گازەتىمىزدىڭ حابارى (ٴتىلشىمىز دۇڭ شىجۇي، پراكتيكانت ٴتىلشى ماحاينا ماگىر قىزى حابارلايدى). ٴتىلىشىنىڭ 6  ايدىڭ 18 - كۇنى گەنەرال تاۋى حالىقارالىق  شاڭعى دەمالىس رايونىنان ۇعىسۋىنشا،  ايماعىنىڭ گەنەرال تاۋى مەملەكەتتىك　　قار ـ  سپورتى جاتتىعۋ بازاسى قۇرىلىسى نىسانىنىڭ سپورتقا قىزمەت وتەۋ ورتالىعى، ساياحاتشىلارعا قىزمەت وتەۋ ورتالىعى (EPC) ورنىقتى ىلگەرىلەتىلگەن، التاي ايماعىنىڭ گەنەرال تاۋى ٴتورت ماۋسىمدىق سپورت نەگىزدىك قۇرىلعى قۇرىلىسى نىسانى　　 قار ـ مۇز مەكتەبىنىڭ قۇرىلىسى دا دۋماندى جۇرگىزىلۋدە ەكەن. وسى رەتكى دارەجەسىن جوعارىلاتۋ گەنەرال تاۋى حالىقارالىق قار شاڭعى دەمالىس رايونىنىڭ قۇرىلعىلارىن ۇزدىكسىز كەمەلدەندىرىپ، قىزمەت وتەۋ ساپاسىن جاقسارتۋداعى ماڭىزدى شارا، سونداي ـ اق التاي ايماعىنىڭ قار ـ مۇز ساياحاتى كاسىبىنىڭ ونان ارى دامىعاندىعىنان دەرەك بەرەدى.

　　سول كۇنى نىسان قۇرىلىسى ناق مايدانىندا قۇرىلىس دابىرالى جۇرگىزىلدى، قۇرىلىس سالۋشىلار 2 ـ قاباتتىڭ توبە تاقتاسىنا سەمەنت قۇيدى. بۇل نىسان گەنەرال تاۋىنىڭ وڭتۇستىك بەتكەيىندەگى ساۋدا شەڭبەرىنىڭ جوبا كولەمىندەگى ورتالىق وڭىردەگى تۇڭعىش بەلگى سيپاتتى قۇرىلىس. جالپى قۇرىلىس كولەمى 30 مىڭ 209.06 شارشى مەتر بولىپ، سالىنىپ بولعاننان كەيىن وڭىرلىك ورتالىق ىقپال كۇشى تۇتاس بولەككە ىقپال جاسايدى. بۇل ساۋدانىڭ دامۋىن جەبەۋدە ماڭىزدى مانگە يە.

　　قۇرىلىس جۇرگىزۋشى جاق جۇڭگو مەحانيكا ونەركاسىبى 4 ـ قۇرىلىس ينجەنەرياسى شەكتى سەرىكتەستىگى نىسانىنىڭ اتقارۋشى ديرەكتورى يىن حۇڭگۋاڭ تىلشىگە: سپورتقا قىزمەت وتەۋ ورتالىعى، ساياحاتشىلارعا قىزمەت وتەۋ ورتالىعى A دان E گە دەيىنگى 5 اۋماققا بولىنەدى. قازىر A اۋماقتىڭ ارقالىق، دىڭگەگىن قۇيۋ جۇمىسى اياقتادى B، C اۋماعىندا بولات سىرىقتاردى بايلاپ بولدىق، مەجەمەن،　　7 ـ ايدىڭ سوڭىندا، تاعاننىڭ نەگىزگى تۇلعالىق قۇرىلىسى سالىنىپ بولىپ، 11 ـ ايدىڭ باسىندا قۇرىلىستىڭ نەگىزگى تۇلعالىق قۇرىلىسى اياقتالادى. 2026 - جىلى سۋ، ەلەكتر، اۋا الماستىرۋ، ٴورت ٴسوندىرۋ - ورتتەن ساقتانۋ، اۋا تەڭشەگىش سياقتى جۇيە ورناتىلادى، -  دەدى.

　　ۇعىسۋعا قاراعاندا، التاي ايماعىنىڭ گەنەرال تاۋى مەملەكەتتىك قار ـ مۇز سپورتى جاتتىعۋ بازاسىنىڭ قۇرىلىس نىسانى سپورتقا قىزمەت وتەۋ ورتالىعى، ساياحاتشىلارعا قىزمەت وتەۋ ورتالىعى (EPC) جەر بەتىندەگى 6 قابات جانە جەر استىنداعى ٴبىر قاباتتى قامتىپ، قار شاڭعى زالى، سپورتشىلار جاتاقحاناسى، ساۋىقتىرۋ بولمەسى، جاتتىعۋ بولمەسى، ساۋدا قۇرىلعىلارى، باسقارۋعا پايدالانىلاتىن ٴۇي جانە باسقا دا نەگىزدىك قۇرىلعىلاردى كەمەلدەندىرۋ قاتارلىلاردى قامتيدى. بۇل ساياحاتشىلاردى، سپورتشىلاردى كەڭ قيمىل ورتاسىمەن، جايلى دەمالىس ورنىمەن، سونداي ـ اق وسىزاماندانعان جابدىق جانە ساپالى قىزمەت وتەۋمەن قامداپ، گەنەرال تاۋى حالىقارالىق　　　　قار شاڭعى دەمالىس رايونىنىڭ قابىلداۋ قۋاتىن ٴونىمدى ارتتىرادى.

