گازەتىمىزدىڭ حابارى (ٴتىلشىمىز دۇڭ شىجۇي، جاڭ فۋشين حابارلايدى). تاياۋدا، “كوركى كوز سۇرىندىرەتىن التاي ــ قوم . التايىم” اتىنداعى التاي قالاسىنىڭ 2025 - جىلعى مادەنيەت، ساياحات ونىمدەرىن جاريالاۋ جينالىسى التاي قالاسىنىڭ زۇنماۋ باۋشى قوناقجايىندا وتكىزىلدى.
جاريالاۋ جينالىسى التايدىڭ ساياحات ۇگىت فيلمىمەن باستالدى. “ادامزاتتىڭ قار شاڭعى مەكەنى”، “جۇڭگوداعى قارلى مەكەن” ــ التاي، “تاۋى التىن، سۋى كاۋسار” قالا اتانعان وسى ىرىستى مەكەندە وزگەشە تابيعي كورىنىس جانە كوپ نەگىزدى مايەكتى مادەنيەت بار. التاي ــ قوم تاس جولى بەينە التىن تاسپا سەكىلدى كوركى كوز سۇرىندىرەتىن كوركەم كورىنىستى بايلانىستىرادى، ايبىندى دا كوركەم قارلى شىڭدار مەن سايىن ساحارانىڭ كورىنىسى جينالىسقا قاتىناسۋشىلاردى التايدىڭ كوركەم كورىنىسىن تاماشالاۋعا ىنتىقتىردى.
اۆتونوميالى رايوندىق ساياحات كووپەراتيۆى قوعامىنىڭ باستىعى ۋ فىڭ ارناۋ سوزىندە بىلاي دەدى: التاي شينجياڭنىڭ ساياحات قاريتاسىنداعى جارقىراعان اسىل، ەندى اشىلاتىن التاي ــ قوم تاس جولى ساحاراداعى شاشىلعان مەرۋەرتتەردى تىزبەكتەپ جالعاپ، ساياحاتشىلاردىڭ التاي قالاسىنىڭ تۇتاس وڭىرلىك كوركەمدىگىن اناعۇرلىم ىڭعايلى سەزىنۋىنە مۇمكىندىك جاسايدى. وسى تاس جول جاعراپيالىق ارالىقتى جاقىنداتىپ قانا قالماستان، ساياحاتشىلار مەن كوركەم كورىنىس اراسىنداعى ارالىقتى دا جاقىنداتىپ، كوپشىلىكتىڭ وسى ٴوڭىردىڭ تارتىمدىلىعىن اناعۇرلىم ىشكەرىلەي سەزىنۋىنە ٴتيىمدى شارت - جاعداي ازىرلەيدى. ساياحات سالاسى التاي ــ قوم تاس جولىن ارقاۋ ەتىپ، كوپ نەگىزدى ٴوزى اۆتوكولىك جۇرگىزىپ ساياحاتتاۋ، مول ساياحاتتاۋ ونىمدەرىن جوبالاپ، ساياحاتشىلاردىڭ تاس جولدى بويلاي زىمىراپ، كوركەم كورىنىسكە كوز مەيىرىن قاندىرۋىنا مۇمكىندىك جاسايدى.
