گازەتىمىزدىڭ حابارى (تىلشىلەرىمىز جاڭ نان، جاڭ فۋشين، پراكتيكانت ٴتىلشى باۋ حۇڭيۇي حابارلايدى). كوكتەم لەبى ەسىپ، قۇرىلىس قاربالاس جۇرگىزىلىپ، حالىق تۇرمىسى ينجەنەرياسى جۇرت جۇرەگىن جىلىتتى. جاقىنعى كۇندەردەن بەرى، ٴتىلشى قابا اۋدانىنداعى ٴبىرقانشا حالىق تۇرمىسى نىسانىنىڭ جۇمىس باسىنا بارىپ، جەرگىلىكتى ورىننىڭ حالىق تۇرمىسى نەگىزگى قۇرىلىس نىسانىنىڭ ىلگەرىلەتىلۋ جاعدايىن ۇعىستى.
قابا اۋداندىق حالىق شيپاحاناسىنىڭ قۇرىلىس ورنىندا 55 مىڭ شارشى مەترلىك ەمدەۋ جالپىلىق تۇلعاسى العاشقى ادىمدا قالىپتاستى. وسى شيپاحانانىڭ ورىنباسار باستىعى جاڭ ۋيدىڭ تانىستىرۋىنشا، قابا اۋداندىق حالىق شيپاحاناسىنىڭ قۇرىلىس نىسانىنا جيىنى 328 ميلليون يۋان قارجى قوسىلعان، قازىر سۋلياۋ ەدەن جاتقىزۋ، ءالسىز ەلەكترلى سىمداردى جالعاۋ قاتارلى سوڭعى ينجەنەريا جۇمىسى جۇرگىزىلۋدە. مەجەمەن، 5 - ايدىڭ باسىندا سالىنىپ بولىپ، 6 - ايدا جالپى بەتتىك جاڭا ورىنعا كوشەدى ەكەن. “نىسان سالىنىپ بولعاننان كەيىن شيپاحانانىڭ جالپىلىق قىزمەت وتەۋ قۋاتىن بارىنشا كۇشەيتىپ، ناۋقاستاردىڭ جاقىن ماڭنان وسىزاماندانعان ەمدەۋ قىزمەت وتەۋىنەن يگىلىكتەنۋىنە مۇمكىندىك جاسالادى”، - دەدى جاڭ ۋي.
قابا اۋدانىنىڭ الەۋمەتتىك مايعا بەرىلەتىن ءۇي قۇرىلعىلارىنىڭ دارەجەسىن جوعارىلاتۋ، جاڭالاۋ قۇرىلىسى نىسانىنىڭ ناق مايدانىندا 4 كورپۋستەگى 228 ءۇيدىڭ قۇرىلىس جۇمىسى تۇگەلدەي اقىرلاستى. بۇل نىسانعا 14 ميلليون 300 مىڭ يۋان قارجى قوسىلىپ، 604 الەۋمەتتىك مايعا بەرىلەتىن ءۇيدىڭ قۇرىلعىلارىن دارەجەسىن جوعارىلاتىپ جاڭالايدى ءارى باسقا دا سايكەستى نەگىزدىك قۇرىلعىلاردى سالادى. بۇل زەردەلى ەسىك قۇلىبى، سۋ كارتوچكاسى، ەلەكتر كارتوچكاسى، زەردەلى باسقارۋ تەكشەسى جانە سۋ، جىلۋ، ەلەكتر سايكەستى قۇرىلعىلارىن جاڭالاۋدى قامتيدى. بۇل نىسان مەجەمەن، جىل سوڭىنان بۇرىن سالىنىپ بولادى، سول كەزدە تۇرعىندار ٴتىپتى دە قولايلى، حاۋىپسىز، جايلى قونىستانۋ ورتاسىنان يگىلىكتەنەدى.
اقشي قالاشىعىنىڭ ۋنيۆەرسال اۋىل شارۋاشىلىق ساۋدا بازارىن جاڭالاۋ نىسانى دا قاۋىرت جۇرىلۋدە. جيىنى 57 ميلليون 468 مىڭ 300 يۋان قارجى قوسىلعان وسى نىساننىڭ جەر استى بولمەسى مەن 1 - قابات قۇرىلىسى سالىنىپ بولدى، ەندى جۇمىسشىلار ىشكى ـ سىرتقى اشەكەيلەۋ جۇمىسىن ىستەۋگە دايىندالۋدا. كەلەسى قادامدا، قالعان قۇرىلىس جۇمىسىن ىستەپ، مەجەمەن، 11 - ايدىڭ 30 - كۇنىنەن بۇرىن سالىپ بولادى. سالىنىپ بولعاننان كەيىن بۇل جەر ساتىپ الۋ، جەتكىزۋ، مانەرلەۋ ءبىرتۇلعالانعان وسىزاماندانعان ۋنيۆەرسال اۋىل شارۋاشىلىق ساۋدا بازارىنا اينالىپ، تۇرعىنداردىڭ زات ساتىپ الۋىنا قولايلى بولۋمەن بىرگە، سول ماڭداعى ساۋدانىڭ دامۋىن جەبەيدى.
قابا اۋداندىق تۇرعىن ءۇي جانە قالا ـ اۋىل قۇرىلىسى مەكەمەسىنىڭ قاتىستى ٴبولىمىنىڭ جاۋاپتىسى بىلاي دەدى: نىساننىڭ ءساتتى ىلگەرىلەۋىنە كەپىلدىك ەتۋ ءۇشىن، ءارقايسى تاراۋ تىعىز سەلبەسىپ، نىسان قۇرىلىسى بارىسىندا جولىققان ءتۇرلى قيىن ماسەلەنى دەركەزىندە شەشەمىز. سونىمەن بىرگە، ساپانى باقىلاۋ - باسقارۋدى كۇشەيتىپ، ينجەنەريا قۇرىلىسىنىڭ ولشەمىن قاتاڭ يگەرىپ، ءاربىر نىساننىڭ ۋاقىتتىڭ سىنىنان وتە الاتىن ساپالى ينجەنەرياعا اينالۋىنا كەپىلدىك ەتەمىز.
放大
