەكەت جاعدايىن جانە مادەنيەت ٴداستۇرىن شىعار ٴتۇيىن ەتىپ، وسى وڭىردەگى حالىقتى جانە ولار قاستەرلەگەن قۇن كوزقاراسىن ٴتۇسىنۋ كەرەك.
«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» جۇڭگو تىلىندەگى باسىلىمىن جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ ورنى قۇراستىرعان، 9 ارناۋلى تاقىرىپقا ٴبولىپ، باس شۋجي شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندە جاريالاعان ٴبىر قىدىرۋ ماڭىزدى بايىمداۋلارى جۇيەلى تۇردە ەنگىزىلگەن. بۇل كىتاپتىڭ اعىلشىنشا ـ حانزۋشا، يسپانشا ـ حانزۋشا، فرانسۋزشا ـ حانزۋشا، ورىسشا ـ حانزۋشا، جاپونشا ـ حانزۋشا سالىستىرما نۇسقاسى جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ ورنى اۋدارىپ، ورتالىق قۇراستىرۋ ـ اۋدارۋ باسپاسى باسپادان شىعارعان.
放大
