گازەتىمىزدىڭ حابارى (پراكتيكانت ٴتىلشى ۋاڭ جيڭحۇڭ، پراكتيكانت ەلينا نۇكەن قىزى حابارلايدى). ٴداۋىر “لەي فىڭ” جىگەرىن جالعاستىرىپ، ەرىكتى قىزمەت وتەۋدى ىشكەرىلەي جەبەدى. 3 - ايدىڭ 5 - كۇنى 62 - رەتكى “لەي فىڭنان ۇيرەنۋدى ەسكە ٴتۇسىرۋ كۇنى” جانە 26 - رەتكى “جۇڭگو جاس ەرىكتىلەرىنىڭ قىزمەت وتەۋ كۇنى” قارساڭىندا، ايماقتىڭ “لەي فىڭنان ۇيرەنۋ. وركەنيەتتى امالياتتا ايگىلەۋدە مەن بارمىن” اتىنداعى تاقىرىپتىق قيمىل جانە باستالۋ سالتى التاي قالاسىنىڭ التىنتاۋ الاڭىندا وتكىزىلدى.
“ۇلەس قوسۋ، مەيىرىمدىلىك جاساۋ، ٴوزارا كومەكتەسۋ، العا باسۋ”، “قيىنشىلىق بولسا، ەرىكتىلەردى ىزدەۋ، ۋاقىت بولسا، ەرىكتى بولۋ” ... قيمىل الاڭىندا تارتىمدى ٴنومىر ارت ـ ارتىنان قويىلىپ، نازاريالىق ۇگىت ـ لەكسيانى جان ـ جاقتى سويلەپ، كوپتەگەن تۇرعىندى باۋرادى. تۇرمىستىق قىزمەت وتەۋدەن سالاماتتىق قامقورلىق جاساۋعا، تەحنيكالىق وقىتۋدان ناق مايداندا كورسەتۋگە دەيىن قيمىلدىڭ ٴارقايسى ورنىنان ٴوزارا كومەكتەسۋدىڭ قويۋ رايى جارىققا شىقتى.
ۇگىت ىقپالداستىعى ورنىندا قىزمەتكەرلەر كوپشىلىككە قىزمەت ورنىنا جۇمىسكەر قابىلداۋ، وركەنيەتتى جاڭا سالت، ازامات جاسىنا تولماعانداردىڭ پسيحيكالىق اقاۋسىزدىعى، جاس وسپىرىمدەردىڭ ۇقىق ـ مۇددەسىن قورعاۋ، زاڭدىق كومەك بەرۋ قاتارلى مازمۇنداردى بەلسەنە ۇگىتتەدى؛ ەرىكتى قىزمەت وتەۋ جاعىندا، شاشتاراز، پىشاق قايراۋشىلار، شۇعىل جاعدايعا توتەپ بەرۋ، قۇتقارۋ بىلىمدەرىن ۇيرەتۋشىلەر، ٴاربىر ەرىكتى ٴوز ٴتاسىلى ارقىلى ٴار ۇلت بۇقاراسىنا تۇرمىستىق قىزمەت وتەدى، سونداي ـ اق جۇرەك پەن وكپەنى قالپىنا كەلتىرۋ، ٴورت اپاتىنان جان ساۋعالاۋ، جەر سىلكىنىسىندە ٴوزىن قۇتقارۋ قاتارلى شۇعىل جاعدايعا توتەپ بەرۋ، قۇتقارۋ بىلىمدەرى مەن ونەرىن ۇيرەتتى.
باستالۋ سالتىندا التاي قالالىق پارتكومنىڭ ۇگىت ٴبولىمى “جاڭادان جۇمىستانعاندار”، “شاعىن ماماندار”، “قارلى مەكەن كوك جالىنى” سىندى 3 ەرىكتى قىزمەت وتەۋ اترەتىنە تۋ ۇسىندى. ەرىكتىلەر “مەن ٴوز ەركىممەن داڭقپەن ەرىكتى بولدىم... بار كۇشىمدى سالىپ، ەڭبەكاقىمەن ەسەپتەسپەي، باسقالارعا كومەكتەسىپ، قوعامعا قىزمەت وتەيمىن” دەگەن ەرىكتىلەر سەرتىن قايتا ەسكە الدى. وسى ٴبىر اۋىز ٴسوز اسقاق ۇنمەن ەرىكتى قىزمەت وتەۋ رۋحىن ٴاربىر ادامنىڭ جۇرەگىنە تەرەڭ ۇيالاتتى.
تاياۋ جىلداردان بەرى، ايماقتىڭ ەرىكتى قىزمەت وتەۋ جۇيەسى ۇزدىكسىز كەمەلدەنىپ، ەرىكتىلەر قوسىنى ۇزدىكسىز كەمەلدەنىپ، ەرىكتى قىزمەت وتەۋ قيمىلى قارىشتاپ دامىپ، ايماقتىڭ ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسىنىڭ ٴارقايسى جاعىمەن توعىستى. قازىرگە دەيىن ايماقتا شىن اتى - جونىمەن تىركەلگەن ەرىكتىلەر 97 مىڭنان استى، مۇنىڭ ىشىندە جاس ەرىكتىلەر 11 مىڭنان، ەرىكتىلەر قوسىنى 1200 دەن استى، ەرىكتى قىزمەت وتەۋ ٴتۇرى 9800 گە تايادى.
سول كۇنى ايماقتىق پارتكوم ۇگىت ٴبولىمى، ايماقتىق پارتكوم قوعامدىق قىزمەت ٴبولىمى، التاي قالالىق پارتكوم ۇگىت ٴبولىمى، التاي قالالىق پارتكوم قوعامدىق قىزمەت ٴبولىمى، التاي قالاسىنا توتە قاراستى تاراۋلار (ورىندار)، التاي قالاسىنداعى 21 وركەنيەت امالياتى ەرىكتى قىزمەت وتەۋ اترەتىنىڭ ۋاكىلدەرى جانە ٴارقايسى اۋىل، قالاشىق (كوشە ٴىس باسقارماسى) ۇيىمداستىرعان ەرىكتىلەر ۇيىرمەسى قاتارلىلاردان 300 دەن استام ادام قيمىلعا قاتىناستى.
放大
