گازەتىمىزدىڭ حابارى (ٴتىلشىمىز گۇزال ابدىرەشيت، ەرىكتى ٴتىلشى ساۋ شۇي حابارلايدى). “قازىر جاڭا ەسىرتكىنى سۋسىن شاي، تياۋتياۋتاڭ، گودوڭ، كارتوچكا قاتارلى زات تۇرىندە وزگەرتىپ جاساۋدا، بۇل زاتتىڭ قوراپتالۋى ادەمى، رەڭى قانىق بولىپ، الجاستىرۋ سيپاتىنا يە بولعاندىقتان، زالالى ايرىقشا زور بولۋدا”... جۋىقتا، ايماقتىق ەسىرتكىگە تيىم سالۋ كەڭسەسىنىڭ قىزمەتكەرلەرى التاي قالاسىنىڭ تاجىريبە باستاۋىش مەكتەبىنە بارىپ، “جاس وسپىرىمدەردىڭ ٴدارى - دارمەكتى بەتالدى پايدالانۋىنان ساقتانۋدى” نەگىزگى تاقىرىپ ەتكەن ەسىرتكىگە تيىم سالۋدى مەكتەپ اۋلاسىندا ۇگىتتەۋ قيمىلىن وتكىزدى.
قيمىل الاڭىندا قىزمەتكەرلەر ۇقساتپالى ەسىرتكى مودەلىنەن پايدالانىپ، وقۋشىلارعا جاڭا ەسىرتكىنىڭ وزگەرگەن ٴتۇرىن كورسەتىپ، ونىڭ ٴتۇرى، زيانى جانە ەسىرتكى تانۋ، ەسىرتكىدەن باس تارتۋ، ەسىرتكىدەن ساقتانۋ ادىستەرى قاتارلى بىلىمدەردى ەگجەي - تەگجەيلى ٴتۇسىندىردى. سونىمەن بىرگە، ناقتى مىسالدارمەن ۇشتاستىرىپ، ەسىرتكىنىڭ جەكە ادامعا، وتباسىنا جانە قوعامعا تۋدىرعان وراسان زور زيانىنا ىشكەرىلەي تالداۋ جاسادى.
وقۋشىلار ٴبىر اۋىزدان بىلاي دەدى: ەسىرتكىگە تيىم سالۋ ۇگىتىنە بەلسەنە ات سالىسىپ، ەسىرتكىگە تيىم سالۋ بىلىمدەرىن وتباسىمىزعا جانە دوستارىمىزعا ىرىقتىلىقپەن جەتكىزىپ، “ەسىرتكىسىز مەكتەپ اۋلاسىن” قۇرۋعا، “ەسىرتكىگە تيىم سالۋدان ۇلگى كورسەتەتىن مەملەكەتتىك قالا” قۇرۋعا بىرگە ۇلەس قوسامىز.
ايماقتىق ەسىرتكىگە تيىم سالۋ كەڭسەسىنىڭ قاتىستى جاۋاپتىسى بىلاي دەدى: ٴبىز بۇدان بىلاي مەكتەپ اۋلاسىنداعى ەسىرتكىگە تيىم سالۋ ۇگىت ـ تاربيە قىزمەتىن ۇزدىكسىز كۇشەيتىپ، ٴتۇرلى فورمالار ارقىلى مەكتەپتەگى وقۋشىلاردىڭ ەسىرتكىگە تيىم سالۋ تانىمى مەن زاڭدىق تانىمىن ۇزدىكسىز كۇشەيتىپ، جاس وسپىرىمدەردىڭ اقاۋسىز ەسەيىپ ـ ەرجەتۋىنە تاماشا قوعامدىق ورتا ازىرلەيمىز.
放大
