گازەتىمىزدىڭ حابارى (تىلشىلەرىمىز جاڭ نان، جۇمابەك كادىربەك ۇلى، پراكتيكانت ٴتىلشى ما حاينا حابارلايدى). 4 - ايدىڭ 7 - كۇنى 2025 ـ جىلعى التاي ايماقتىق مۇگەدەكتەر بىرلەستىگى جۇيەسىنىڭ نەگىزگى ساتى كادرلارىنىڭ قابىلەتىن جەتىلدىرۋ كۋرسى ايماقتىق پارتكوم پارتيا مەكتەبىندە (اكىمشىلىك شۋەيۋانىندا) باستالدى. ٴارقايسى اۋدان، قالانىڭ مۇگەدەكتەر بىرلەستىگىنەن كەلگەن 40 قىزمەتكەر كۋرسكە قاتىناستى.
كۋرستە مىنالار اتاپ كورسەتىلدى: مۇگەدەكتەر بىرلەستىگىنىڭ ۇيىمدارى ــ پارتيا مەن ۇكىمەتتىڭ مۇگەدەكتەرمەن بايلانىس جاسايتىن كوپىرى جانە دانەكەرى بولسا، ال، مۇگەدەكتەر بىرلەستىگىندەگى قىزمەتكەرلەر پارتيا مەن ۇكىمەتتىڭ مۇگەدەكتەرمەن بايلانىس جاسايتىن “ەڭ سوڭعى ٴبىر كيلومەترى”. ولار پارتيانىڭ مۇگەدەكتەرگە تيىمدىلىك جاساۋ ساياساتىن تياناقتاندىرۋ، مۇگەدەكتەردىڭ ۇقىق - مۇددەسىن قورعاۋ، دالمە - ٴدال قىزمەت وتەۋ سياقتى كەلەلى جاۋاپكەرشىلىكتى ارقالاپ وتىر. سوندىقتان، مۇگەدەكتەر بىرلەستىگىندەگى قىزمەتكەرلەردىڭ ساياسي قابىلەتىن ونان ارى جوعارىلاتىپ، قىزمەت جاۋاپكەرشىلىگىن شىنايى كۇشەيتىپ، نەگىزگى ساتى قوسىن قۇرىلىسىن ۇزدىكسىز تەرەڭدەتىپ، مۇگەدەكتەردىڭ بىرگە اۋقاتتانۋىن جاپپاي ىلگەرىلەتۋگە پارمەندى قوزعاۋشى كۇش ۇستەۋى كەرەك.
كۋرستە مىنالار باسا دارىپتەلدى: دەڭگەيدى جوعارىلاتىپ، بورىشتى باتىلدىقپەن ارقالاپ، مۇگەدەكتەر بىرلەستىگىنىڭ قىزمەت سۇيىسپەنشىلىگىن كۇشەيتىپ، “ۋاكىلدىك ەتۋ، قىزمەت وتەۋ، باسقارۋ” فۋنكتسياسىن مۇقيات اتقارىپ، مۇگەدەكتەر بىرلەستىگى ۇيىمىن شىن مانىندە مۇگەدەكتەر سەنىم ارتاتىن، سۇيەنەتىن، ايرىلا المايتىن “ۇيىمعا” اينالدىرۋ كەرەك. قىزمەت ٴتۇيىنىن ٴداپ باسىپ، كاسىپتى زەر سالا زەرتتەپ، مىندەت اتقارۋ ونەرىن شىڭداپ، مۇگەدەك بالالاردى ساۋىقتىرۋ، قۇتقارۋ - كومەكتەسۋ، كەدەرگىسىز قالپىنا كەلتىرۋ، “مەيىر سيلاۋ پەرىشتەسى”، “التىنتاۋ ارمانى” وقۋعا كومەك بەرۋ نىسانى قاتارلى تيىمدىلىك جاساۋ ساياساتىن ىشكەرىلەي يگەرۋ قاجەت. مۇگەدەكتەر كۋالىگىن ٴبىتىرۋ ٴتارتىبىن قاراپايىمداستىرىپ، ساپالىلاندىرىپ، كاسىپتىك جۇيەنى ەستەلىككە الۋ جۇمىسىن جەتىك يگەرىپ، ساۋىقتىرۋعا قىزمەت وتەۋ ورەسىنىڭ ساپاسىن جوعارىلاتىپ، مۇگەدەكتەردىڭ تاماشا تۇرمىسقا دەگەن قاجەتىن قاناعاتتاندىرۋ كەرەك. ەگجەي - تەگجەيلى باسقارىپ، تياناقتاندىرۋدى قاتاڭ يگەرىپ، باۋلۋدىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ ٴتيىس.
بۇل رەتكى كۋرس 3 كۇنگە جالعاسىپ، ”نازاريالىق ساباق ٴوتۋ + اڭگىمەلەسىپ تالقىلاۋ + ناق مايداندا وقىتۋ“ سىندى سترەولدى وقىتۋ ۇلگىسىن قولدانىپ، كۋرسكە ساياسي ساپاسى جوعارى، كاسىپتىك قابىلەتى كۇشتى لەكتورلار مەن مۇگەدەكتەر بىرلەستىگىنىڭ كاسىپتىك ارناۋلى كادرلارىن تاڭداپ جىبەردى ٴارى اۆتونوميالى رايوندىق مۇگەدەكتەر بىرلەستىگى ساۋىقتىرۋ ٴبولىمىنىڭ مامانىن كۋرسانتتارعا ساباق وتۋگە ۇسىنىس ەتتى. ساباق مازمۇنى ”پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى“، ”ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ“، ”جۇڭحۋا ۇلتى ورتاق تۇلعا تانىمىن بەكەمدەۋ“، ”مۇگەدەكتەر قىزمەتىنە قاتىستى ساياساتتى ٴتۇسىندىرۋ“ قاتارلى ارناۋلى تاقىرىپتاردى قامتىدى.
放大