التاي قالاسىنىڭ قاتىستى باسشىسى ساياحات بايلىعىن جانە دامۋ جەتىستىگىن جاپپاي تانىستىردى. التاي قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ نەگىزگى جاۋاپتىسى التاي ــ قوم تاس جولىنا سۇيەنىپ قالىپتاستىرعان ساياحات جەلىسىن ەگجەي - تەگجەيلى تانىستىردى. ساياحات كووپەراتيۆىنىڭ، كورىنىس رايونىنىڭ (كورىنىس ٴتۇيىنىنىڭ) ۋاكىلدەرى ٴوزىنىڭ ساياحات ونىمدەرىن ەگجەي - تەگجەيلى تانىستىردى. كورىنىس رايوندارى (تۇيىندەرى) ٴبىر سىپىرا جاڭالىققا يە ساياحات تۇرلەرىن كورسەتتى. مىسالى: تۇزدە ساياحاتتاۋ، جۇلدىزدى اسپان لاگەرى، حالىقتىق سالت - سانا زەرتتەۋ - وقىتۋ ساباعى قاتارلىلار. اۋىل - قالاشىقتار وزىندىك ەرەكشەلىگىن تولىق كادەگە جاراتىپ، اۋىل - قىستاقتاعى حالىقتىق قونالقى، ەگىس جۇمىسىن سەزىنۋ، ەرەكشە اۋىل شارۋاشىلىعى ونىمدەرىن تەرۋ قاتارلى اۋىل - قىستاق ساياحاتى تۇرلەرىن شىعاردى. ساۋدا - ساتتىق جالپىلىق تۇلعاسى، قوناقجاي، اس - سۋ ورىنىنىڭ ۋاكىلدەرى قاتىستى سايكەستى قىزمەت وتەۋ مەن ٴتيىمدى قيمىلدى ايىرىم - ايىرىم تانىستىردى.
قاندىعاتى موڭعۇل ۇلتى اۋىلىنىڭ ۇگىت مۇشەسى يىن ۋيجيە بىلاي دەدى: وسى رەتكى قيمىل ەرەكشە مادەنيەت، ساياحات بايلىعىن كورسەتەتىن كەرەمەت تۇعىر بولعاندىقتان، قاريدارلارعا ونىمدەرىمىز بەن قىزمەت وتەۋدى تىكە كورسەتتىك. وسىنداي وراي ارقىلى التايدىڭ ساپالى سيىر - قوي ەتىن، بايىرعى تەرى شاڭعى قاتارلى ەرەكشەلىكتەرىن اناعۇرلىم كوپ جەرگە تانىستىرىپ، اناعۇرلىم كوپ ادامنىڭ وزگەشە مادەنيەت، ساياحات بايلىعىمىزدى تۇسىنۋىنە، ۇناتۋىنا مۇمكىندىك جاساۋدى ٴۇمىت ەتەمىن.
جاقىنعى جىلداردان بەرى، “شينجياڭدى ساياحات ارقىلى گۇلدەندىرۋ” ستراتەگياسىنىڭ جەبەۋىندە، التاي قالاسى ساياحات بايلىعىن ۇزدىكسىز كادەگە جاراتىپ جانە بىرىكتىرىپ، مادەنيەت، ساياحات كاسىپ سالاسىنىڭ توعىسپالى دامۋىن بەلسەنە ىلگەرىلەتىپ، قالىڭ ساياحاتشىلارعا اناعۇرلىم ساپالى، مول ساياحات اسەرىن سيلاۋعا كۇش سالدى. وسى رەتكى جاريالاۋ جينالىسىندا التاي قالاسىنىڭ 2025 - جىلعى باي مازمۇندى مادەنيەت، ساياحات ونىمدەرى جاپپاي كورسەتىلىپ قانا قالماستان، ساياحات كاسىبىنە تاماشا اۋىس - كۇيىس، سەلبەستىك تۇعىرىن ازىرلەدى. بولاشاقتا التاي قالاسى بازار سۇرانىسىن باعدار ەتىپ، مادەنيەت، ساياحات ونىمدەرى مەن قىزمەت وتەۋدى ۇزدىكسىز ساپالىلاندىرىپ، ساياحات ساپاسىن جاقسارتىپ، ەل ٴىشى سىرتىنا ايگىلى ساياحات نىسانالى جەرىن قۇلشىنا قالىپتاستىرىپ، اناعۇرلىم كوپ ساياحاتشىنىڭ “كورىنىسى كوز سۇرىندىرەتىن التاي ــ قوم .التايىمنىڭ” وزگەشە تارتىمدىلىعىن سەزىندىرۋگە كۇش سالادى.
放大
