گازەتىمىزدىڭ حابارى (ەرىكتى تىلشىلەر ۋاڭ چىڭ، جۇلدىز نۇرعابىل قىزى حابارلايدى). بيىل بۋرىلتوعاي اۋدانى سۋ يگىلىگى قۇرىلىسىن دانەكەر ەتىپ، 10 ٴتۇيىندى سۋ يگىلىگى قۇرىلىسى نىسانىن جۇرگىزدى، بۇل جاڭادان سالىناتىن 7 نىسانعا، جالعاستى سالىناتىن 3 نىسانعا سايادى، جاڭادان سالىناتىن نىساندارعا جيىنى 788 ميلليون 999 مىڭ 800 يۋان، جالعاستى سالىناتىن نىساندارعا 18 ميلليون يۋان قارجى قوسىلادى.
11 ـ ايدىڭ 17 ـ كۇنى بۋرىلتوعاي اۋدانى ۇلىڭگىر كولى سۋ ەكولوگياسىن قالپىنا كەلتىرۋ جانە جونگە سالۋ نىسانىنىڭ 4 ـ بولەگىندەگى قۇرىلىس ورنىندا قازۋ اۆتوكولىگى، تاسىمال اۆتوكولىگى سياقتى ٴىرى تۇرپاتتى اۆتوكولىكتەر قاربالاس جۇمىس ىستەدى. ۇعىسۋعا قاراعاندا، ۇلىڭگىر كولىنىڭ سۋ ەكولوگياسىن قالپىنا كەلتىرۋ جانە جونگە سالۋ قۇرىلىسى نىسانىنا جيىنى 250 ميلليون يۋان قارجى قوسىلعان، قۇرىلىس مازمۇنى كولگە قۇياتىن سور ىعىستىرۋ توعانىن جان ـ جاقتى جونگە سالۋ ينجەنەرياسى، كولگە جاقىن سۋارمالى ٴوڭىردىڭ سۋ ساپاسىن جاقسارتۋ، ەگىس اتىزدارىنىڭ ەكولوگيالىق قۇرىلىسى، وزەن ـ كول جاعالاۋى بەلدەۋىنىڭ ەكولوگياسىن جونگە سالۋ، وزەن ـ كول دالىزىن جونگە سالۋ، سونداي ـ اق سۋ ساپاسىن، سۋ مولشەرىن تەكسەرۋ سىندى 6 ۇلكەن بولەكتى قامتىپ، 8 - ايدىڭ 30 - كۇنى قۇرىلىس باستاعان.
بۋرىلتوعاي اۋداندىق سۋ ىستەرىن باسقارۋ باس پۋنكتى ينجەنەريا ٴبولىمىنىڭ ورىنباسار باستىعى شاۋ بوۋىن بىلاي دەدى: قازىر اۋدانىمىزدىڭ ٴىرى، ورتاشا سۋارمالى وڭىرلەردەگى سۋ يگىلىگى ينجەنەريالارىن وزگەرتىپ سالۋ جالپى تۇلعالىق قۇرىلىس اياق الىسى جاقسى، ٴتۇرلى قىزمەتتەر تارتىپپەن ىلگەرىلەتىلۋدە. قازىر جۇرگىزىلىپ جاتقان سۋارمالى وڭىردەگى توعان جۇيەسىن وزگەرتىپ سالۋ ينجەنەرياسى مەجەمەن كەلەر جىلى 5 - ايدا ەكولوگيانى جونگە سالۋ ينجەنەرياسى مەجەمەن كەلەر جىلى 12 - ايدا اياقتايدى.
جىل باسىنان بەرى، بۋرىلتوعاي اۋدانى سۋ ۇنەمدەۋ، سۋ ساقتاۋ، سۋ رەتتەۋ، سۋ مولايتۋ ىستەرىن ٴبىر تۇتاس جوسپارلاپ، ويداعىداي ىستەپ، كەلەلى سۋ يگىلىگى ينجەنەرياسى قۇرىلىسىن مىقتى يگەرىپ، تۇتاس اۋدانداعى فۋنكتسيالىق تاراۋلار ٴبىرىنشى شەپكە بارىپ قىزمەت وتەپ، نىسانداردى باقىلاۋ مەن باسقارۋدى ۇزدىكسىز كۇشەيتىپ، ينجەنەريا قۇرىلىسىن بەرىك كەپىلمەن قامدادى. قازىر 8 ٴتۇرلى ينجەنەريا اياقتاپ، 2 ٴتۇرلى ينجەنەريا ىلگەرىلەتىلۋ ۇستىندە، 30 دان استام سۋ سىڭبەيتىن توعان جاڭالانىپ، ۇزىندىعى 179.4 كيلومەترگە جەتتى، 61.8 كيلومەتر جەردەگى تۇنبا تازالانىپ، سۋارمالى وڭىردەگى 211 ورىنداعى ولشەۋ قۇرىلعىلارى جاڭالاندى.
بۋرىلتوعاي اۋداندىق سۋ ىستەرى مەكەمەسىنىڭ باستىعى جاڭ يحاي بىلاي دەدى: وزگەرتىپ سالۋ الدىنداعى توعان جۇيەسىنىڭ كەمەلدىلىگى نە ٴبارى %58.7 عانا بولاتىن، قازىر %71.33كە جەتتى. 180 كيلومەترلىك توعان جاقسارىپ، سۋارىلاتىن جەر اۋدانى 620 مىڭ 530 مۋ بولىپ، 50 ميلليون تەكشەمەتر سۋدى ۇنەمدەپ پايدالانۋ جۇزەگە اسىرىلدى.
放大
