گازەتىمىزدىڭ حابارى (پراكتيكانت ٴتىلشى ۋاڭ جيڭحۇڭ، ەرىكتى ٴتىلشى دۋ لينفىڭ حابارلايدى). جۋىقتا، قابا اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى 4 زەردەلى ساقشى ۇشقىش اپپاراتىن ىسكە قوسىپ، “ۇشقىش اپپاراتى قوسىنىن” قۇرىپ، قاتىناس ٴتارتىبىن قامتاماسىزداندىرۋ جانە جەتەكشىلىك ەتۋ، باسقارۋ - مەڭگەرۋ قابىلەتىن جاپپاي جوعارىلاتىپ، جول قاتىناس حاۋىپسىزدىگىنىڭ “ساقتانۋ - وڭاۋ تورابىن” قالىپتاستىردى.
كەڭىستىكتە ۇشقىش اپپاراتتان: “سالەمەتسىزدەر، قابا اۋدانىنىڭ قاتىناس ساقشىلارىمىز، اۆتوكولىكپەن وقۋشىلاردى تاسيتىن اتا ـ انالار، جولدا ۇزاق ۋاقىت ايالداماڭىزدار، حاۋىپسىزدىك بەلبەۋىن تاعىپ، مەكتەپ اۋلاسىنىڭ توڭىرەگىندەگى جول قاتىناس ٴتارتىبىن بىرگە ويداعىداي قورعاڭىزدار”، ـ دەگەن داۋىس ەستىلدى. جاقىنعى كۇندەردەن بەرى، قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ حالىق ساقشىلارى ساقشىلاردىڭ زەردەلى ۇشقىش اپپاراتىنان پايدالانىپ كەڭىستىكتە مىندەت وتەۋىن ورىستەتتى.
ۇعىسۋعا قاراعاندا، ۇشقىش اپپاراتى قوسىنىنىڭ زەردەلى ساقشى ۇشقىش اپپاراتىندا جوعارى تۇنىقتىقتاعى كەسكىنگە الۋ، 3 ولشەمدى ۇلگى جاساۋ، زەردەلى دىبىستاۋ قاتارلى يقۋات ورناتىلعان بولىپ، قامتۋ كولەمى كەڭ، يكەمدى، قاعىلەز، جىلجۋى تەز، ينفورماتسيا جيناۋ قابىلەتى جوعارى بولۋ قاتارلى ارتىقشىلىعى بار ەكەن. “مىندەت وتەگەندە” قاراستى رايونداعى نەگىزگى جولدى، ادامدار شوعىرلانعان ورىنداردى جانە ٴتۇيىندى ٴوڭىردى كەڭىستىكتەن شارلاپ تەكسەرۋ، ەرەجەگە قايشىلىق جاسالعان دالەل - سىپات جيناۋ، كەسكىنگە ٴتۇسىرۋ قاتارلى جۇمىستاردى ىستەۋگە بولادى.
قازىر قابا اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى ۇشقىش اپپاراتپەن شارلاۋ مەحانيزمىن ۇدايىلانعان قاتىناس باسقارۋ كولەمىنە ەنگىزىپ، ٴار كۇنى ساعات 10 دا، 14 تە، 19 دا قاتىناستىڭ قاۋىرت مەزگىلىندە 4 ۇشقىش اپپاراتىن ۋاعىندا ۇشىرادى. بۇل ۇلكەن اترەت تاعى “一” ٴارىبى فورماسىندا شارلاۋ جولىن ارناۋلى جوبالاپ، جول بويىنداعى قالتارىس ٴوڭىر، قاتىناس كەدەرگىسى، قاۋىرت مەزگىلدەگى جول بولىگى قاتارلى شارلاۋ، مىندەت وتەۋ اۆتوكولىگى توتە كىرە المايتىن جول بولىگىنە شارلاۋ جۇرگىزەدى.
قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ باستىعى جاڭ لۇڭ بىلاي دەدى: ۇشقىش اپپاراتى ارقىلى 4 ورىندا شارلاۋ جۇرگىزىپ، جول بويىنداعى قاتىناس اعىس مولشەرىن، شىرعالاڭدى جانە كەپتەلىس جاعدايىن كەز كەلگەن ۋاقىتتا يگەرىپ، كەيبىر زاڭعا قايشى ارەكەتتى دەركەزىندە تۇزەتىپ، قاتىناس حاۋىپسىزدىگى كومەسكى قاتەرىن وركەن كۇيىندە جويدىق.
بۇل ۇلكەن اترەت ۇشقىش اپپاراتىمەن شارلاۋ مەحانيزمىن ورناتۋ ارقىلى قاتىناستى جونگە سالۋدا “ادام كۇشىنەن” “زەردەلى ساقشى كۇشىنە” بۇرىلىس جاساپ، بۇقارانىڭ ٴجۇرىس -تۇرىسىنا كەپىلدىك ەتتى.
放大
