(باسى 1 ـ بەتتە) 4 جىل ۋاقىت جۇمساپ، ەڭ سوڭىندا سور سۋ بايلىعىنان پايدالانۋ مەن سورتاڭ ەگىستىك جەردى سەلبەسىپ وڭاۋدىڭ جۇيەلى تەحنولوگياسىن، ونىمدەرىن جانە ۇلگىسىن قالىپتاستىرىپ، سونداي ـ اق 1000 مۋلىق ۇلگى كورسەتۋ اۋماعىن تاڭداپ جالپىلىق ۇلگى كورسەتۋ جوسپارلاندى.
“قازىر سور سۋدى تۇششىلاندىرۋ تەحنولوگياسىنىڭ ونەركاسىپ پەن تۇرمىستىق سۋ سالاسىندا قولدانىلۋى ٴبىرشاما پىسىپ ـ جەتىلدى، ٴبىراق وزىندىك قۇنى جوعارى بولعاندىقتان، ونىڭ اۋىل شارۋاشىلىعى جاعىندا قولدانىلۋى شەكتەمەگە ۇشىرادى. وسى نىساندى اتقارۋ ارقىلى وزىندىك قۇنى تومەن، جاسىل، قورشاعان ورتانى قورعايتىن، جوعارى ٴونىمدى جاڭا تۇرپاتتى سور سۋدى تۇششىلاندىرۋ تەحنولوگياسى جونىندە ىزدەنىس جاساپ، شينجياڭدا سور سۋدى تۇششىلاندىرۋدىڭ اۋىل شارۋاشىلىعى سالاسىندا كولەمدى قولدانىلۋىن جۇزەگە اسىرۋعا تىرەك بولىپ، وڭىرلىك سۋ بايلىعىنىڭ تاپشى بولۋ جاعدايىن باسەڭدەتىپ، باتىس بولىكتەگى باسقا ولكەلەرگە ۇلگى الۋعا بولاتىن تاجىريبە ازىرلەۋدى ٴۇمىت ەتەمىن”، ـ دەدى اۆتونوميالى رايوندىق اۋىل شارۋاشىلىعى عىلىم اكادەمياسى اۋىل شارۋاشىلىق بايلىعى جانە قورشاعان ورتانى زەرتتەۋ ورنىنىڭ اعا زەرتتەۋشىسى فىڭ دي.
بۇل نىساندا سور سۋ بايلىعى مەن سورتاڭ جەردىڭ تارالۋىندا تيپتىك سيپات الاتىن مارالباسى اۋدانى زەرتتەۋ ٴوڭىرى بولىپ تاڭدالىپ، سور سۋ مەن توپىراقتىڭ سورتاڭدانۋىنىڭ ٴوزارا اسەر مەحانيزمى مەن رەتتەۋ ـ مەڭگەرۋ مەحانيزمىن زەرتتەۋگە ٴتۇيىندى تۇردە نازار اۋدارىلدى، سونداي ـ اق جاسىل، جوعارى ٴونىمدى، سور سۋدى تۇششىلاندىرۋدىڭ شەشۋشى تەحنولوگياسى مەن جابدىقتارى جاسامپازدىقپەن زەرتتەلىپ اشىلادى، سونىمەن بىرگە كەرمەك تاتىعان سۋ مەن تۇششى سۋدان حاۋىپسىز، جوعارى ٴونىمدى پايدالانۋ جانە سورتاڭ ەگىستىك جەردىڭ ساپاسىن جوعارىلاتۋدىڭ ٴوزارا قاتىناسى جونىندە ىزدەنىس جاسالادى، ەڭ سوڭىندا سور سۋدان حاۋىپسىز پايدالانۋ مەن سورتاڭ ەگىستىك جەردى سەلبەسىپ وڭاۋدىڭ تەحنولوگيالىق ۇلگىسىن قالىپتاستىرادى.
جۇڭگو گەولوگيالىق تەكسەرۋ مەكەمەسىنىڭ ساندى مالىمەتىندە كورسەتىلۋىنشە، ەلىمىزدىڭ مينەرالدانۋ دارەجەسى L/1g دەن جوعارى (ٴبىر ليتر سۋدىڭ ىشىندە ٴبىر گرام تۇز بار) جەر استى سور سۋ بايلىعى جىلىنا ورتا ەسەپپەن 60 ميلليارد تەكشەمەتردەن اسقان. شينجياڭدا شامامەن 20 ميلليارد تەكشەمەتر جەر استى سور سۋ بايلىعى بار بولىپ، بۇكىل ەلدەگىنىڭ ۇشتەن ٴبىرىن ۇستايدى، مۇنىڭ ىشىندە وڭتۇستىك شينجياڭنىڭ جەر استى سور سۋ بايلىعى شامامەن %70ىن ۇستايدى، ونىڭ ۇستىنە بايلىققا اينالدىرىپ اشىپ پايدالانۋ ٴبىرشاما تومەن دەڭگەيدە تۇر.
“شينجياڭنىڭ گەولوگيالىق قۇرىلىمى ەرەكشە، تاۋلى وڭىرلەر مەن ويپاتتار ارالاس، ويپات، نەگىزىنەن، تەڭىزدىك قابات، كولدىك قابات شوگىندىسىنەن قالىپتاسقان، تابيعي توپىراقتىڭ انا زاتىنىڭ تۇز قۇرامى جوعارى، جەر استى سۋىنىڭ مينەرالدانۋ دارەجەسى جوعارى، سور سۋ بايلىعى سالىستىرمالى تۇردە مول، ٴبىراق پايدالانىلۋ مولشەرى تومەن”. اۆتونوميالى رايوندىق اۋىل شارۋاشىلىعى عىلىم اكادەمياسى اۋىل شارۋاشىلىق بايلىعى جانە قورشاعان ورتانى زەرتتەۋ ورنىنىڭ باستىعى شۇي ۋانلي بىلاي دەدى: سور سۋ بايلىعىنان پايدالانۋدىڭ كومەسكى كۇشىن ىشكەرىلەي اشۋ شينجياڭنىڭ سۋ بايلىعى تاپشى بولۋ جاعدايىن ٴونىمدى باسەڭدەتۋمەن بىرگە، سورتاڭ جەرلەردى جالپىلىق وزگەرتىپ پايدالانۋدى جەبەيدى، بۇل مەملەكەتتىڭ استىق حاۋىپسىزدىگى مەن ماقتا سياقتى ستراتەگيالىق زاتتارمەن قامداۋىن قامتاماسىز ەتۋدە كەلەلى ماڭىز الادى.
(«شينجياڭ گازەتىنەن» الىندى)
放大