　　(جالعاسى 2 ـ بەتتە)

　　(باسى 1 ـ بەتتە)

　　گەنەرال تاۋى حالىقارالىق قار شاڭعى دەمالىس رايونى نىسانىنىڭ جاۋاپتىسى جياڭ حاۋزى تىلشىگە: وسى رەت جاڭادان سالىنعان نىساندار ساياحاتشىلاردىڭ سۇرانىسىن نەگىز ەتىپ، دارەجەسىن جوعارىلاتۋداعى وزەكتى شارا ٴارى قىزمەت وتەۋدى ولشەمدەندىرۋدى ىلگەرىلەتۋدەگى شەشۋشى قادام　　　　بولىپ، ساياحاتشىلاردىڭ قار ـ مۇز سپورتىمەن شۇعىلدانۋىنا مۇمكىندىك جاسايدى، ـ دەدى.

　　التاي ايماعىنىڭ گەنەرال تاۋى ٴتورت ماۋسىمدىق سپورت نەگىزدىك قۇرىلعى قۇرىلىسى نىسانى قار ـ مۇز مەكتەبى نىسانىنىڭ جۇمىس باسىندا ٴتۇرلى قۇرىلىس بۋىنى جوعارى ٴونىمدى ىلگەرىلەتىلدى. جۇمىسشىلار قۇرىلىس جۇرگىزۋدىڭ ورايلى مەزگىلىن مىقتى يگەرىپ، حاۋىپسىزدىك پەن ساپانىڭ تومەنگى شەگىن قاتاڭ ساقتاپ، ينجەنەريانىڭ اياق الىسىن بار كۇشپەن قامتاماسىزداندىردى. قار - مۇز مەكتەبىنىڭ جالپى قۇرىلىس اۋدانى 4036.8 شارشى مەتر، جەر بەتىندەگى 5 قابات اسپاپپەن جاتتىعۋ، قار شاڭعى جابدىعى، كەسكىن ارقىلى تاربيەلەۋ، تاراتۋ قاتارلى يقۋاتتار، سونداي - اق باسقارۋعا پايدالانىلاتىن بولمە مەن جالپىلىق قىزمەت وتەۋگە پايدالانىلاتىن بولمە قاتارلىلاردى قامتيدى. قار ـ مۇز مادەنيەتىن تاراتۋدىڭ ماڭىزدى شەبى رەتىندە قار ـ مۇز مەكتەبى ٴتۇرلى قار ـ مۇز وقىتۋ قيمىلى ارقىلى جۇيەلى ساباق ٴوتىپ، كاسىپتىك جاتتىقتىرۋشىلارعا جەتەكشىلىك ەتەدى، سونداي ـ اق كەمەلدى جاتتىعۋ قۇرىلعىسى ارقىلى كاسىپتىك قار ـ مۇز　　　　　　 سپورتىنا جاتتىقتىرىپ، كۋرسانتتاردىڭ جان ـ جاقتى دامۋىن جەبەپ،　　　　   جوعارى دەڭگەيدەگى قار - مۇز سپورتشىلارىن جەتىلدىرەدى.

　　گەنەرال تاۋى حالىقارالىق قار شاڭعى دەمالىس رايونىنىڭ تيجارات باس باقىلاۋشىسى چىن ياڭ تىلشىگە: نىساننىڭ سالىنۋى جەرگىلىكتى ورىننىڭ جاتاق،　　اس ـ سۋ، قاتىناس قاتارلى قاتىستى　　كاسىپ سالاسىنىڭ دامۋىن جەبەيدى. مىسالى: توڭىرەكتەگى قوناقجايلاردىڭ، حالىقتىق قونالقىلاردىڭ قوناق　　　　 قابىلداۋ مولشەرى كوبەيىپ، اس ـ سۋ كاسىبىنىڭ كىرىسى دە ارتادى. سونىمەن بىرگە، قار ـ مۇز جابدىعىن ساتۋ، مايعا بەرۋ، سونداي ـ اق قار ـ مۇز ساياحاتى قاتارلى كاسىپتىڭ دامۋىنا دەم بەرىپ، كەمەلدى قار ـ مۇز كاسىبى تىزبەگىن قالىپتاستىرىپ، جەرگىلىكتى ورىن ەكونوميكاسىنىڭ ارتۋىن جەبەپ، التاي ايماعىنىڭ قار ـ مۇز كاسىبىنىڭ گۇلدەنۋىن، دامۋىن ىلگەرىلەتەدى، ـ دەدى.

　　التاي قار - مۇز