“قۇپيالىقتى ساقتاۋ قورعانىس جەلىسىن بىرگە قۇرۋ ــ بارلىق ازاماتتىڭ بورىشى”

　　(باسى 3 ـ بەتتە)

　　ايماقتىق پارتكوم ساياسي -زاڭ كوميتەتىنىڭ كادرى ۋاڭ جۇڭجۇن بىلاي دەدى: وسى رەتكى قۇپيالىقتى ساقتاۋ كورمەسىنىڭ نەگىزگى تاقىرىبى ايقىن، تۋىندىلاردىڭ وبرازى جاندى، ماعىناسى تەرەڭ بولعاندىقتان، بۇدان ايرىقشا اسەر الدىم. ساياسي - زاڭ كوميتەتى كادرى رەتىندە قاي - قاشان دا ساقتىق دابىلىن قاعىپ، قۇپيالىقتى ساقتاۋ زاڭىنىڭ ٴتۇرلى بەلگىلەمەلەرىنە قاتاڭ بويسۇنىپ، قۇپيالىقتى ساقتاۋ دەلوسىنىڭ تۋىلۋىن باتىل تەجەيمىن.

　　قۇپيالىقتى ساقتاۋ قىزمەتى پارتيا مەن مەملەكەت ىستەرىنىڭ گۇلدەنۋى مەن قۇلدىراۋىنا، حالىق بۇقاراسىنىڭ ٴتۇبىرلى مۇددەسىنە سايادى. وسى رەتكى “قارلى مەكەن ساۋىتى” اتىنداعى قۇپيالىقتى ساقتاۋ الەۋمەتتىك يگىلىك تۋىندى كورمەسى ايماقتىڭ قۇپيالىقتى ساقتاۋ قىزمەتى مەن مادەنيەت - كوركەمونەردىڭ ىشكەرىلەي توعىسۋىنداعى ٴبىر رەتكى جاڭالىق اشۋ امالياتى. بۇل قيمىل يدەيالىق، كوركەمدىك، تاربيەلىكتى ٴبىرتۇلعالاندىرىپ، 150 حاتكەرلىك، سۋرەت، قاعاز ويما، قولونەر بۇيىمى سياقتى سارا تۋىندى ارقىلى التاي حالقىنىڭ قۇپيالىقتى ساقتاۋ مادەنيەتى جونىندەگى تەرەڭ تۇسىنىگى مەن كوركەمونەرلىك جاسامپازدىق قۋاتىن تولىق ايگىلەدى.

　　ايماعىمىز جالپى تۇلعالىق مەملەكەت حاۋىپسىزدىگى كوزقاراسىن جەتەكشى ەتۋگە باستان ـ اياق تاباندى بولىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ قۇپيالىقتى ساقتاۋ قىزمەتى جونىندەگى شەشىم - ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ مەملەكەت قۇپيالىعىن ساقتاۋ زاڭىن» جانە ونى اتقارۋ ەرەجەسىن تۇتقا ەتىپ، قۇپيالىقتى ساقتاۋدى زاڭمەن جونگە سالۋ ۇگىتى مەن قۇپيالىقتى ساقتاۋ جاۋاپكەرشىلىگىن تياناقتاندىرۋدى جاپپاي ىلگەرىلەتىپ، قۇپيالىقتى ساقتاۋ مەحانيزمى قۇرىلىسى، “ٴتورت ۇلكەن باسقارۋ”، قۇپيالىقتى ساقتاۋ ۇگىت - تاربيەسى جانە باقىلاۋ - تەكسەرۋ قاتارلى جاقتاردا تىڭ ىلگەرىلەۋشىلىككە قول جەتكىزدى. ايماق بويىنشا جوعارىدان تومەنگە دەيىن “قۇپيالىقتى ساقتاۋ جاۋاپكەرشىلىگى تايشان تاۋىنان دا اۋىر” دەگەن يدەيالىق ورتاق تانىم قالىپتاستىرىپ، قۇپيالىقتى ساقتاۋدى زاڭمەن جونگە سالۋ كوزقاراسىن جۇرت جۇرەگىنە تەرەڭ ۇيالاتىپ، قۇپيالىقتى ساقتاۋ، باسقارۋ قابىلەتىن ۇزدىكسىز جوعارىلاتتى.

　　التاي ايماقتىق مەملەكەت قۇپيالىعىن ساقتاۋ مەكەمەسىنىڭ ورىنباسار باستىعى　　 ۋاڭ يۇن بىلاي دەدى: وسى رەتكى كورمەدەگى ٴاربىر تۋىندى قۇپيالىقتى ساقتاۋ حاۋىپسىزدىگىنىڭ نەگىزگى جەلىسىن تىعىز ارقاۋ ەتىپ، قۇپيالىقتى ساقتاۋ توڭكەرىستىك داستۇرىنە دەگەن تەرەڭ سۇيىسپەنشىلىككە قۇرمەت ەتۋمەن بىرگە، جاڭا داۋىردەگى قۇپيالىقتى ساقتاۋ بورىشى جونىندەگى تەرەڭ تۇسىنىككە يە، سونداي ـ اق قۇپيالىقتى ساقتاۋدى زاڭمەن جونگە سالۋ　　　　جونىندەگى جاندى تۇسىنىگى مەن　　 قۇپيالىقتى شاشۋ حاۋىپ - قاتەرى جونىندەگى ساقتىق ەسكەرتۋىنە يە . بۇل تۋىندىلار كوركەمونەردىڭ جاۋھارى عانا ەمەس، قۇپيالىقتى ساقتاۋ تانىمىن ٴسىڭىرۋشى، قۇپيالىقتى ساقتاۋ مادەنيەتىن تاراتۋشى. ٴبىز وسى رەتكى قيمىلدى وراي ەتىپ، اناعۇرلىم ناقتى ستيل، اناعۇرلىم پارمەندى شارا ارقىلى جاڭا داۋىردەگى التايدىڭ قۇپيالىقتى ساقتاۋ قىزمەتىنىڭ تىڭ داستانىن بىرگە جازىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن ۇزدىك ناتيجەمەن قارسى الامىز.