شينحۋا اگەنتتىگىنىڭ 4 ـ ايدىڭ 7 ـ كۇنى بەيجيڭنەن بەرگەن حابارى. تاياۋدا، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «اۋىل شارۋاشىلىعىندا قۋاتتى ەل قۇرۋدى جەدەلدەتۋ جوباسىن (2024 ـ جىلدان 2035 ـ جىلعا دەيىن)» (تومەندە قىسقارتىلىپ «جوبا» دەلىنەدى) باسىپ تاراتتى.
«جوبادا» مىنالار العا قويىلدى: مەملەكەتتى قۇدىرەتتەندىرۋدە، ٴسوز جوق، الدىمەن اۋىل شارۋاشىلىعىن قۇدىرەتتەندىرۋ كەرەك، اۋىل شارۋاشىلىعى قۇدىرەتتەنسە، مەملەكەت قۇدىرەتتەنەدى. اۋىل شارۋاشىلىعىندا قۋاتتى ەل بولۋ ــ سوتسياليستىك وسىزاماندانعان قۇدىرەتتى ەل بولۋدىڭ نەگىزى. استىق حاۋىپسىزدىگى نەگىزىن جان ـ جاقتى بەكەمدەپ، جۇڭگولىقتاردىڭ اس كەسەسىن اناعۇرلىم بەرىك، اناعۇرلىم ورنىقتى ۇستاۋ كەرەك. استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋدى ماڭداي الدى ٴىرى ٴىس ەتىپ، استىق وندىرىسىندە جەرگە سۇيەنۋ، استىق وندىرىسىندە تەحنيكاعا سۇيەنۋ ستراتەگياسىن تياناقتاندىرىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ زاتتىق نەگىزىن بەكەمدەۋ كەرەك. ٴبىر ميلليارد 865 ميلليون مۋ ەگىستىك جەردى جانە ٴبىر ميلليارد 546 ميلليون مۋ ماڭگىلىك نەگىزگى ەگىنجايدى قورعاۋدىڭ قىزىل سىزىعىن بەرىك ساقتاۋ كەرەك. اۋىل شارۋاشىلىعى عىلىم ـ تەحنولوگياسى جابدىقتارىندا جاڭالىق اشۋدى تۇتاس سالا بويىنشا ىلگەرىلەتىپ، جوعارى دەڭگەيدەگى اۋىل شارۋاشىلىعى عىلىم ـ تەحنولوگياسىندا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك. اۋىل شارۋاشىلىعىنداعى شەشۋشى، وزەكتى تەحنولوگيادان قامال الۋدى جەتەكشى، كاسىپ سالاسىنىڭ شۇعىل قاجەتىن باعدار ەتىپ، تۇقىم شارۋاشىلىعىن ٴتۇيىن ەتكەن اۋىل شارۋاشىلىعى عىلىم ـ تەحنولوگياسىندا جاڭالىق اشۋدى جەدەلدەتىپ، كەلەلى اۋىل شارۋاشىلىعى عىلىم ـ تەحنولوگياسىنان قامال الۋدى ىلگەرىلەتىپ، اۋىل شارۋاشىلىعىنىڭ جاڭاشا وندىرگىش كۇشىن دامىتۋ ارقىلى اۋىل شارۋاشىلىعىندا قۋاتتى ەل قۇرۋدى ىلگەرىلەتۋ كەرەك. وسى زامانعى اۋىل شارۋاشىلىعى تيجارات جۇيەسىن تۇتاس بۋىن بويىنشا كەمەلدەندىرىپ، شاعىن شارۋا وتباسىلارى مەن وسى زامانعى اۋىل شارۋاشىلىعى دامۋىنىڭ ورگانيكالى ۇشتاسۋىن جەبەۋ كەرەك. اۋىل شارۋاشىلىعى كاسىپ سالاسى جۇيەسىنىڭ دارەجەسىن ٴوسىرۋدى تۇتاس تىزبەك بويىنشا ىلگەرىلەتىپ، اۋىل شارۋاشىلىعىنىڭ جالپىلىق ونىمدىلىگىن جوعارىلاتۋ كەرەك. اۋىل شارۋاشىلىعىندا سىرتپەن سەلبەستىك جاساۋدى اناعۇرلىم تەرەڭدەتىپ، اۋىل شارۋاشىلىعىندا حالىقارالىق باسەكەنىڭ جاڭا باسىمدىعىن جەتىلدىرۋ كەرەك. قونىسقا جايلى، كاسىپكە ىڭعايلى، جاراسىمدى، كورىكتى اۋىل ـ قىستاق قۇرىلىسىن جوعارى ساپالى ىلگەرىلەتىپ، اۋىل ـ قىستاقتىڭ وسى زامانعى تۇرمىس دەڭگەيىن جوعارىلاتۋ كەرەك. قالا، اۋىلدىڭ توعىسا دامۋىن جەبەپ، قالا، اۋىل پارقىن ازايتۋ كەرەك. شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، اناعۇرلىم كوپ بايلىق كۇشتەرىن كاسىپ سالاسى، جۇمىستاندىرۋ جاعىنا قويىپ، حالىق تۇرمىسى قۇت ـ ىرىسىن شىنايى ارتتىرۋ كەرەك.
«جوبادا» العا قويىلعان نەگىزگى نىسانا: 2027 ـ جىلعا بارعاندا اۋىل شارۋاشىلىعىندا قۋاتتى ەل قۇرۋدا كورنەكتى ىلگەرىلەۋشىلىككە قول جەتكىزۋ. اۋىل ـ قىستاقتى جاپپاي گۇلدەندىرۋدە ماندىك ىلگەرىلەۋشىلىككە قول جەتكىزىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى تىڭ ساتىعا كوتەرۋ. 2035 ـ جىلعا بارعاندا اۋىل شارۋاشىلىعىندا قۋاتتى ەل قۇرۋدا كورنەكتى ونىمدىلىككە قول جەتكىزۋ. اۋىل ـ قىستاقتى جاپپاي گۇلدەندىرۋدە شەشۋشى سيپاتتى ىلگەرىلەۋشىلىككە قول جەتكىزىپ، اۋىل شارۋاشىلىعىن وسىزامانداندىرۋدى، نەگىزىنەن، جۇزەگە اسىرىپ، اۋىل ـ قىستاقتاردا وسى زامانعى تۇرمىس شارت ـ جاعدايىن نەگىزىنەن ازىرلەۋ. وسى عاسىردىڭ ورتا شەنىنە بارعاندا اۋىل شارۋاشىلىعىندا قۋاتتى ەلدى جاپپاي قۇرىپ شىعۋ. اۋىل ـ قىستاقتى جاپپاي گۇلدەندىرىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى جاپپاي جۇزەگە اسىرۋ.
(«شينجياڭ گازەتىنەن» الىندى)
放大
